OKقالولي ثورة ياسمين

قالولي ثورة ياسمين

===========

قالولي ثورة ياسمين
===========
كُثْرِتْ قُدَّامِي البِيبَانْ / مَا عْرَفْتِشْ لَخْرُوجْ مْنِينْ

لاَ شُفْتْ طْرِيقِي وْلَا بَانْ / مِنَّا يْسَارْ وْ مِنَّا يْمِينْ

رِيتْ ثْنِيَّة عْلَى مَحْلَاهَا / فِيهَا زْهُورْ وْرَيَاحِينْ

نِجْمَة تِضْوِي فُوقْ سْمَاهَا / هْلَالْ مْرَصَّعْ عَالْجَبِينْ

سْأَلْتْ عْلِيهَا أَوْلَادْ الْحُومَة / قَالُولِي ثَوْرَةْ يَاسْمِينْ

تْوِلْدِتْ وْهِيَ مَرْحُومَة / قَتْلُوهَا وْ مَا زَالِتْ جَنِينْ

يَا دُوبْ عْمُرْهَا دَامْ نْهَارْ / يُنْقُصْ مِنُّو يْجِي سَاعْتِينْ

شَافِتْ ِفيْه اللِّي مَا صَارْ / قَتْلُوهَا وْصَارُوا سْلَاطِينْ

حَلُّوا فِيهَا أَبْوَابْ كْثِيرَة / كُلْ بَابْ يْهِزْ لْبَابِينْ

حَتَّى مِنْ َبابِ" الجَزِيرَة " / طُولْ يْعَدِّي لِلْقَصْرِينْ

بَابْ يْهِزْ لِلتَّأْشِيرَة / وْبَابْ يْحِلْ عَالْمَحْرُومِينْ

أَحْزَابْ كْبِيرَة وصْغِيرَة / الكُلْ عْلِيهَا مَلْمُومِينْ

قَالُوا هَالثَّوْرَة ثَوْرِتْنَا / وَاحْنَا لِيهَا لَبَّاسِينْ

قَامُواِ بِيهَا عْمُومِتْنَا / قْضُوا عْلَى عَهْدِكْ يَازِينْ

تْلَمُّوا عْلِيهَا الفَصَّالَة / صَارُوا الكُلْ خَيَّاطِينْ

هَذَا خَاِطِلْهَا دِرْبَالَة / لَاخِرْ يْحَضِّرْ فِي قْمِيصِينْ

وِلِّي فَصَّلْ لِيهَا سْرَاوِلْ / يْحِبْ عْلِيهُمْ مَحْزُوقِينْ

وْ لَاخِرْ صَانَعْ بَرْشَة مْعَاوِلْ / نَاوِي ْيكُونْ مِِالهَدّامِينْ

وَانَا فِي مْكَانِي نِتْفَرِّجْ / حَاطِطْ يِدِيّ عْلَى الخُدِّينْ

سْأَلْتْ عَلَى الْبَابْ اللِّي يْخَرِّجْ / قَالُوا انْتَ لْبَرَّة مِنْ سْنِينْ

عبدالسّتّار زرّوقي

**عبدالسّتّار زرّوقي