هَذِي صُورَة عَنِّي لْشَاعِرْ

مُشْكُلْتِكْ حَبِّيتِ شَاعِرْ === تْشَارْكِكْ فِيهْ كُلِّ المَشَاعِرْ
 ِ
دايمَا مْهَاجِرْ دايمََا مْسَافِرْ=== رَاكِبْ جْنَاحْ الكِلْمَة طَايِرْ

مَالُو فِي الأَرْضِ عُنْوَانْ === وَلَا لِيهْ فِي السَّمَا مَكَانْ

يِتْدَرْجَحْ بِينْ الأَغْصَانْ === يْصَاحِبْ الشِِّيطَانْ وِالسَّاحِرْ

وِانْتِ عْلَى حُبِّكْ تْغِيرِي === وِتْـقُولِي هَذَا أَمِيرِي

لَاَنَرْضَاهْ يْكُونْ لْغِيرِي === وْهُوَ بْنِعْمَةْ حُبِّي كَافِرْ

أَنَا مَا يِمْلِكْنِي حَدْ  ===  نَجْرَحْ فِي سَاعَةِ الْجَدْ

سَاعَاتْ تَلْقِينِي مُسْتَبِدْ === وْسَاعَاتْ كِالطِّيرْ الكَاسِرْ

مَانَهْوَى قَفَْصْ الغِيرْ === حَتَّى لَوْ عَرْشِ الأَمِيرْ

عِنْدِي الكِلْمَة خِيرْ عْشِيرْ=== مَرَّة نَاقِدْ مَرَّة سَاخِرْ

وْسَاعَاتْ نْقُولْ فِيكْ كْلاَمْ === الله الله يَاسَلاَمْ

نْشِيلْ عَنِّي كُلِّ المَلاَمْ === نْفَرَّحْ الرَّابَحْ وِالخَاسِرْ

هَذِي صُورَة عَنِّي لْشَاعِرْ === لاَ يِتْرَاجَعْ كِيفْ يْغَامِرْ

لَوْتِحِبِّي كْلاَمُو الضَّامِرْ === يْنَسِّيكْ لْهِيبْ حَرُّو السَّاعِرْ

عبدالسّتّار زرّوقي
القيروان
08_5_2012

المشاركات الشائعة من هذه المدونة

من شربنا للبيبسي والكوكة كرامتنا مدعوكةوأرضنا مابين يدنا مفكوكة_من شربنا للبيبسيمانثبت على اتّجاه كيف التّبسينشعل ونطفى في مثيل السّبسيمابين زوز شفاه لخالتي مبروكةوالفرق واضح بين رخفتك وكبسيمن رخفتك دمنا سال في المسكوكة_من شربنا تبنّنابفلوسنا شرينا مشروبنا وتهُنّاكل من شرب كاثر شخيره ننّا واللّي نهض حرق ب شقفته وفلوكةفي فمّنا القطران قلنا بنّةواللّي رضع الذّلّ صعب تروكه _من شربنا تقرّعناخرجت كشاكش بلنا ورتعناوسط المراعي سارحين وجُعنارغم الحشايش مكدّسة ومتروكة.صراخ اولادنا ف أرضنا وجّعنا نسانا سبايا وأرضنا مملوكة._مانقول البيبسي وحدهاو لايحة البويكوت تو نجبدهاكراهب ودخّان ما نعدّدهاوأجهزة في السوق بالدّربوكةإشهار في التلفاز ما يفقدهاتقول حياتنا بلا ها تتبلوكة_تحرم علي العيشةوتحرم علي مثل هذي حشيشةنرسم وشم ف جبهتي ونقيشةلو كان نشري الماركة المشكوكةبيها عدوّي نافش عليّا ريشةكبر دجاجه وسرح في قمحنا سردوكه_مانقد هذا وحديوشكون غيرك سند لي وعضديخويا وصديقي ولد ريف وبلديمن غدوة تروح من حلقنا هالشّوكةهذي وصيتي لولد ولد ولديكي نعدي بقية حياتنا شكشوكة.

قراءة المزيد
الليلة سهرتكم باردة ريح وثلج و زمهرير وأفكاري منّي شاردة نمشي نشد فراشي وثير وأجواءكم ليّ طاردة نقلكم تصبحوا على خير ** ناصر
قراءة المزيد