أغنية/تذكّرتك

شكون قلّك.. يا خويا دغدغني

و تنبش على خبر.. فاجعني

ومن غاب عليّ وما ودّعني

مالي غيرها أمّيمة حنوني
***
تذكّرتِكْ يالمّيمة ...حَيّرْتِ عليّ محوني

بعد لهيبك يا جمر ...تغطّى برمادك كانوني

في حضورك... بالذهب وزنوني

من بعد غيابك ...بالرّخيس باعوني
***
تذكّرتك ..ناري في الجاش تولّع

برحيلك يا لحنينة..ساسي من الدّار تقلّع

يومها ..سعيت لشفاك نتّطلّع
***
نواحاتهم سبقتني ردّوني

لاني مكذّب ولاّ مصدّق

لا حالم.. بعويناتي تحدّق

حلّيت فمّي..نبغي ننطق

كلامي.. وحروفو خانوني
***
سابقت قلبي.. في طريق طويل

الخطوة منّي.. قدّرتها بالميل

كلّ ما نقرّب.. نسمع صوت عويل

غرّقت مدينة. في دمعات عيوني
***
خبرها جاني موش كذّاب

عظُمْلي أجرك ملأصحاب

من بعدك .. ما دقّ عليّ باب

من وقتها تركوني ونسوني
***
يا أمّيمة.. صعقني منهم الخبر

بكيت ..وناديت ترابك يا قبر

جيتك بالله.. يا كاتم السّرّ

ردّولي الأمّيمة.. و عوضها خذوني
***
مازلت بذكرك متوجّع

لا فكري يهدا و لا يهجع

لو لحظة من زمانك ترجع

نقدّدلك لحمي بسنوني
***
كل مانشوف صورتك يا أمّي

نحسّ بدمّك يسري في دمّي

ننسى حالي ويذهب همّي

ترجع راحتي ..يعمّ سكوني
***
ياأمّيمة كلّ شهر رمضان

نتفكّرك يا دانية الأغصان

عهد عليّ نختم القران

على روحك ياساكنة في جفوني
***
رحلت وماعاد للّدّار دار

لاقريب يطلّ ولا ضحكات صغار

نبت الحرمل عوض النّوّار

وزيد يشرط ويقول أسقوني
***
مع أرقّ التّحايا

وإلى اللّقاء مع قصيدة جديدة بإذن الله

الشّاعر / عبد السّتّار زرّوقي

القيروان

تونس

2011/7/26

المشاركات الشائعة من هذه المدونة

♡" يازائر القيروان"♡

هديّة متواضعة منّي إلى مدينتي: قصيدة ♡" يازائر القيروان"♡ _____________________________ يَا زَائِرَ القَيْرَوَانِ مَهْلًا ☆☆ أَلَا فَسَلِّمْ عَلَى رُبَاها القـَلْبُ يَرْنُو لِلـَـثْمِ أَسْـوَا ☆☆ رِهَا وَمِنْ ثـُمَّ مَنْ بَنَاهَا والعَيْنُ مُشْتَاقَـةٌ لِمَرْأَى ☆☆ دِيَارِهَا قـَبْلَ أَنْ تَرَاهَا عَرِّجْ عَلَى مَسْجِدٍ وَأَلـْقِ ☆☆ تَحِيَّة ً دُونَمَا سِوَِاهَا وَابْعَثْ لـَنَا مِنْ بَخُورِ أَسْوَا ☆☆ قِهَا عُطورًا وَمِنْ َشَذَاهَا وَانْعَمْ بِطِيبِ الهَوَاءِ دَوْمًا ☆☆ يَفُوحُ مِنْهَا عَلَى مَدَاهَا لـَوْ َأنَّ لِي أَجْنُحًا جَنَحْتُ ☆☆ إِلَيْكِ يَا قَيْرَوَانُ وَاهَا هَلْ ِمنْ سَبِيلٍ إِلَيْكِ يُرْسِي ☆☆ بِنَا عَلَى وِجْنَـتَـيْكِ آهَا غَنَّيْتُ لِلْقَيْرَوَانِ حَتَّى ☆☆ تَوَرَّدَ الْـبَدْرُ فِــي سَمَاهَـا أَفْنَيْتُ عُمْرًا يَفُوقُ عُمْرِي ☆☆ أَصُوغُ وَصْفًـاً يَـفِي بَهَاهَا وَ الشِّعْرُ يَحْتَارُ إِذْ يَرَاهَا ☆☆ فَـَكيْفَ شِـْعـرِي وَمَا رَآهَا فَأَوْقَدَتْ فِي الفُؤَادِ وَقْدًا ☆☆ تَأَجَّجَتْ فِي الْحَشَ...
قراءة المزيد

من شربنا للبيبسي والكوكة كرامتنا مدعوكةوأرضنا مابين يدنا مفكوكة_من شربنا للبيبسيمانثبت على اتّجاه كيف التّبسينشعل ونطفى في مثيل السّبسيمابين زوز شفاه لخالتي مبروكةوالفرق واضح بين رخفتك وكبسيمن رخفتك دمنا سال في المسكوكة_من شربنا تبنّنابفلوسنا شرينا مشروبنا وتهُنّاكل من شرب كاثر شخيره ننّا واللّي نهض حرق ب شقفته وفلوكةفي فمّنا القطران قلنا بنّةواللّي رضع الذّلّ صعب تروكه _من شربنا تقرّعناخرجت كشاكش بلنا ورتعناوسط المراعي سارحين وجُعنارغم الحشايش مكدّسة ومتروكة.صراخ اولادنا ف أرضنا وجّعنا نسانا سبايا وأرضنا مملوكة._مانقول البيبسي وحدهاو لايحة البويكوت تو نجبدهاكراهب ودخّان ما نعدّدهاوأجهزة في السوق بالدّربوكةإشهار في التلفاز ما يفقدهاتقول حياتنا بلا ها تتبلوكة_تحرم علي العيشةوتحرم علي مثل هذي حشيشةنرسم وشم ف جبهتي ونقيشةلو كان نشري الماركة المشكوكةبيها عدوّي نافش عليّا ريشةكبر دجاجه وسرح في قمحنا سردوكه_مانقد هذا وحديوشكون غيرك سند لي وعضديخويا وصديقي ولد ريف وبلديمن غدوة تروح من حلقنا هالشّوكةهذي وصيتي لولد ولد ولديكي نعدي بقية حياتنا شكشوكة.

قراءة المزيد