عبد السّتّار زرّوقي

هذا الشّعب......كثير الكلام .....أسير الأحلام...يوقظ كلّ الأمم ثمّ يذهب لينام...يسير ثلاث خطوات إلى الوراء .....وواحدة إل ى الأمام.........فهل هو جدير بالإحترام والإهتمام.....؟؟؟؟؟؟؟؟؟؟؟؟ **عبدالسّتّار زرّوقي 2012_12_01

شهيد لو أموت في سبيل هذا الوطن.....عربيدا أكون وغبيّا ل و فعلت ذلك من أجل هذا الشّعب....... **عبدالسّتّار زرّوقي 2012_12_01

شَعْبِي عَنْ وَعْيُو غَابْ === لَا عْرَفْ غْلَطْ وْلَا صْوَابْ  نْسَى البَلَادْ وْمَطَالِبْهَا === مْشَى يِجْرِي وْرَا الأَحْزَابْ بَاعْ الأَرْضْ وْمْسَارِبْهَا === شْرَى غِيمَة فُوقْ السَّحَابْ قَرِّبْ لِلْحَيَّة وْصَاحِبْهَا === عَمْلِتْلُو مْنِ السُّمْ شْرَابْ  فِي بَالُو هاَرِبْ مْنِ الَقَطْرَة === لْقَى رُوحُو تَحْتْ المِيزَابْ  وْمِنْ يَحْفِرْ حُفْرَة لِلْغِيرْ === يْطِيحْ وَحْدُو وِسْطْ الزِّرْدَابْ  عبدالسّتّار زرّوقي 2012_11_30

يحضر في لقائنا الغياب ويغيب في أعماقنا الحاضر يعوي صمتنا كالذّئاب كطريدة بين مخالب كاسر ويفرّ من شفتينا الخطاب ليحلّق شوقنا في دوائر ________ عبدالسّتّار زرّوقي 28_11_2012

بِينْ اليُومْ وِالِلّي فاَت....تـْكَلَّمْ الأَخْرِسْ بَعْدْ سْكَاتْ فَاقِتْ العْيُونْ مْنِ النُّومْ.....يَامَا كِشْفِتْ من حَاجَاتْ عبدالسّتّار زرّوقي

بَاتَ شَكِّي فِيهِمْ وَأَضْـحَى يَقِينًا === بَعْدَمَا حَلَّ الظّلْمُ وَالـــقَـتــْلُ فِينَا أَوْهَمُونَا بِالعَيْشِ وَالـعِزِّ دَوْمًا === أَنْ نَكُونَ الـأَسْيَادَ إِذ ْ مَا حَيِينَا غَيْرَ أَنَّ الـأَوْهَامَ حَبْـلٌ قَصِيرٌ === دَائِمًا مَا كَانُوا لَنَا الخَانِقِينَا أَحْكَمُوا غَلْقَ البَابِ ..هَا قَدْ أَحَاطُوا === حَوْلَنَا سُورًا عَالِيًا أَوْمَتِينَا قـَدْ رَأَيْنَا مِنْ بَأْسِهِمْ مَا رَأَيْنَا  ===  قـَدْ أَقَمْنَا فِي سِجْنِهِمْ لَابِثِينَا مَا  رَضَخْنَا يَوْمًا وَمَا سَالَمُونَا === بـَلْ أَذَاقـُونَا مُرَّهُمْ جَاهِدِينَا نَكَّلـُوا بِالأَجْْسََادِ حَتّى عُدِمْنَا === هَلْ تَرَانَا كـُنّـَا لـَهُمْ سَاجِدِينَا؟  أَلْفُ تَبٍّ ..مَاكَانَ مِنْهُمْ حَقِيرًا === لَنْ يَسُودُوا أَوْكَارَنَا وَالعَرِينَا يَاابْنَ أُمِّي هَيَّا تَقَدَّمْ وَكَسِّرْ=== قـَـيْدَهُمْ ..مَاكَانُوا لـَنَا مَالِكِينَا إِنَّ أَعْلَاهُمْ كَانَ صَرْحًا مُهَابًا === كَانَ إِعْصَارًا غَاشِمًا لَنْ يَلِينَا سَادَ فِينَا ظُلْمًا كَدَهْرٍ طَوِيلٍ === مَا ظَنَنَّا يَوْم...

