عبد السّتّار زرّوقي

سِي عَمَّارْ الكَاطْ سُونْ كَاطْ سِي عَمَّارْ الكَاطْ سُونْ كَاطْ ......حَارِمْنَا مْنِ الأَنْتَرْنَاتْ هَاهُو جَا .....جَانَا طَايِرْ كِي عْجَاجَة لايَعْرِفْ فَرْحَة لاَ هْنَا......اللِّيلَة حْذَانَا يْحِبْ يْبَاتْ جِيتْ نْكُونَاكْتِي .....قَالَّي شْبِيكِي تْحَرّكْتِي لاَ تَنْسِي كِي تْرِي مَارِكْتِي ....وَحْدِكْ شِدِّي الفْرَانَاتْ حَلِّيتْ البَاجْ .....نْفِشْلِي رِيشُو كِيفْ دَجَاجْ يْرَاقِبْ الجَامْ وِالبَرْتَاْج ....وْلاَيْ زِيمَاجْ مْتَاعْ البْنَاتْ كُلْ مَا انْدُورْ.....نَلْقَاهْ عَامِلْ دُومِي تُورْ يُوْقِفْ يْسَكِّتْ المُوتُورْ.....يْشِيخْ عْلِيَّ بِالسَّاعَاتْ لاَحَبْ يِفْهِمْنِي.....لاَيْحَاكِينِي لاَيْكَلِّمْنِي لَكِنْ بِعْيُونُو تَاهِمْنِي .....بِينْ يْدِيهْ كُلِّ المْقَصَّاتْ آشْ يْحِبْ؟.....دَوَّخْنِي شُفْتْ العْجَبْ رَكِّبْلِي سِتِّينْ عْصَبْ.....وَلَّى ظِلِّي وِلَاّ فَاتْ نْشَرْشِي ونْعَاوِدْ....دِيمَة يْطَلَّعْلِي "نُوتْ فَاوْنْدْ يَا وْخَيَّانِي شَيْ يْفَدِّدْ.... فَرَّغْلِي كُلِّ الصَّفْحَاتْ مِنْ غِيرْ سْبَبْ .... يُرُوفُزْلِي كُلْ طْلَبْ   م...

يَا خُويَا ..يَا وِلْدْ الْعَمْ / اضْحَكْ وَالْعَبْ..لاَتَهْتَمْ خُوذْ الدِّنْيَا بْأمْرْ مْسَلِّمْ / مِنْهَا افْهِمْ ..مِنْهَا اتْعَلِّمْ خَلِّيهَا تْعَدِّي سْلاَمَاتْ / لاَتْحَيِّرْ مَاضِي اللِّي فَاتْ مِدْ ايْدِيكْ.. خُوذْ وْهَاتْ / لاَ تْعِيشْ لَحْظَةْ نَدَمْ   لاَ تْحِيرْ فِيهَا وْتَحْتَارْ  /    أَمْرِكْ مُوكِلْ لِلْأَ قْـدَارْ إِخْدِمْ..كَافِحْ بِآسْتِمْرَارْ / البَسْمَة عْلَى وِجْهِكْ أرْسُمْ شَيْ فِي الدَّنْيَا مَا يْدُومْ / أَسْعَى وَارْضَى بِالْمَقْسُومْ الّدِّنْيَا لَضَحْكِتْ يُومْ  / غُدْوَة الله بِيهَا عَالِمْ 2012_5_30

لولا الكدر ماكنت علينا تتقوّى === ولولا الزّمان كنت بالتّراب تتسوّى لكن خلّيك عارف أنّك إبن حوّا === لازم يحين الوقت وتقرب من الهوّة إذا عدّيتها البارح واليوم وتوّة === غدوة يكون دورك كيفو هو لاتصاحب الدّنيا كالأفعى تتلوّى === لاتعرف رحمة ولامروّة ناعمة الملمس وحلوّة === وياويلو اللّي عليها يتقوّى لاتقلّي كيفاش ولا شنوّة ==== اصبر وصابر وتحلّى بالقوّة 2012/4/22 عبدالسّتّار زرّوقي

