يَاخُويَا المُوَاطِنْ

ْيَاخُويَا المُوَاطِنْ / يَاوِلْدْ البْلاَد
ْفِي القَلْبْ انْتَ قَاطِنْ / يَاَسِيِّدْ الأَسْيَاد
ْيَا حُرْ إنْتَ يَا فَاطِنْ / مَا تَرْضَى الإِسْتِعْبَاد

ْخَلِّيكْ عَلَيَّ حْنَيِّنْ / خَـلِّي قَلْبِكْ كْبِير
ْبْحُبِّكْ قَلْبِي يِتْزَيِّنْ / نْفِيضْ عْلِيكْ عْبِير
ْلاَ قَلْبِي عْلِيكْ مْزَيِّنْ / لاَ يْرِيدْلِكْ اسْتِبْعَاد

ْفَرْحِي هُوَ فَرْحِكْ /  ثـَوْرِتْنَا الدَّلِيل
ْمِنْ جُرْحِي يِنْزِفْ جُرْحِكْ / يِتْعَدَّى لِيلْنَا طْوِيل
ْبِيَّ يَعْلاَ صَرْحِكْ / بِيكْ انُّولْ المُرَاد

ْمِدْ ايدِكْ لِيدَيَّ / انْطِيرُوا فِي السَّحَاب
ْانْتَ تِكُونْ جْنَاحِيَّ / وَانَا الرِّيشْ الجَذَّاب
ْهَكَّة نْكُونْ سْوِيَّا / قُدْوَة لِلْأَوْلاَد

ْأَوْلاَدِكْ وْأَوْلاَدِي / كِالْجَسَدْ الوَاحِد
ْلاَتْكِيدْهُمْ أَعَادِي / مِثْلْ الجَبَلْ الصَّامِد
ْلَوِالوَطَنْ يْنَادِي / يْهِبُّوا لِلْجِهَاد

ْشْنُوَّة اللِّي يْفَرَّقْنَا / وِالْمَرْكِبْ أَحْنَا فِيه
ْتَكْسِيرُوا يْغَرَّقْنَا / لاَنِنْـفَعْ لِينَا وْلِيه
ْهُوَ احْنَا مَاصَدَّقْـنَا / قْضِينَا عَ الْفَسَاد

ْخَلِّي الشَّهِيدْ فِي تْرَابُو / يُرْقُدْ بْأَمَان
ْالمَجْرُوحْ يَنْسَى عْذَابُو / يْوَدِّعْ  الحِرْمَان
ْالمِسْكِينْ لَوْ ِيْفَتَحْ بَابُو / مَايْرَى وْرَاهْ سْوَاد 

ْنِبْنِي فِي بْلاَدْنَا جَنَّة / مَايِشْمِتْ فِينَا الغِير
ْتِرْجَعْ لِيدِينَا الحِنَّة / وِيعِمْ عْلِينَا الخِير
ْفِي ْبلاََدْنَا نِتْهَنَّى / مَا يْغَرِّقْنَا الوَاد

عبدالسّتّار زرّوقي
2012/5/19


+21626485378
+21698467252
+ 21655056326

المشاركات الشائعة من هذه المدونة

من شربنا للبيبسي والكوكة كرامتنا مدعوكةوأرضنا مابين يدنا مفكوكة_من شربنا للبيبسيمانثبت على اتّجاه كيف التّبسينشعل ونطفى في مثيل السّبسيمابين زوز شفاه لخالتي مبروكةوالفرق واضح بين رخفتك وكبسيمن رخفتك دمنا سال في المسكوكة_من شربنا تبنّنابفلوسنا شرينا مشروبنا وتهُنّاكل من شرب كاثر شخيره ننّا واللّي نهض حرق ب شقفته وفلوكةفي فمّنا القطران قلنا بنّةواللّي رضع الذّلّ صعب تروكه _من شربنا تقرّعناخرجت كشاكش بلنا ورتعناوسط المراعي سارحين وجُعنارغم الحشايش مكدّسة ومتروكة.صراخ اولادنا ف أرضنا وجّعنا نسانا سبايا وأرضنا مملوكة._مانقول البيبسي وحدهاو لايحة البويكوت تو نجبدهاكراهب ودخّان ما نعدّدهاوأجهزة في السوق بالدّربوكةإشهار في التلفاز ما يفقدهاتقول حياتنا بلا ها تتبلوكة_تحرم علي العيشةوتحرم علي مثل هذي حشيشةنرسم وشم ف جبهتي ونقيشةلو كان نشري الماركة المشكوكةبيها عدوّي نافش عليّا ريشةكبر دجاجه وسرح في قمحنا سردوكه_مانقد هذا وحديوشكون غيرك سند لي وعضديخويا وصديقي ولد ريف وبلديمن غدوة تروح من حلقنا هالشّوكةهذي وصيتي لولد ولد ولديكي نعدي بقية حياتنا شكشوكة.