صاحبت بنادم والذّيب
وعاشرتهم عشرة طويلة
خالطتهم خلطة الحبيب
عندي ما فمّاش مثيله
بنادم وصّلني للعيب
شعّلّي في قلبي فتيلة
بلعني كيف كعبة زبيب
ومعسني كيف الرّتّيلة
وصّلني نبكي بنحيب
ومشيت للذّيب نحكيله
وبدا يحكيلي ويجيب
قلّي بنادم حباله طويلة
ماناخذ منّو نصيب
يزيد يشاركني في قليله
عاملني كأنّي ربيب
مالقيت معاه حتّى حيلة
.........
**NACEUR..



المشاركات الشائعة من هذه المدونة

من شربنا للبيبسي والكوكة كرامتنا مدعوكةوأرضنا مابين يدنا مفكوكة_من شربنا للبيبسيمانثبت على اتّجاه كيف التّبسينشعل ونطفى في مثيل السّبسيمابين زوز شفاه لخالتي مبروكةوالفرق واضح بين رخفتك وكبسيمن رخفتك دمنا سال في المسكوكة_من شربنا تبنّنابفلوسنا شرينا مشروبنا وتهُنّاكل من شرب كاثر شخيره ننّا واللّي نهض حرق ب شقفته وفلوكةفي فمّنا القطران قلنا بنّةواللّي رضع الذّلّ صعب تروكه _من شربنا تقرّعناخرجت كشاكش بلنا ورتعناوسط المراعي سارحين وجُعنارغم الحشايش مكدّسة ومتروكة.صراخ اولادنا ف أرضنا وجّعنا نسانا سبايا وأرضنا مملوكة._مانقول البيبسي وحدهاو لايحة البويكوت تو نجبدهاكراهب ودخّان ما نعدّدهاوأجهزة في السوق بالدّربوكةإشهار في التلفاز ما يفقدهاتقول حياتنا بلا ها تتبلوكة_تحرم علي العيشةوتحرم علي مثل هذي حشيشةنرسم وشم ف جبهتي ونقيشةلو كان نشري الماركة المشكوكةبيها عدوّي نافش عليّا ريشةكبر دجاجه وسرح في قمحنا سردوكه_مانقد هذا وحديوشكون غيرك سند لي وعضديخويا وصديقي ولد ريف وبلديمن غدوة تروح من حلقنا هالشّوكةهذي وصيتي لولد ولد ولديكي نعدي بقية حياتنا شكشوكة.

قراءة المزيد
الليلة سهرتكم باردة ريح وثلج و زمهرير وأفكاري منّي شاردة نمشي نشد فراشي وثير وأجواءكم ليّ طاردة نقلكم تصبحوا على خير ** ناصر
قراءة المزيد