إن شاالله الناس الكل بخير === انتم وأحنا وكل الغير  ندعي للرّبّ الكبير === نكونوا في خيار الخير إنشاالله النّاس الكل أحبابي === مانرد اللّي  يقصد بابي كلمة 'لا'ماهي في جوابي === لانتردّد ...ولا نحير إنشاالله النّاس الكل محبّة === الله يسعد اللّي نحبّه لانرضى في حبيبي نبّة === مهما يكون ومهما يصير إنشاالله النّاس الكل فرحانة === انت وهي وهوما وانا لا نرى واحد فيهم عانى ===  ولايشكي من المصير أحبابي أنتم حزني وفرحي === انتم دوايا وانتم جرحي بيكم يعلى برجي وصرحي ===  بالنّصيحة و التّدبير إنشاالله أيّامكم ديمة أعراس ===  ثوب الفرح عليكم ينقاس إنتم والله خيار النّاس === عز الصّاحب والعشير احبابي ياعز الغوالي === ياذخري يا راس مالي بيكم قدري ديمة عالي === يرفرفوق كيف الطّير

فِي كـُلْ يُومْ يْزِيدنِي حْنِينْ === وَانَا نَعْرِفْ شُوقِي لْمِينْ هِيَ عِشْقِي مَالُو ثْنِينْ  === اليُومْ وْغُدْوَة وْ بَعْدِينْ هِيَ إِذَاعَةْ تَطَاوِينْ شُوقِي لِيهَا مِنْ سِنِينْ=== مَهْمَا نِبْعِدْ لِيهْ رْنِينْ بَرَامِجْ لِلْمُسْتَمْعِينْ === مْلاَذْ وِهْرُوبْ مْنِ الرُّوتِينْ هَذيِ إِذَاعَةْ تَطَاوِينْ هِيَ بِـينْ الإِذَاعَاتْ === مْنَارَة تِضْوِي مْنِ الْوَاحَاتْ أَمْوَاجْ وْتَرَدُّدَاتْ === نْسِيمْ الصَّحْرَا عْلَى الْيَاسْمِينْ هَذِي إِذَاعَةْ تَطَاوِينْ مْعَاهَا تْكُونْ خْيَارْ اللََّمَّة === سَهْرَة تْجَلِّي عْلِينَا الغُمَّة هِيَ فَخْرْ لْكُلِّ الْأُمَّة === هِيَ عِزِّ التُّونْسِيِينْ هَذيِ إِذَاعَةْ تَطَاوِينْ لِلْأَطْفَالْ فِيهَا نْصِيبْ === لِلشَّبَابْ وْكُلِّ الشِّيبْ كُلْ بْعِيدْ مِنْهَا قْرِيبْ === هِيَ نْصِيرْالمَحْرُومِينْ هَذيِ إِذَاعَةْ تَطَاوِينْ لَوْ تِبْعِدْنَا سْنِينْ الْغُرْبَة === نَلْقَى فِيهَا رْفِيقْ الصُّحْبَة  لِيهَا مِنَّا فِيضْ مْحَبَّة === وْهَذيِ قُبْلَة عَْالْجَبيِنْ لإِذَاعَةْ تَطَاوِينْ بَرَامِجْهَا لِينَا ثَرْوَة === لِي...

تِعْبِتِ القـُلُوبْ / بِـينْ النَّصِيبْ وِالْمَكْتُوبْ وتْفَرَّقُوا الْحَبَايِبْ / تَاهُوا فِي الدُّرُوبْ تـْشَتَّـتِتْ خُطَانَا / ضَاعَ الْأَمَلْ جُوَانَا   نِسِينَا اللِّي مَعَانَا / فَكِّرْنَا فِي الْهُرُوبْ لاَحَدْ فِينَا تْذَكَّرْ / وَلاَحَتَّى بَصْ وْفَكِّرْ الْكُلْ رَاحْ يِتْـنَكِّرْ / الْمَحْبُوبَة وِالْمَحْبُوبْ تْبَاعَدِ الْحَبَايِبْ / وِتْـقَرَّبِ الْغَرَايِبْ يَادُنْيَا الْعَجَايِبْ / سُلْطَانِكْ كَذُوبْ يَادُنْيَا المَتَاعِبْ / الكُلْ فِيكِ ذَايِبْ بِينِ الحَيْرَانْ واللاَّعِبْ / ولاَحَدْ فِيهِمْ يِتُوبْ عبدالسّتّار زرّوقي القيروان 2012_5_27 الهاتف 21626485378 +   21698467252 +    21655056326 + http://65.99.238.12/~alngar/vb/blog.php?s=9ae8682495e19f1a19650c79aea9e64c&b=522 http://kenanaonline.com/users/ZarroukiAbdstr/posts/418404

