ياربّي باركلي فيهم
يَارَبِّي بَارِكْلِي فِيهُمْ
===========
إِنْتُمْ وَ اللهْ غَالْيِينْ عَلَيَّ / بَابَا وامِّي يَا خَيْرْ هْدِيَّة
مَهْمَا نْقُولْ فِيكُمْ شِوَيَّة / لَا مِنَّة مِنِّي وْ لَا مْزِيَّة
أُمِّي يَا لْحَافْ يْغَطِّينِي / بِحْنَانُو فِي بَرْدِي يْدَفِّينِي
انْتِ وَ اللهْ قُرَّة عِينِي / تَحْتْ جْنَاحِكْ عِيشْتِي هَنِيَّة
لَوْ النَّاسْ عْلَيَّ تِرُوحْ / وْرِيحْ الغَدْرِ مِنْهُمْ يِفُوحْ
وُجُودِكْ وَحْدُو يْدَاوِي الْجُرُوحْ / يَا دْلِيلِي فِي كُلِّ ثْنِيَّة
لَوْ تِسِيلْ قَطْرَاتْ دْمُوعِي / وْيِنْزِفْ قَلْبِي دَاخِلْ ضُلُوعِي
لِيكِ انْتِ يَحْلَى رُجُوعِي / تِنَسِّينِي اللّي صَارْ عَلَيَّ
بَابَا يَا عِزْ الغَوَالِي / يَا أَجْمِلْ كِلْمَة عْلَى بَالِي
ضَمَّةْ حُضْنِكْ تْنَسَِينِى حَالِي / كُلْ هْمُومِي تُصْبَحْ مَنْسِيَّة
صُوتِكْ هَمْسَة عِنْدْ مْنَامِي / مَا نُوصِفَْهَا بْكُلْ كْلَامِي
صُورْتِكْ مَرْسُومَة قُدَّامِي / نَرَى فِيهَا الدُّنْيَا وَرْدِيَّة
يَا رَبِّي بَارِكْلِي فِيهُمْ / آشْ تَسْوَى حْيَاتِي بْلاَ بِيهُمْ
خُذْ مِنِّي الصَّحَّة وَاعْطِيهُمْ / يْعِيشُوا لِي لاَسوْ لاَ سْوِيَّة
===========
إِنْتُمْ وَ اللهْ غَالْيِينْ عَلَيَّ / بَابَا وامِّي يَا خَيْرْ هْدِيَّة
مَهْمَا نْقُولْ فِيكُمْ شِوَيَّة / لَا مِنَّة مِنِّي وْ لَا مْزِيَّة
أُمِّي يَا لْحَافْ يْغَطِّينِي / بِحْنَانُو فِي بَرْدِي يْدَفِّينِي
انْتِ وَ اللهْ قُرَّة عِينِي / تَحْتْ جْنَاحِكْ عِيشْتِي هَنِيَّة
لَوْ النَّاسْ عْلَيَّ تِرُوحْ / وْرِيحْ الغَدْرِ مِنْهُمْ يِفُوحْ
وُجُودِكْ وَحْدُو يْدَاوِي الْجُرُوحْ / يَا دْلِيلِي فِي كُلِّ ثْنِيَّة
لَوْ تِسِيلْ قَطْرَاتْ دْمُوعِي / وْيِنْزِفْ قَلْبِي دَاخِلْ ضُلُوعِي
لِيكِ انْتِ يَحْلَى رُجُوعِي / تِنَسِّينِي اللّي صَارْ عَلَيَّ
بَابَا يَا عِزْ الغَوَالِي / يَا أَجْمِلْ كِلْمَة عْلَى بَالِي
ضَمَّةْ حُضْنِكْ تْنَسَِينِى حَالِي / كُلْ هْمُومِي تُصْبَحْ مَنْسِيَّة
صُوتِكْ هَمْسَة عِنْدْ مْنَامِي / مَا نُوصِفَْهَا بْكُلْ كْلَامِي
صُورْتِكْ مَرْسُومَة قُدَّامِي / نَرَى فِيهَا الدُّنْيَا وَرْدِيَّة
يَا رَبِّي بَارِكْلِي فِيهُمْ / آشْ تَسْوَى حْيَاتِي بْلاَ بِيهُمْ
خُذْ مِنِّي الصَّحَّة وَاعْطِيهُمْ / يْعِيشُوا لِي لاَسوْ لاَ سْوِيَّة
من كلمات =
عبدالسّتّار زرّوقي
12/5/2012