النَّهَارْ نْعَدِّيهْ رَحَّالْ === بِينْ النُّجُوعْ وِالقَبَايِلْ وْحَرْ الشَّمْسْ قَتَّالْ === مَا تْغَطِّي عْلِيهْ الظَّلَايِلْ وِاللِّيلْ مَهْمَا طَالْ === وَ لَوْ كَانِتْ نُجُومَهْ قَلَايِلْ لاَ نَعْرِفْ رَاحَةِ الباَلْ === لَا النُّومْ يْغَمَّضْلِي الكَحَايِلْ نْخَلِّصْ دِينِي و السْوَالْ === وْ لَا يْقُولُوا عُودِي مَايِلْ عبدالسّتّار زرّوقي 2012/11/10

إِسْمِكْ عْلَى طَرْفْ لْسَانِي === يَطْلَعْلِي مْعَ كُلْ كِلْمَة لاَ مَرَّة رَتَّحْنِي وْهَنَّانِي === سَبَّاقْ لِلنُّورْ فِي الظَّلْمَة نَامَانْسِيتَهْ وْهُوَ نْسَانِي === خْذَا بُقْعْتَهْ فِي كُلْ حِلْمَة خلاّني ضايع في زماني ===   عبدالسّتّار زرّوقي 2012/1 1/10

يَاعُمْرِي أَكْـتِـبْـلِكْ قَـَصَايِدْ / وَ ارْسِلْهَا لْكُـلِّ الْبَعَايِدْ أَكْتِبْــهَا بْدَمْعَــاتْ الْعِيــنْ/ وَ اقُـلِّـكْ غِيـرْ الله رَايِـدْ أبْنِيلِكْ بِيتْ مْنِ القَصِيدَة / يْكُونْ شُوقِي فيهَا العَمَايِدْ أَبْنِيهَــا بْحَرْقَـة وْتَنْهِيــدَة / وِالآَهْ تِـرَجَّـعْـلِي الــرَّدَايِــدْ أَقُولْ فِيهَا إِنِّي أَحِبَّــكْ / وْيَامَا تْحَمِّلْتْ الشَّدَايِدْ أَحِبِّكْ وْإِنِّي فِي بُعْدِكْ / حَرَّمْتْ عْلِيَّ الوَسَايِـدْ لَكْتِبْلَــكْ كُــلْ الكَــلاَمْ / وِالدَّمْعْ يَجْرِي مَدَايِدْ وْأَوْصِفْلِكْ شُوقْ الغَرَامْ / تِـتْنَـاقْلُو كُـلِّ الجَرَايِدْ أخُطِّــلَـكْ بْـدَمِّــي الرَّسَايِــلْ / وَاعَلِّقْلَكْ مِنْ عْيُونِي شَهَايِدْ وِغَرَامِي مِنِ الشَّفَايِفْ سَايِلْ / فَــاضْ عَلَى جْمِيعْ الَمَـوَايِدْ أَنَادِيلِكْ وِانْتِ البَعِيدَة / وَالشًوقْ يِرْجَعْ لِي عَايِدْ يِتْخَفَّى مِثْلْ الطَّرِيدَة / الهَــارْبَة مْــنِ الْمَـكَايِــدْ لَوْ يِفْضَلْ فِي عُمْرِي يُومْ / و اليُومْ مَالُـو عَــدَايِــدْ لاَ جْفُونِي يْكَحِّلْــهَا نُـ...

يَا فَرْحِنَا المَنْسِي === امْتَى لِلْقُلُوبْ تْزُورْ ؟ مُشْتَاقَة إِلِيكْ نَفْسِي === وِسْطْ بَلَدِي مَقْهُورْ كَاتِمْ عَلَى حِسِّي === زَيِّ سَاكِنْ لِقْبُورْ تْرَابِكْ يَا وَطَنِي رُومَنْسِي === بَسْ مَاتِتْ فِيهْ لِزْهُورْ دَانَا مِنْ كُثْرِ يَأْسِي === عَايِشْ فِيكْ مَخْمُورْ عبدالستار زرّوقي 2012_11_08

