♡" يازائر القيروان"♡

الكْلاَبْ تَنْبَحْ و القافلة تْسِيْر
===============

الكْلاَبْ تَنْبَحْ و القافلة تْسِيْر...... والرّكب ماشي يْقُودَهْ البْعِِير

الكلاب تنبح والنّاس رْقُوْد ...... والعِرْسْ َقايِمْ من غير شْهُود

الكلاب تنبح ولا من فَزَعْ ...... خَطْفُوا العروسة ولا مِنْ طَلَع

الكلاب تنبح والعْقُولْ شْرُودْ ......كُثْرَتِ الشَّكَاوِي وْلَا من رُدُود

ْقَامُوا الصَّبَاحْ....شَافُوا المْرَاح

ْخال البطاح....مافيه صْيَاح

خطفوا العروسة ومشوا بيها..... طفلة صغيرة لا حنّة في يديها

شقّوا الفْيَافِي و قَصْدُوا الدُّوَّارْ..... وأَهْلْهَا رْقُودْ لِطْلُوعْ النّْهَار

صاحت لُمِّيمَة لْقِتْ الَمَضْرِبْ خَاِلي .....البنيّة يتيمة لاأهل لاأُمَّاِلي

وينك يا كبيدة يابنت الغوالي .... لانجدة حلّت والرّيح جبالي


هَزُّوا الكَسِيبَة....والغالية الحبيبة

لاَعِينْ رْقِيبَة .....والدّمعة سْكِيبَة

إبكي ياعين عَلِّي صَاِيْر فِيَّ .... هزّوا البنيّة من وِسْطْ أُمَّالِيَّا

فينْكم يارْجالي وينْكم ياعْمومة....غدروا بحالي نشكي للحكومة

شْكيتْ للحكومة طَلْبوني في الشّهود....تركتهم بني ادم لقيتهم قرود

ياناسي فيقوا أنا إلّي سرقوني....هزّوا البنيّة ودمّعولي عيوني

ماعاد نعمّل....علّي فيّ مهمّل

طلّقني ورمّل..... زاد عليّ كمّل

لوكان نقصد رقود الجبّانة .... كانوا فَزْعُولِي وردّوا الإهانة

لكن رْجالي رْضوا بْهَكَّة حَاِلي .... نحمل رحالي بعد إلّي جرالي

لاحد تكلّم ولا عليّ سلّم .... دنكسوا الرّؤوس والكل تعلّم

لو كنتُ عندَ أمّةِ الإسلام .... لامن تَركِْني وجادِلْ في الكلام

تبّعت العروبة .... لعبة وأكذوبة

أمّة منكوبة....باب من غير كوبة

****
زرّوقي


لو صوتي نادى وا إسلاماه ..... لناداني الجنود وا أمّاه

وهبّ الأشاوس من كلّ حدب ..... ووضعوا المتارس في كل صوب
ونال الطّغاة ماقد نالوا..... ونادوهم للموت أن قد تعالوا
هذه الحرب وذلك السّلام....وجنّات خلد دار مقام