عِشْنَا وْشُفْنَا === يَامَا عِشْنَا وْشُفْنَا و ْمَا عَرَفْنَا === فِي حُبِّكْ مَا اتْنَصَفْنَا عِشْناَ لَيَالِي === طُولِ اللَّيَالِي مَاكَانْ عَلَى بَالِي === تِهْزِمْنَا ظُرُوفْناَ عِشْنَا وْشُفْنَا === وْ يَامَا رَاحْ نِشُوفْ الحُبْ ضَـيِّـفْـنَا === شَرَّبْنَا كَـَاسِِ الخُوفْ يَامَا الشُّوقْ سَهِّدْنَا === مِنْ بَعْدِ مَاتِعَاهِدْنَا قُـلْـنَا وْرَدِّدْنَا === مَانِرْجَعْشْ لْخُوفْـنَا طَبْ رِجَعْـتِـلُو لِيهْ ؟=== وْعَـيِّـشْـتِنِي فِيهْ؟ قـُلِّي خَايِفْ مِنْ إِيهْ === لِيهْ صَدَّعْتْ صُفُوفْنَا؟ مُوشْ مِنْ حَقِّـنَا === نِعِيشْ مَعَ بَعْضِنَا؟ وِلاَّ الهَنَا ...يَاحَبِيبِي أَنَا ===  حَضَنّـَا وْ قََـذَفْنَا لِيهْ كُلِّ مَا أَمِدِّلَـكْ إِيدِي === تِرَجَّعْنِي لِتَنْهِيدِي يَادْمُوعِي لاَ تِزِيدِي === يِكْـفِينَا مَا شُفْـنَا  لِيهْ الخُوفِ سَاكْنِكْ ؟ === سَكّـِنْتُو  جُوَّة مَسَاكْـنِكْ بِينْ أَحْضَانُو رَاكْـنِكْ === مَامِنْ سَبَبْ عِرِفْنَا عبدالسّتّار زرّوقي القيروان 26_5_2...

لاتقلّي ملاك تكون / أنا اللّي عشقتك بجنون والله العشرة ماتهون / مو لشكلك و لا لللّون بالعشرة نبني أمانينا /  في السّما نمد جناحينا عليها نكتب أسامينا / سهم وقلب وميم ونون أنت عشيري وانا عشيرك / بالحب أسيري وأسيرك صفّي نيتك وتفكيرك / ريّحني من كلّ ظنون

ْيَاخُويَا المُوَاطِنْ / يَاوِلْدْ البْلاَد ْفِي القَلْبْ انْتَ قَاطِنْ / يَاَسِيِّدْ الأَسْيَاد ْيَا حُرْ إنْتَ يَا فَاطِنْ / مَا تَرْضَى الإِسْتِعْبَاد ْخَلِّيكْ عَلَيَّ حْنَيِّنْ / خَـلِّي قَلْبِكْ كْبِير ْبْحُبِّكْ قَلْبِي يِتْزَيِّنْ / نْفِيضْ عْلِيكْ عْبِير ْلاَ قَلْبِي عْلِيكْ مْزَيِّنْ / لاَ يْرِيدْلِكْ اسْتِبْعَاد ْفَرْحِي هُوَ فَرْحِكْ /  ثـَوْرِتْنَا الدَّلِيل ْمِنْ جُرْحِي يِنْزِفْ جُرْحِكْ / يِتْعَدَّى لِيلْنَا طْوِيل ْبِيَّ يَعْلاَ صَرْحِكْ / بِيكْ انُّولْ المُرَاد ْمِدْ ايدِكْ لِيدَيَّ / انْطِيرُوا فِي السَّحَاب ْانْتَ تِكُونْ جْنَاحِيَّ / وَانَا الرِّيشْ الجَذَّاب ْهَكَّة نْكُونْ سْوِيَّا / قُدْوَة لِلْأَوْلاَد ْأَوْلاَدِكْ وْأَوْلاَدِي / كِالْجَسَدْ الوَاحِد ْلاَتْكِيدْهُمْ أَعَادِي / مِثْلْ الجَبَلْ الصَّامِد ْلَوِالوَطَنْ يْنَادِي / يْهِبُّوا لِلْجِهَاد ْشْنُوَّة اللِّي يْفَرَّقْنَا / وِالْمَرْكِبْ أَحْنَا فِيه ْتَكْسِيرُوا يْغَرَّقْنَا / لاَنِنْـفَعْ لِينَا وْلِيه ْهُوَ احْنَا مَاصَدَّقْـنَا / قْضِينَا عَ الْفَس...

