الكلاب تنبح و القافلة تسير ...... والرّكب ماشي يقوده البعير
الكلاب تنبح والنّاس رقود ...... والعرس قايم من غير شهود
الكلاب تنبح ولا من فزع ...... خطفوا العروسة ولا من طلع
الكلاب تنبح والعقول شرود ......كثرت الشّكاوي ولا من ردود
فقنا الصّباح....شفنا المراح
خال البطاح....مافيه صياح

خطفوا العروسة ومشوا بيها..... طفلة صغيرة لا حنّة في يديها
شقّوا الفيافي و قصدوا الدّوّار..... وأهلها رقود طلع النّهار
صاحت لمّيمة لقت المضرب خالي .....البنت يتيمة لاأهل لاأمّالي
وينك يا كبيدة يابنت الغوالي .... لانجدة حلّت والرّيح جبالي

هزّوا الكسيبة....والغالية الحبيبة
لاعين رقيبة .....والدّمعة سكيبة

إبكي ياعين علّي صاير فيّ .... هزّوا البنيّة من وسط أمّاليّا
فينكم يارجالي وينكم ياعمومة....غدروا بحالي ضربوني ع الكرومة
لوكان نقصد رقود الجبّانة .... كانوا فزعولي وردّوا الإهانة
لكن رجالي رضوا هكّة حالي .... نحمل رحالي نهج ملّي جرالي

ماعاد نعمّل....علّي فيّ مهمّل
طلّقني ورمّل..... زاد عليّ كمّل

مشات تشكي طلبوها في الشّهود....بدات تبكي لقاتهم قرود
ياناسي فيقوا أنا إلّي سرقوني....هزّوا البنيّة وبكّوا عيوني




المشاركات الشائعة من هذه المدونة

♡" يازائر القيروان"♡

هديّة متواضعة منّي إلى مدينتي: قصيدة ♡" يازائر القيروان"♡ _____________________________ يَا زَائِرَ القَيْرَوَانِ مَهْلًا ☆☆ أَلَا فَسَلِّمْ عَلَى رُبَاها القـَلْبُ يَرْنُو لِلـَـثْمِ أَسْـوَا ☆☆ رِهَا وَمِنْ ثـُمَّ مَنْ بَنَاهَا والعَيْنُ مُشْتَاقَـةٌ لِمَرْأَى ☆☆ دِيَارِهَا قـَبْلَ أَنْ تَرَاهَا عَرِّجْ عَلَى مَسْجِدٍ وَأَلـْقِ ☆☆ تَحِيَّة ً دُونَمَا سِوَِاهَا وَابْعَثْ لـَنَا مِنْ بَخُورِ أَسْوَا ☆☆ قِهَا عُطورًا وَمِنْ َشَذَاهَا وَانْعَمْ بِطِيبِ الهَوَاءِ دَوْمًا ☆☆ يَفُوحُ مِنْهَا عَلَى مَدَاهَا لـَوْ َأنَّ لِي أَجْنُحًا جَنَحْتُ ☆☆ إِلَيْكِ يَا قَيْرَوَانُ وَاهَا هَلْ ِمنْ سَبِيلٍ إِلَيْكِ يُرْسِي ☆☆ بِنَا عَلَى وِجْنَـتَـيْكِ آهَا غَنَّيْتُ لِلْقَيْرَوَانِ حَتَّى ☆☆ تَوَرَّدَ الْـبَدْرُ فِــي سَمَاهَـا أَفْنَيْتُ عُمْرًا يَفُوقُ عُمْرِي ☆☆ أَصُوغُ وَصْفًـاً يَـفِي بَهَاهَا وَ الشِّعْرُ يَحْتَارُ إِذْ يَرَاهَا ☆☆ فَـَكيْفَ شِـْعـرِي وَمَا رَآهَا فَأَوْقَدَتْ فِي الفُؤَادِ وَقْدًا ☆☆ تَأَجَّجَتْ فِي الْحَشَ...
قراءة المزيد

من شربنا للبيبسي والكوكة كرامتنا مدعوكةوأرضنا مابين يدنا مفكوكة_من شربنا للبيبسيمانثبت على اتّجاه كيف التّبسينشعل ونطفى في مثيل السّبسيمابين زوز شفاه لخالتي مبروكةوالفرق واضح بين رخفتك وكبسيمن رخفتك دمنا سال في المسكوكة_من شربنا تبنّنابفلوسنا شرينا مشروبنا وتهُنّاكل من شرب كاثر شخيره ننّا واللّي نهض حرق ب شقفته وفلوكةفي فمّنا القطران قلنا بنّةواللّي رضع الذّلّ صعب تروكه _من شربنا تقرّعناخرجت كشاكش بلنا ورتعناوسط المراعي سارحين وجُعنارغم الحشايش مكدّسة ومتروكة.صراخ اولادنا ف أرضنا وجّعنا نسانا سبايا وأرضنا مملوكة._مانقول البيبسي وحدهاو لايحة البويكوت تو نجبدهاكراهب ودخّان ما نعدّدهاوأجهزة في السوق بالدّربوكةإشهار في التلفاز ما يفقدهاتقول حياتنا بلا ها تتبلوكة_تحرم علي العيشةوتحرم علي مثل هذي حشيشةنرسم وشم ف جبهتي ونقيشةلو كان نشري الماركة المشكوكةبيها عدوّي نافش عليّا ريشةكبر دجاجه وسرح في قمحنا سردوكه_مانقد هذا وحديوشكون غيرك سند لي وعضديخويا وصديقي ولد ريف وبلديمن غدوة تروح من حلقنا هالشّوكةهذي وصيتي لولد ولد ولديكي نعدي بقية حياتنا شكشوكة.

قراءة المزيد