 وَجَدْتُ لِسَانِي جَامِحًا فَمَسَكْتُهُ..... إِذَا لَمْ أَجِدْ وِدًّا فلَسْتُ بِمُغَازِلٍ وَمَا الوِدُّ إِلَّا فِي الطِّبَاعِ مَحاَسِناً ..... وحَامِلُه يَعْلُو علىَ كُلِّ حاَمِلِ عبدالسّتّار زرّوقي

لَوْ كَانْ عِينِي نْسَيِّبْهَا / تِبْكِي لْياَلِي وْلَا نَغْلِبْهَا تِسْقِي بْطَاحِي وْطَالِبْهاَ / تَعْلَى  دْمُوعِي مْثِيلِ الْمُوجْ نَا خَاطِرِي لَوْ يْحاسِبْهَا /  قَلْبِي يْبَـيِّـتْـنِي مَمْرُوجْ لاَ نِقْدِرْ نِشْكِمْهَا وْنِغْلِبْهَا / حْصَانْهاَ جاَمِحْ عَالِي سْروُجْ عبدالستار زرّوقي 2012_11_06

يَحْكِيوْ عْلَى فَنْ اليُومْ ===   قلْتِلْهُمْ سَعْدِكْ يَا لَطْرِشْ لاَكْلَامْ ..لاَلَحْنْ مَفْهُومْ === انْتَبَّعْ فِي الغُرْزَة ونْفَتِّشْ سْمَعْتْ نْهِيقْ وْصُوتْ البُومْ === كُومِيكْ وشْعَرْ مْنَتِّشْ كِي نْشُوفْ الصُّورَة بالزُّومْ === عْلَى الشّاشَة يُظْهُرْ المْنَمِّشْ فِي السَّاحَة كِيفْ دِيكْ الرُّومْ === يُنْفُخْ فِي رِيشُو وْيِنْفِشْ مُوسِيقَى وْأَدَاءْ حْمُومْ === يَا سَامَعْنِي لَالَا تِدْهِشْ السِّيكَا فِي مْقَامْ المَزْمُومْ === وِالصُّوتْ ذَابِلْ وْيُرْعِشْ بِضَاعَة رْخِيصَة فِي السُّومْ === عَالبَاهِي نْلَوِّجْ ونْفَتِّشْ لاَ نِسْمَعْ الفَنْ المَذْمُومْ === فِي وِذْنِي يْفَرَّخْ ويْعَشِّشْ ناري على فن اليوم === صار منّو الكل يتمعّش برّاح والصّوت مزكوم=== يقول يغنّي وهو يمعوش تحت الشجرة يفرش مرقوم === يحيّر الارض ويربّش كاللّفعة ينفث في سموم === والسّامع في جلدو ينهش خبّي صوتك عليك اللّوم=== الحديد الحافي ما ينقش واللّي طايح من السّلّوم === يشوف قهيوة فيها يركش لايدز فيها مظلوم === لا يقدر يجرح ويخبّش نمشي انّنّي جاني النّوم === ما...

يَاطِيرْ وَصِّلْ سْلَامِي === وْزِيدْ فُوقُو أَلْفِينْ تْحِيَّة لاَ نِقْدِرْ نبْوُح ْبِكْلَامِي=== مَايَعْلِمْ كَانْ رَبِّي بيّ تُهْتْ وْرَا حُبِّي وْغْرَامِي=== مَكْتُوبْ عْلَى جْبِينِي ضْحِيَّة 2012/10/19

وَاشْخَصْ يِِِِتْكَسِّرْ القْفَصْ.......وْيِتْحَرِّرْ كُلْ طِيرْ المَسْجُونْ فِي بَهْوْ اللِّصْ......بْقَانُونْ التَّعْبِيرْ خَلُّوهْ يْعَبِّرْ وْنُصْ ........وْيِذُوقْ التَّحْرِيرْ قَلْمُو يِتْحَدَّى المْقَصْ ........بْصُوتْ مْنِ الضَّمِيرْ عْمُرْهَا الحَمَامَة مَاتْغُصْ ........وْبَحْذَاهَا الغْدِيرْ وِالعَظْمَة مِنْ غِيرْ الفَصْ ........كِيفْ كْرَاكْهَا يْصِيرْ؟ الحُوتَة لَوْ ِتبْلَعْ شِصْ .........عْمُرْهَا يْصِيرْ قْصِيرْ إِذَا كْلَامِي خَاِرجْ عَالنَّصْ.........دِيرُولِي تَقْرِيرْ عبدالستار زرّوقي 2012/10/15