ْتُهْجُرْنِي وْشُوقِي خِيلْ ...فَايِقْ يَصْهَلْ طُولْ اللِّيل ْلاَدْمُوعِي مْسَحْهَا المِنْدِيلْ...جَمْرَاتْهَا عَالْخَدْ تْسِيل تـُتْرُكْنِي فِي لِيلَة عِيدِي ....وَانَا لِيكْ وْكُلِّ مْوَاعِيدِي ْيَا دْمُوعِي عْلِيَّ لاَ تْزِيدِي ... يِكْفِينِي مَاذُقْتْ الْوِيل طَفِّيتْ شْمُوعِي فِي فَرْحِي ...سْهَرْتْ مْعَ نَزْفِي وْجَرْحِي ْلَوْ نُوصِفْ يْطُولْ فِيهْ شَرْحِي...لِيلْ الحُزْنْ عْذَابُو طْوِيل  ْتُوعِدْنِي وْتِخْلِفْ وَعْدِكْ ... انْتَ تَعْرِفْ حَالِي فِي بُعْدِك ْيَاظَالِمْ لاَ قَبْلِكْ وَلاَ بَعْدِكْ ... لِيشْ تْخَلِّي لِيلِي كْحِيل لَوْ غَابْ  يُومْ عَنِّكْ ظِلِّي...لَوْكُنْتْْ مْخَاصِمْنِي قـُـلِّي ْأَبْعَثْـلِكْ يَامُوتِي طُّـلِّي ... خُوذِينِي مِنْ غِيرْ دَلِيل أَنَا اللِّي عْطِيتِكْ مِنْ عُمْرِي ... وْسلِّمْتَكْ رُوحِي وْأَمْرِي ْيَاحَاجِبْ عَلَيَّ قَمْرِي ... غَدْرِكْ طَفَّالِي  الفْـتِيل  إِسْعِدْ واهْنَا بْلَيَالِيكْ ... بَدْعِيلَكْ رَبِّنَا يَهْدِيكْ قلْبِي اللِّي تْمَنَّى يْلاَقِيكْ ... عْلَى أعْتَابِكْ تَلْقَاهْ قْتِيلْ عبدالسّتّار زرّوقي 2012/...

يَاجِدِّي مِنْ قَـَبْرِكْ قُومْ / شُوفْ آشْ صَايِرْ فِيَّ اليُومْ كُلِّ الـلـِّي بـْـنِيتـَهْ هـَدِّيتـُو / صَارْ خْرَابْ وْعِشْ لِلـْـبُومْ يَاجِدِّي بِعـْتْ المَقْرِونْ / خَـبّـِيتْ رَاسِي كِالفَكْرُونْ نْسِيتْ شْقـَاكْ سْنِينْ وِقْرُونْ / هـْدِيتْ لَعْيُونِي رْمُوشْ النّـُومْ مِنْ نُومِكْ قـُومْ يَاجِدِّي / قـُومْ وْعـَلـِّمْنِي التـَّحَدِّي أَنَا سْلَاحِكْ نْسَاتـَهْ يـِدِّي / مَاعَادِشْ لـِيهْ تـْرُومْ آهْ يَاجِدِّي وِينْ أَيَّامِكْ / وِالكَرْطُوشْ دَايِرْ بِحْزَامِكْ لاَ تْهَابْ المُوتْ وْلَا إِعْدَامِكْ / بـِيكْ مْعَزَّة كـُلِّ القـُومْ لـَوْ نَحْكِيلِكْ عْلَـى أَيّـَامِي / عْلـَى هْمُومِي وَعْلـَى تـُخْمَامِي بـَدَّلـْتْ أَحْلاَمِكْ بِأحْلَامِي / بَحْرِي نَاشِحْ فِيهْ نْعُومْ سَامَحْنِي يَاجِدِّي خـُنـْتـِكْ / خْذِلْتْ تـَارِيخِكْ مَاصُنْتِكْ سَلـَّمْتْ المَاضِي وِهـِنـْتـِكْ / كـُلـُّو رَاحْ بَابْخِسْ سُومْ عبدالستار زرّوقي https://twitter.com/abdnaczarzit/status/597873167063986176 2012/5/17 http://www.youtube.com/watch?v=UnWuB55ipa4 +21626...

