ربّيتك بين يديّ

رَبِّيتِكْ بِينْ يْدَيَّ ...شِلْتِكْ عَلىَ اكْتَافِي

دَارِ الزَمَانْ عْلَيَّ...اليُومْ مِنِّي تْجَافِي

رَبِّيتِكْ بِينْ أحْضَانِي...عْطِيتِكْ أَعَزَّ أوْصَافِيِ

رَكَّبْتِكْ فُوقْ حْصَانِي... ومْشِيِتْ وْرَاكِ حَافِي

غَطِّيتِكْ مِنْ لْحَافِي...سْكُنْتِ فِي القَلْبْ الدَّافِي

فَرْشِكْ حَرِيرُ صَافِي..... صْبَحْتِ مِنِّي تْعَافي

عَلَّمْتِكْ حُسْنِ النِّيَّهْ... دِرْتِ عَلَى خْلاَفِي

فِي لْبَحْرْحْفَرْتِ ثْنِيَّهْ...كَسَّرْتِ لِي مِجْدَافِي

أَرْضِكْ عَلِيهَا حْرِيرْ...مِيزَانِي لِيكْ بِالْوَافِي

خِيرِي مَشَى لِلْغِيرْ...وَعَمْلِكْ نَاكِرْنِي وْنَافِي

 

سْقِيتِكْ دِفْءِ مْحَبَّهْ...شْرَبْتِ حَنِينِي صَافِي

طَلَّعْتِي فِيَّ نَبَّهْ...يَانَاوِيَهْ على زْعَافِي

مَاعُدْتْ أَنَا أَتْحَمِّلْ ...ثُقْلِكْ عَلَى أَطْرَافِي

وْمَاعَادْ فِيَّ أكَمِّلْ...يَازَايِدَه فِي إنْحَافِي

القيروان

2010