كَمِّلْ كَلَامِكْ يَا رَاوِي....وْشُوفْ إِذَا قَلْبِي إِرْتَوَى

دَقِّقْ فَحْـصِكْ وْدَاوِي...وأُوصِفْلِي مِنَّكْ دَوَا

كُونْ لِلْجُرْحِ كَاوِي....وْ يَارِيتْ أَشِمِّ الشِّوَا

يَامَا بَلَعْنَا بَلَاوِي .... وْيَامَا طَالِ المَدَى

يَامَا تْمَنِّينَا شَهَاوِي....مَانَابْنَا كَانِ الصَّدَى

اللِّيلْ يُسْتُرِ المَسَاوِي....وِالنَّهَارْ يِسْحَبِ الغَطَا

تِنْكَشِفْ عْيُوبِ الفَتَاوِي....وْيِنْفَضِحْ مَاقَدْ مَضَى

يْسَجَّلِ التَّارِيخْ الحَكَاوِي...وْمَا مِنْ صَفْحَة طَوَى

يْفَرَّقِ الفَصِيحْ مِنِ العَاوِي...وْ يِسْنِدْ شَهَادَةْ رِضَا

ماَيِقْدِرْ بِينَهُمْ يْسَاوِي....وَلَا يْلِمَّهُمْ نَفْسِ الفَضَا

عبدالستار زرّوقي

المشاركات الشائعة من هذه المدونة

لولا الكدر ماكنت علينا تتقوّى === ولولا الزّمان كنت بالتّراب تتسوّى لكن خلّيك عارف أنّك إبن حوّا === لازم يحين الوقت وتقرب من الهوّة إذا عدّيتها البارح واليوم وتوّة === غدوة يكون دورك كيفو هو لاتصاحب الدّنيا كالأفعى تتلوّى === لاتعرف رحمة ولامروّة ناعمة الملمس وحلوّة === وياويلو اللّي عليها يتقوّى لاتقلّي كيفاش ولا شنوّة ==== اصبر وصابر وتحلّى بالقوّة 2012/4/22 عبدالسّتّار زرّوقي
قراءة المزيد

تْجَرَّعْتْ غْيَابِكْ رَشْفَة وْرَا رَشْفَــة

تْجَرَّعْتْ غْيَابِكْ رَشْفَة وْرَا رَشْفَــة / لْقِيـْتْ فِيـهْ مْرَارَة مَالْهَاشْ مْثِيـــلْ جَـرَّبْتْ نَاخُـذْ مْنِ الجمل ليه وَصْفَة / كل ما زدت الصّبر بَانْ فِيهْ قْلِيـــلْ هَزِّيتْ حَالِي وْرُحْتْ لِلْمُسْتَشْفَــى / وِ الخُطْــــوَة منّي قدّرتها بالمِيــلْ قَرَّبْ الطَّبِيبْ لْصَدْرِي بَعْدْمَا كِشْفَـهْ / سَمَعْ فيه دوي كِي صَهِيلْ الخِيلْ قَال هَالقَلْبْ صَعْبْ يْلَاقِي حَتْفَــــهْ / أصـل القُلُــوبْ لازم إلِيــهْ تْمِـيـــلْ لَازِمْ يْجِي يُومْ وْمنِ الْمَرَارَة يِشْفَـى/ وْ مُــرْ الْفراق كِــي عَابِـــرْ سَبِيـلْ عبدالسّتار زرّوقي 2013/6/08
قراءة المزيد

OKيادنيا بصبغة وألوان

يَادُنْيَا بْصَبْغَة وْأَلْوَانْ يَادُنْيَا بْصَبْغَة وْأَلْوَانْ === وْوُجُوهْ مِتْنَكَّرَة صَمْتِكْ مَيَّلِ المِيزَانْ === أَفْوَاهْنَا مِتْسَكَّرَة فِينْ بَرِّ الأَمَانْ === وِبْحُورِكْ مِتْعَكَّرَة ْلَاحُبْ.. لَاحَنَانْ === قْلُوبْنَا مِتْحَجَّرَة أََلْحَانْنَا أَشْجَانْ === وِخْطَانَا مِتْعَثَّرَة نِسِينَا اللِّي كَانْ === تَارِيخْنَا المَفْخَرَة صِرْنَا بِلَا عُنْوَانْ === وْجَفَّتِ الحُنْجُرَة تَايْهِِينْ وِسْطْ المَكَانْ === أَفْكَارْنَا مِتْبَعْثَرَة ضَاعَتْ مِنَّا ْالأَوْطَانْ === تْبَاعِتْ لِلسَّمْسَرَة  وِرَهَنَّا السِّيفْ وِالْحِصَانْ === فِي غْيَابِكْ يَا عَنْتَرَة وِتْغَيّبْ فِينَا الإِنْسَانْ === سَكَنْ المَقْبَرَة نَدِّدْنَا.. كْتِبْنَا البَيَانْ === وِكْلَامْنَا ثَرْثَرَة عبد السّتّار زرّوقي   2012/02/15 http:// abdnaczarzit.blogspot.com/2012/ 02/ 20120215.html?zx=3631bac44bc82f a5 http://65.99.238.12/~alngar/ vb/blog.php?b=491 http://kenanaonline.com/users/ ZarroukiAbdstr/posts/382093 ...
قراءة المزيد