ياجدّي....صرت أخجل من زيارة قبرك....وتلاوة الفاتحة على روحك الزّكيّة... كان الأولى بأحفادك أن يسكنوا تلك اللّحود....بعد أن فرّطوا في الحدود.. وعاشوا عيشة الجمود....وطلوا المساحيق على الخدود... عبدالستّار زرّوقي 2012/5/17

كلّ من لا يُطلق رصاصة الحقّ....أولى به أن تُطلق عليه رصاصة  الرّحمة... عبدالسّتّار زرّوقي 2012/5/17

الوطن الذي يتضامنون معه بالصّور.....هو  وطن  كرتوني.....لأنّ الورق أولى بالورق....أمّا  وطن  الحضارة......فأبسط تضامن معه يكون  بالحجارة....وهذا أضعف الإيمان.... 2012/5/16عبدالسّتّار زرّوقي

ناموا.....لعلّ في النّوم تصحو ضمائركم... Zarrouki Abdessattar 15/5/2012

ْلاَنِي أنَا وِلاَ إِنْتِِ / وْلاَ أَحْنَا لِثْنِين ْلاَخُنْتِكْ أَنَا وْلاَ خُنْتِ / غِيرْ المَكْتُوبْ فِين ْالمَكْتُوبْ اللِّي ضْحَكْ عْلِينَا/ خَلاَّنَا ضَايْعِين ْفَرَّقْنَا وْدَمَّعْ عِينِينَا /  إِبْكِي بِالدَّمْ يَاعِين ْيِدْ الغَاشِمْ مَاهِي حْنِينَة / اصْطَادِتْ عُصْفُورِين ْكـُنَّا نْغَرِّدْ وِسْطْ جْنِينَة / صْبَحْنَا مَسْجُونِين ْيَادِنْيَا كْثِيرْ ظْلَمْتِينَا /  مِكْيَالِكْ صَاعِين ْعُوضْ الدِّبْـلَة كـَبّـَلْتِينَا / صَارْ الفَرْحْ حْزِين ْفـُكِّي رْبَاطِكْ مِنْ إِيدِينَا /   خَلـِّينَا عَايْشِين ْوِلاَّ وَعْدِكْ مَكْتُوبْ عْلِينَا / يَرْجَى فِينَا سْنِين ْشُوفِي حْيَاتِكْ آهْ يَاحْبِيبَة / لاَ ِتْسْـتـَـَنِّي دْفِين ْظَاهِرْلِي مْطَوِّلْ الغِيبَة / بْأَمْرْ مْنِ السّلاَطِين عبدالستار زرّوقي 2012/5/13 +21626485378 +21698467252 + 21655056326 http://65.99.238.12/~alngar/vb/blog.php?b=515

