ْيَالْبُورْطَابِلْ نُوقِسْ رِن
ْقَلْبِي لِيهْ نَقِّزْ وْحَن
ْيَالْبُورْطَابِلْ حْكِيلِي أَخْبَارَه
حَدْ مَا يَعْرَفْ غِيري كَارَه
قَلْبِي واقِدْ شَاعْلَة نَارَه
وْهُوَ غاَطِسْ في السَّمَن
ْيَالْبُورْطَابِلْ جِيبْلِي رْسَالَة
حْكِيلِي فِيهَا عَنْ أَحْوَالَه
نَا حُبِّي سِيدْ الرَّجَّالَة
ْوَحْدَهْ فِي قَلْبِي سْكُن
ْيَالْبُورْطَابِلْ بالله فَبْرِي
قَلْبِي ذَايِبْ وَافي صَبْرِي
خَايْفَة عليه يولّي مِبْرِي
قَلْمِ و تِتْكَسَّرْلَهْ سِن
ْيَالْبُورْطَابِلْ طَالَتْ المُدَّة
قُلِّي وَلْفِي وِاشْ يْرُدَّه
نَا صَبْرِي هَاذَاكَ حَدَّه
عَقْلِي طَارِ ِمنْ رَاسِي جَن
ْيَالْبُورْطَابِلْ جِيبْلِي أَخْبَاَره
حْبِيبِي خَلاَّنِي مُنْهَارَة
نْفَكِّرْ فِيهْ لِيلْ مْعَ ْنهَارَه
وْهُوَ فِي لَبْعَادْ سَاكِن
ْيَالْبُورْطَابِلْ نْصُبْلَكْ عَشْرَة
كَلَّمْلِي نَكَّارْ العِشْرَة
رْمَانِي وْخَلَاّنِي فِي الدَّشْرَة
وْهُوَ ِفي غُرْبَتَهْ كَـــنْ
ْيَالْبُورْطَابِلْ نْزِيدِكْ خَمْسَة
نِسْمَعْ مِنُّو حَتَّى هَمْسَة
خَلاَّنِي عَمْيَةو طَمْسَة
وْهُوَ أُمُورَهْ فِي الِجبِن
ْْيَالْبُورْطَابِلْ اتَّصِل
ْجيبلي أخْيَارَهْ عَنْ عَجَل
نايا قلبي كل ومل
ْبِيهْ تعلّق وْتِرْهَن
يَالْبُورْطَابِلْ دير أبّالْ
للّي حبّو شاغل البال
إسمو على لساني موّال
هو غنايا ولحني وفن