تُهْجُرْنِي وْشُوقِي خِيلْ

ْتُهْجُرْنِي وْشُوقِي خِيلْ ...فَايِقْ يَصْهَلْ طُولْ اللِّيل
ْلاَدْمُوعِي مْسَحْهَا المِنْدِيلْ...جَمْرَاتْهَا عَالْخَدْ تْسِيل

تـُتْرُكْنِي فِي لِيلَة عِيدِي ....وَانَا لِيكْ وْكُلِّ مْوَاعِيدِي
ْيَا دْمُوعِي عْلِيَّ لاَ تْزِيدِي ... يِكْفِينِي مَاذُقْتْ الْوِيل

طَفِّيتْ شْمُوعِي فِي فَرْحِي ...سْهَرْتْ مْعَ نَزْفِي وْجَرْحِي
ْلَوْ نُوصِفْ يْطُولْ فِيهْ شَرْحِي...لِيلْ الحُزْنْ عْذَابُو طْوِيل

 ْتُوعِدْنِي وْتِخْلِفْ وَعْدِكْ ... انْتَ تَعْرِفْ حَالِي فِي بُعْدِك
ْيَاظَالِمْ لاَ قَبْلِكْ وَلاَ بَعْدِكْ ... لِيشْ تْخَلِّي لِيلِي كْحِيل

لَوْغَابْ يُومْ عَنِّكْ ظِلِّي...لَوْكُنْتْْ مْخَاصِمْنِي قـُـلِّي
ْأَبْعَثْـلِكْ يَامُوتِي طُّـلِّي ... خُوذِينِي مِنْ غِيرْ دَلِيل

أَنَا اللِّي عْطِيتِكْ مِنْ عُمْرِي ... وْسلِّمْتَكْ رُوحِي وْأَمْرِي
ْيَاحَاجِبْ عَلَيَّ قَمْرِي ... غَدْرِكْ طَفَّالِي  الفْـتِيل


 إِسْعِدْ واهْنَا بْلَيَالِيكْ ... بَدْعِيلَكْ رَبِّنَا يَهْدِيكْ
قلْبِي اللِّي تْمَنَّى يْلاَقِيكْ ... عْلَى أعْتَابِكْ تَلْقَاهْ قْتِيلْ

عبدالسّتّار زرّوقي
2012/5/18

المشاركات الشائعة من هذه المدونة

♡" يازائر القيروان"♡

هديّة متواضعة منّي إلى مدينتي: قصيدة ♡" يازائر القيروان"♡ _____________________________ يَا زَائِرَ القَيْرَوَانِ مَهْلًا ☆☆ أَلَا فَسَلِّمْ عَلَى رُبَاها القـَلْبُ يَرْنُو لِلـَـثْمِ أَسْـوَا ☆☆ رِهَا وَمِنْ ثـُمَّ مَنْ بَنَاهَا والعَيْنُ مُشْتَاقَـةٌ لِمَرْأَى ☆☆ دِيَارِهَا قـَبْلَ أَنْ تَرَاهَا عَرِّجْ عَلَى مَسْجِدٍ وَأَلـْقِ ☆☆ تَحِيَّة ً دُونَمَا سِوَِاهَا وَابْعَثْ لـَنَا مِنْ بَخُورِ أَسْوَا ☆☆ قِهَا عُطورًا وَمِنْ َشَذَاهَا وَانْعَمْ بِطِيبِ الهَوَاءِ دَوْمًا ☆☆ يَفُوحُ مِنْهَا عَلَى مَدَاهَا لـَوْ َأنَّ لِي أَجْنُحًا جَنَحْتُ ☆☆ إِلَيْكِ يَا قَيْرَوَانُ وَاهَا هَلْ ِمنْ سَبِيلٍ إِلَيْكِ يُرْسِي ☆☆ بِنَا عَلَى وِجْنَـتَـيْكِ آهَا غَنَّيْتُ لِلْقَيْرَوَانِ حَتَّى ☆☆ تَوَرَّدَ الْـبَدْرُ فِــي سَمَاهَـا أَفْنَيْتُ عُمْرًا يَفُوقُ عُمْرِي ☆☆ أَصُوغُ وَصْفًـاً يَـفِي بَهَاهَا وَ الشِّعْرُ يَحْتَارُ إِذْ يَرَاهَا ☆☆ فَـَكيْفَ شِـْعـرِي وَمَا رَآهَا فَأَوْقَدَتْ فِي الفُؤَادِ وَقْدًا ☆☆ تَأَجَّجَتْ فِي الْحَشَ...
قراءة المزيد
لاَرُمْتْ اللَّحْسْ والتَّلْحِيسْ وْلَا اللَّحَّاسَة وَلَا كُنْتْ مْنِ النَّقَّاعِينْ فِي هَاكْ نْحَاسَة اللِّي كَسْكَاسَهَا فِي السَّمَا رَافَعْ رَاسَهْ وِالقَفِيلَة غَاطْسَة فِي حُوضْ مَاهْ نْجَاسَة تْنُوضْ النَّارْ مِنْ تَحْتَهَا فِيْ مْثْيلْ رْصَاصَة مِتْغَذِّيَة بِالدَّمْ وِالْعَرَقْ مِنْ كُلْ بْلَاصَة مَنْ كَلَى مِنْهَا فِي الْحِينْ فْقِدْ احْسَاسَهْ وْمِنْ شَمْ رِيحَهَا يَسْوَادْ بِيهْ لْبَاسَهْ يْعُودْ يْلُومْ الْبِيتْ وْ يِتْسَتِّرْ عَلْى حُرَّاسَهْ يْسَيِّبْ لَحْمَارْ ويعَاقِبْ بِالذَّنْبْ جَرْدْ حْلَاسَة يَاوِيلْ فِعْلِكْ الْيُومْ بَكَّى الْقَلَمْ عََلَى الْكُرَّاسَة وْيَاوِيلِكْ مِنْ نَاقُوسْ الخَطَرْ دَقْ لِيكْ اجْرَاسَهْ ع/ز
قراءة المزيد

تْجَرَّعْتْ غْيَابِكْ رَشْفَة وْرَا رَشْفَــة

تْجَرَّعْتْ غْيَابِكْ رَشْفَة وْرَا رَشْفَــة / لْقِيـْتْ فِيـهْ مْرَارَة مَالْهَاشْ مْثِيـــلْ جَـرَّبْتْ نَاخُـذْ مْنِ الجمل ليه وَصْفَة / كل ما زدت الصّبر بَانْ فِيهْ قْلِيـــلْ هَزِّيتْ حَالِي وْرُحْتْ لِلْمُسْتَشْفَــى / وِ الخُطْــــوَة منّي قدّرتها بالمِيــلْ قَرَّبْ الطَّبِيبْ لْصَدْرِي بَعْدْمَا كِشْفَـهْ / سَمَعْ فيه دوي كِي صَهِيلْ الخِيلْ قَال هَالقَلْبْ صَعْبْ يْلَاقِي حَتْفَــــهْ / أصـل القُلُــوبْ لازم إلِيــهْ تْمِـيـــلْ لَازِمْ يْجِي يُومْ وْمنِ الْمَرَارَة يِشْفَـى/ وْ مُــرْ الْفراق كِــي عَابِـــرْ سَبِيـلْ عبدالسّتار زرّوقي 2013/6/08
قراءة المزيد