حَبْسُونِي عْيُونِكْ يَا نَدُّو === رَبْطُونِي ورْمُوشِكْ شَدُّوا لاَعَنْدِي قُدْرَة نْقَاتِلْهُمْ === لاَهُمْ تََرْكُونِي لاَ تْهَدُّوا مِسْكُوا أَنْفَاسِي بْتَذْبِيلْهُمْ === هَزُّوا رُوحِي وْمَارَدُّوا سُبْحانُو رَبِّي اللِّي صَوَّرْ === حُسْنِكْ آيَة مِنْ عَنْدُو عْطَاكِ الزِّينْ المْنَوِّرْ === لاَحَدْ يِقْدَرْ يْعَانْدُو مِنْ حَبْ عْيُونِكْ يَا نَدُّو === يْطُولْ لِيلُو ..يْزِيدْ سُهْدُو بِرْمَاحْ ْرْمُوشِكْ رْمُونِي === جَرْحُو قَلْبِي وِتْعَدُّوا شَقُّوا الكِبْدَة حَلُّوهَا === لْقُوا زِينِكْ مِتْرَبَّعْ وَحَدُو بْعَثْتِلْهُمْ العَفْوْ نِتْرَجَّى === سِكْتُوا عْلِيَّ وْمَارَدُّوا نَا اليُومْ سْنِينْ نِسْتَنَّى === وِكْثِيرْ لْيَالِي مَا تْعَدُّوا عبدالسّتّار زرّوقي 2012/5/5 +21698467252 +21626485378 + 21655056326 http://kenanaonline.com/users/ZarroukiAbdstr/posts/414611 http://65.99.238.12/~alngar/vb/blog.php?b=517

عْيُوِنكْ لَمَّا لِيَّ يْلاَقُو === نْقُولْ كْثِيرْ ليَّ اشْتَاقُو رِمْشِكْ لَوْ ذَبِّلْ النَّظْرَة === يْطِيحْ آلاَفْ مِنْ عُشَّاقُو وْرِيحَة عِطْرِكْ آهْ لَوْ شَمُّوا === خَلـْقَ الله وْرَاهْ يَنْسَاقُو لاَنُوصِفْ رِيقِكْ لاَ نَحْكِي === لاَعَرْفُوا طَعْمْ وْلاَ ذَاقُوا مِنْ شَافْ خْيَالِكْ يَا طُفْلَة === لاَيُصْبِرْ لاَ يْطِيقْ فْرَاقُو كُلْ مَا تْمُرِّي وِسْطْ الخَلْقْ === مِنْ فِيهُمْ مَا يْمِدْ اعْنَاقُو؟ نْسِيمْ رْبِيعْ كِيفْ تْهِفِّي === عْجَاجْ خْرِيفْ هَزْ أَوْرَاقُو كُلِّ النَّاْس فِيكْ ِبـهْـتُو === ِيـتْمَنُّوا لَوْ حِلْمُوا مَافَاقُوا مِسْكِينْ اللِّي ادَّرْبىَ فِي عِشْقِكْ === آشْ مِشْ يْهِزْ عْلَى أَعْتَاقُو طُولْ عُمْرُو يِجْرِي مَايَلْحِقْ === فِي حْيَاتُو مَايُوفـَى سْبَاقُو  العَازِبْ يِتْقَدّمْ يُخْطُبْ === المْعَرِّسْ يْقَطَّعْ صْدَاقُو 2012/5/12

حَبْسُونِي عْيُونِكْ يَا( نَدُّو) === رَبْطُونِي رْمُوشِكْ زَادْ شَدُّو لاَعَنْدِي قُدْرَة نْقَاتِلْهُمْ === لاَهُمْ تََرْكُونِي لاَ تْهَدُّوا مِِسْكُوا أَنَََْـفَاسِي بْـتَذْبِيلْهُمْ === فَكُّولِي رُوحِي وْمَارَدُّوا سُبْحَانُو رَبِّي آشْ صَوَّرْ === حُسْنِكْ وْ بْهَاكِ مِنْ عَنْدُو عْطَاكِ الزِّينْ اللِّي مْنَوَّرْ === لَاحَدْ يِقْدَرْ إيعَانْدُو من حَبْ عْيُونِكْ يَا نَدُّو === يْطُولْ لِيلُو وِيْزِيدْ سُهْدُو بِرْمَاحْ رُمُوشِكْ رْمُونِي === جَرْحُو قَلْبِي وِتْعَدُّوا شَقُّوا عَ الكِبْدَة شَافُوهَا === لْقُوا زِينِكْ مِتْرَبَّعْ وَحْدُو بْعَثْتِلْهُمْ العَفْوْ نِتْرَجَّى === سِكْتُوا عْلِيَّ ..مَارَدُّوا نَا اليُومْ سْنِينْ نِسْتَنَّى === وِكْثِيرْ لْيَالِي مَاتْعَدُّوا خْذُولِي الرَّاحَة مِنْ بَالِي === لَا تِعْبُوا مِنِّي لَافَدُّوا بِالله هاَلزِّينْ الغَالِي === قُولُولِي آشْ اللِّي يْصُدُّو عبدالسّتّار زرّوقي 5_5_2012

