في ألبومي صْوَرِْ كثيرة
============
فِي ألبومي صُوَرْ كْثيرَة..........كلْ صورَة تَحْكي أحْلامي
هَاذي صورة وَانا ْصغيرَة.........فيها الدّنيا زْهِتْ قدّامي
تْعبّرْ عْلَى حاجاتْ غْزيرَة.......أغْلِبْها كانتْ في مْنامي
لا كانتْ حْياتي مَريرَة...........أميرة وْعنْدي خدّامي
عِشْتْ في حْياتي مُثيرة...........الدّنيا نْدوِّرْها بابْهامي
لاعنْدي شكْ وْلا غِيرَة .........لا نَجْرِحْ غيري بِكْلامي
**********
وْهَاذِي صورة وَانا كْبيرَة........تْـلخِّصْ ماشُفْتُو في فْـْلامي
فيها المُخْرِجْ حَسَنْ السّيرة.........وَانَا البَطْلة جُرْحي دَامي
القصّة تحْكي عْذاب وْحيرة.....نرْويها تَنْضُبْ أقلامي
فوقْ جْمالي عْملْتْ جْبيرَة.......كِيفْ دارتْ عْليَّ أيّامي
عْطيتُو الثّـقة والتّأْشيرة......صْبَحْ مِتْحَكّمْ فِي زْمامي
تْعرِّيتْ/ جُعْتْ/ عْمَلْتْ دْوِيرَة....تًسْتُرْني وتْرَتَّحْ عْظامي
تـْناسيتْ زْمانِي وْتقْديرَهْ......عَرَّفـْنِي بْوَاحِدْ حَرَامي
كْلا (الرَّيْ ) بِـ(المُوجِيرَة).......زادْ لَحَسْ كُلْ ما قـُدّامي
عَرْقِي خْسِرْتُو في تـَقْمِيرَهْ......خَلَاّنِي غَاطْسَة في ظْلامِي
زَادْ قـَصّْ عْلِيّ دْنانِيرَهْ .......لِصْغَارَهْ جاهْلِ الْأسامي
فاطْمة يْـناديلْها مُنيرة.........والعادِلْ يْـقـُلُّو يا سامي
قـْلَمْ وْلوْحة وْطباشيرة .......حْـفايا قدّام ِالأقْسامِ
عانِيتْ سِكْرَهْ وْتبْذيرهْ..... لا نعْرِفْ بارِدْ لا حَامِي
حْكُمْ عْلَيَّ بْتَـقْـتِيرَهْ .......نِمْشي نِخْدِمْ وْهُوَ( ْيِرَامِي)
وَانَا فْـْرَاشِي جَرْدْ حْصِيرَة......نَـَكِّسْتْ لِلذّ ّلْ أعْلامي
مِنْ بَعْدْ تْعَبْ الحَضِيرَة.......يْبَاتْ واقِفْ وِلْدِي رَامِي
وِيذَا تْجِي لِيلَة مْطِيرَة .......نْوَلِّي نْبَحَّرْ طُولْ مْـنَامي
زادْ تْعَرِّفْ عْلَى سَمِيرَة......قـَلِّي ماعُدْتِـشْ (مَدَامِي)
وِلِـّي يَعْطِيهْ ضَمِيرَهْ ......زَايِدْ مْعَاهْ كُـلْ كْلامي
ماغايضني كان صْغِيَرهْ....رْضَعْ الهَمْ قـْبَلْ فْطامي
بِِعْتْ الضُّحْكَة للتّكْشِيرَة....ثْـرَِسْـمِتْ َعْلََى شْـفايْفي آلامي
هذا إلّي يْخالِفْ تـَفْكِيرَهْ......يْبيع شْهَايْدَهْ لـلْغَرَامِ
نْصِيحَة مِـنّـِي لْكُلْ غْشِِيرَة......ماوِية عْـلى دْخُـولْ الزِّحَامِ
بالجهْلِ تْـعِيشِي أسيرة......توصِلْ حْياتِكْ لِلْإعْدَامِ
بالعلْم تْكُونِي الأميرة .....ليكِ تَعْظيمي وْسَلامي
أَلْبُومِي في قصّة قْـْصيرة.....يْجي حْكاية للإعْلام
**مع تحيّاتي
(عبدالسّتّار زرّوقي)