لولا الكدر ماكنت علينا تتقوّى === ولولا الزّمان كنت بالتّراب تتسوّى لكن خلّيك عارف أنّك إبن حوّا === لازم يحين الوقت وتقرب من الهوّة إذا عدّيتها البارح واليوم وتوّة === غدوة يكون دورك كيفو هو لاتصاحب الدّنيا كالأفعى تتلوّى === لاتعرف رحمة ولامروّة ناعمة الملمس وحلوّة === وياويلو اللّي عليها يتقوّى لاتقلّي كيفاش ولا شنوّة ==== اصبر وصابر وتحلّى بالقوّة 2012/4/22 عبدالسّتّار زرّوقي
المشاركات الشائعة من هذه المدونة
ناولتك قلبي ما صنت
تْجَرَّعْتْ غْيَابِكْ رَشْفَة وْرَا رَشْفَــة
تْجَرَّعْتْ غْيَابِكْ رَشْفَة وْرَا رَشْفَــة / لْقِيـْتْ فِيـهْ مْرَارَة مَالْهَاشْ مْثِيـــلْ جَـرَّبْتْ نَاخُـذْ مْنِ الجمل ليه وَصْفَة / كل ما زدت الصّبر بَانْ فِيهْ قْلِيـــلْ هَزِّيتْ حَالِي وْرُحْتْ لِلْمُسْتَشْفَــى / وِ الخُطْــــوَة منّي قدّرتها بالمِيــلْ قَرَّبْ الطَّبِيبْ لْصَدْرِي بَعْدْمَا كِشْفَـهْ / سَمَعْ فيه دوي كِي صَهِيلْ الخِيلْ قَال هَالقَلْبْ صَعْبْ يْلَاقِي حَتْفَــــهْ / أصـل القُلُــوبْ لازم إلِيــهْ تْمِـيـــلْ لَازِمْ يْجِي يُومْ وْمنِ الْمَرَارَة يِشْفَـى/ وْ مُــرْ الْفراق كِــي عَابِـــرْ سَبِيـلْ عبدالسّتار زرّوقي 2013/6/08