يَارَبِّي بَارِكْلِي فِيهُمْ =========== إِنْتُمْ وَ اللهْ غَالْيِينْ عَلَيَّ / بَابَا وامِّي يَا خَيْرْ هْدِيَّة مَهْمَا نْقُولْ فِيكُمْ شِوَيَّة / لَا مِنَّة مِنِّي وْ لَا مْزِيَّة أُمِّي يَا لْحَافْ يْغَطِّينِي / بِحْنَانُو فِي بَرْد ِي يْدَفِّينِي انْتِ وَ اللهْ قُرَّة عِينِي / تَحْتْ جْنَاحِكْ عِيشْتِي هَنِيَّة لَوْ النَّاسْ عْلَيَّ تِرُوحْ / وْرِيحْ الغَدْرِ مِنْهُمْ يِفُوحْ وُجُودِكْ وَحْدُو يْدَاوِي الْجُرُوحْ / يَا دْلِيلِي فِي كُلِّ ثْنِيَّة لَوْ تِسِيلْ قَطْرَاتْ دْمُوعِي / وْيِنْزِفْ قَلْبِي دَاخِلْ ضُلُوعِي لِيكِ انْتِ يَحْلَى رُجُوعِي / تِنَسِّينِي اللّي صَارْ عَلَيَّ بَابَا يَا عِزْ الغَوَالِي / يَا أَجْمِلْ كِلْمَة عْلَى بَالِي ضَمَّةْ حُضْنِكْ تْنَسَِينِى حَالِي / كُلْ هْمُومِي تُصْبَحْ مَنْسِيَّة صُوتِكْ هَمْسَة عِنْدْ مْنَامِي / مَا نُوصِفَْهَا بْكُلْ كْلَامِي صُورْتِكْ مَرْسُومَة قُدَّامِي / نَرَى فِيهَا الدُّنْيَا وَرْدِيَّة يَا رَبِّي بَارِكْلِي فِيهُمْ / آشْ تَسْوَى حْيَاتِي بْلاَ بِيهُمْ خُذْ مِنِّي الصَّحَّة وَاعْطِيهُمْ...

  إِنْتِ وَالله غَاْلِيَة عْـلِـيَّ  ============= إِنْتِ وَالله غَاْلِيَة عْـلِـيَّ / أُمِّي يَا خِيرْ هْدِيَّة بِاللِّي نْقُولْ فِيكُ شْوَيَّة / لاَمِنَّة مِنّْي لَامْزِيَّة أُمِّي يَالْحَافْ يْغَطِّينِي / بِحْنَانُو كْثِيرْ يْدَفِّينِي انْتِ وِالله قُرَّةْ عِينِي / تَحْتْ جْنَاحِكْ عِيشْتِي هْنِيَّة لَوْ كُلِّ النَّاسْ عْلِيَّ تْرُوحْ / وْرِيحْ الغَدْرْ مِنْهُمْ تْفُوحْ وْجُودِكْ وَحْدُو يْدَاوِي جْرُوحْ / يَا دْلِيلِي فِي كُلّْ ثْنِيَّة لَوْتْسِيلْ قَطْرَاتْ دْمُوعِي / وْيِنْزِفْ قَلْبِي بِينْ ضْـلُوعِي لِيكْ وَحْدِكْ  يْكُونْ رْجُوعِي / تْنَسِّينِي مَا كَانْ بِيَّ مَامَا يَا عِزْ الغَوَالِي / يَاأَجْمِلْ كِلْمَة عْلَى بَالِي بِينْ احْضَانِكْ نَنْسَى حَالِي / هْمُومِي الكُلْ تْوَلِّي مِنْسِيَّة صُوتِكْ هَمْسَة عِنْدْ مْنَامِي / مَايُوصِفْهَا طُولْ كْلَامِي صُورْتِكْ مَرْسُومَة فِي احْلاَمِي / فِيهَا نْرَى  الدُّنْيَا وَرْدِيَّة يَارَبِّي بَارِكْلِي فِيهَا /  آشْ تَسْوَى  حْيَاتِي  بْلاََ بِيهَا خُوذْ مِنِّي الصَّحَّة وَاعْطِيهَا / تْعيشْ...

