أنا قيس بوك

face bookتسمع على
حكايات ما يعجبوك
ناس يحبّوك يستدعوك
وناس كرهوك وتركوك
****
internet حلّيت
نهار الكل مع البنات
هذي مشات وهذي جات
chatte وهذي خرجت من
****
connecte الوقت الكل
قدام الشاشة بنّكت
تركت الخدمة منّكت
كالدجاجة راني كركت
****
مع هذي فدلكت
مع الاخرى ضحكت
داري ومصروفي تركت
clickالسّوري كلكت..كلكت
****
نشاتي مع هذي
وبديت ندلّس في الماضي
شايخ وراضي
على مرتي صرت متغاضي
****
نحاكم ونقاضي
أسلوب فنّان ورياضي
إذا مِسّاجك فاضي
نعلّق وننسى الماضي
****
profil دلّست الــ
وهذا أكبر دليل
ville الدشرة صارت
خيالي ردّيتو طويل
****
je t'aime وحدة بعثتلي
الاخر يحكي عالحرام
madame الأخرة ماتحبّش
صغيرة..عمرها لقدّام
****
حموم message واحد يبعث
كلّه يقطّر هموم
يبارتاجي أغاني كلثوم
يكتب بدموعه يعوم
****
حلّيت وبديت نقرا
مرّة نصّ ومرّة فقرة
كان التهنتيل والحقرة
حسّيت على راسي نقرة
****
العربية بحروف فرنسية
أغلاط و أخطاء نحوية
وشوية شويّة
تشاركنا فيها الشنويّة
****
liste دخلت نشوف
twist عيوني شطحت
eastهذي حلّت من
west وهذي حطّت من
****
إلّي عمرها 40
كتبتّو مقسوم على 2
حَلْفِتْ وقسمت اليمين
بوها زايدها عامين
****
ولّي يعاني من البطالة
عريان تاعب في حالة
موش لازم تسأل عن حاله
لايولّي سيد الرّجّالة
****
ولّي لشـِعْرُو حلّيت
هاجيتو و لحروفه قريت
فْلِيتُو بـِيتْ بـِيتْ
site مسروق وهَاوْ عندي
****
ولّي يملا الإستمارة
بإسم وصورة مستعارة
ويشاتي مع بنت الجارة
وإلاّ مع سكّان الحارة
****
ياوالله الفايس بوك
يصدمك في أختك وخوك
لاتدري صاحبك من عدوك
لحمي قام شوك شوك
****
شعر/ناصر زيتوني
القيروان
جوان 2010