  وْرَا سََرَابْ الشُّوقْ طَـلَـَقْتْ سْبَاقِي ******************* مِنْ دْمُوعِي حْفَرْتْ عْمِيقِ السَّوَاقِي === وْ مِنْ ظَلاَمِ اللِّيلْ نَسَجْـتْ لْحَافِي فَرِشْتْ الشُّوكْ مْدَاسْ لسَاقِي === مِشِيتْ عَلِيهْ بِالقِدَمْ الحَافِي مَادَامْ حُبّهَا لِلْبَدَنْ صَايِنْ وَاقِي === قـــُـلْتِلَكْْ يَانَفْسْ إمْشِي لاَ تْخَافِي رَفََضْتْ مِنْهُمْ كََاسْ النَّدِيمْ السَّاقِي === جْفَافْ الأَرْضْ شَرِبْـتُوعَسَلْ صَافِي  حْمِلْتْ ثِـقـَـلْ حُبّكْ عْلَى َأعْتَاقِي === صْـبَرْتْ وْكَانْ الحِمْـلْ شِدِيدْ وْوَافِي هَجَرْتْ كُلِّ القُومْ وْعِزْ رْفَاقِي === نْكَرْتْ مِنْهُمْ مِنْ كَانْ لِحُبِّي نَافِي  غَطَسْتْ فِي غَرِيقْ بَحْرِكْ رَاقِي === فُوقْ المُوجْ زَوْرَقِي وْمِجْدَافِي وْرَا سََرَابْ الشُّوقْ طْـلـَقـْتْ سْبَاقِي === كُلْ مَا نِقَرَّبْ خُطْوَة يْزِيدْ يْجَافِي يَارِيتْ مَازَالْ فِي العُمْرْ بَاقِي === نْشِيلْ جْبَالْ هْمُومِكْ عَلَى أَكْـتَافِي وْيِفْضَلْ حُبَّكْ كَابِسْ عَلَى خْنَاقِي === وْمَا نَرْضَى يْكُونْلَكْ حَبِيبْ خْلاَفِي  نِرْضَى نِ...

كُلْ الأَمَاكِنْ تَسْأَلْنِي عْلِيكْ === وْصُورْتِكْ  فِي كُلِّ الثْنَايَا فِي  طْرِيقِي نِشْبَحْ عِينِيكْ === تْنَادِينِي  كَايِنِّكْ مْعَايَا رِيحَةْ عِطْرِكْ تِجْلِبْنِي لِيكْ === يَاسَاكْنَة بْلَادْ الحْنَايَا   نْقَدِّمْ بِالْخَطْوَة نِْجِيكْ === خْيَالِكْ نْشُوفَهْ وْرَايَا نتلفّت بالي نلاقيك === على يميني نشوفك ضوّاية نخاف لاالرّيح يطفّيك === ياشمعة تضوّي الفلايا ناخذ برنوسي نغطّيك === يقابلني ضوّك في سمايا نجوم الله دايرة بيك === حوّامة لاتعصي وصايا نعدّي بالسّاعة انّاجيك === نفيق نلقاني قدّام مرايا لاالعيب فيّ لا فيك === والذّاكرة ماهي نسّاية كل واحد يقلّي آشبيك === تكلّم في روحك بحذايا برّة حل كتاب عليك === لاتاكلك وحوش الخلايا نسكت مانحب نسمّيك === نتسبّب بنقصان دوايا اعمل فيّ مايرضيك === سكّينك غايص في كلايا نهز إيدي لله نشكيك === تسبقني محبتك جرّاية 07_5_2012 http://65.99.238.12/~alngar/vb/blog.php?b=514 http://kenanaonline.com/users/ZarroukiAbdstr/posts/414142