ليه الفرح في قلوبنا انداس ... مشى الحزن فوقو بالمداس وصارت البسمة  ....تروح مع اوّل نسمة وضاع منّنا الإحساس ليه الحناجر ...بلعت الدّمّ والخناجر  والصّوت اللّي ساكنّا هاجر...باع فينا وتاجر وتكلّم فينا الوسواس يا دنيا العجايب ....الكلّ فيك ذايب تفرّقوا الحبايب.....والحاضر بقى غايب ماعاد فيك ناس عبدالسّتّار زرّوقي  (Zarrouki Abdessattar) 2012/10/15

قَالِتْلِي وَقْتَاشْ اطُّـُلْ === وتْعَدِّي السَّهْرِيَّة مْعَانَا مِنْ شُوقِي وَرْدِي ذْبِلْ === لَحْنَانِكْ أَرْضِي عَطْشَانَة مْنِ فْرَاقِكْ قَلْبِي تِقـْـفِلْ = مَا عَادْ يْحِسْ بِحْنَانَة يَامَا الوَحْشْ لِيهْ قـْتـِلْ === صَارْ صَدْرِي لِيهْ جَبَّانَة والنّـُومْ جْفَانِي ورْحَلْ === خْذَا عْيُونِي عَنْدِكْ أَمَانَة وْصَالِكْ وَحْدُو هُوَ الحَلْ === يْحَسِّسْنِي بْكَوْنِي إِنْسَانَة لَوْ نَر جَعْ لأَيَّامْ قْبَلْ === بِالصُّوتْ تـْنَادِي يَا فْلاَنَة نِزْحِفْلِكْ يَا سِيدْ الكُلْ === مَاعَادْ تْهِمْنِي الإِهَانَة قُلْتِلْهَا اللِّي حَبْ هْبِلْ === بَاعْ عَقـْلُو مِنْ غِيرْ ضْمَانَة سَايْسِي رُوحِكْ مِنِّكْ العْقَلْ === الًُّصُّوفْ يِتْبَاعْ بٍرْزَانَة لاَ تْقُولِي هَاوْ مِنِّي مَلْ === طبْعِي مَا يْحِبْ الخَرْنَانَة بِينِي وْ بِينِكْ فَمَّة جْبَلْ === رَافِعْ فِي السَّمَا عْنَانَهْ لاَ قَطْعَاتَه خِيلْ وْ بِلْ === لاَ طَارِتْ فُوقُو سِمَّانَة لاَ عَفْسَاتَهْ حَتَّى رْجِلْ === شُوكُو مَا يْعَدِّي الحَفْيَانَة ذَا تْحِبِّي يْدِيرْلِكْ العْسَلْ === عْلِيكْ بِالك...

رَانِــي نْــحِبْ إِنَّــنِّي === نَــنْسَى كُــلْ هْــمُـومْ غَــنِّــيلِي وْ سَمَّـعْـنِي === نـَــنِّـــي جَاكْ النُّــومْ غَـنِّيِلي غُنَّايَة === تْــنَــسِّيِني فِي دَايَا تْرَجَّعْلِي هْناَيَا === وِالسِّرّ المَكْـتـُومْ كيف تكون معايا === بيك نغلى في السّوم لا النّوم يخاويني === ولا يكحّل عيني هارب ومجافيني === ولّى من الخصوم من الدّمع نشفت عيني === قدّاش هالحال يدوم راسي على المخدّة === نفكّر فيك بشدّة هدّيتني فرد هدّة === حليلي من المظلوم الغالي آش يردّه === متخفّي مردوم في نهاري مبكّيني === في ليلي ماتواسيني جافل ومخلّيني === في الشّايح نعوم لا البحر يرويني === حياتك بعدك صوم سمّعني منّك صوت === قبل مايفوت الفوت خلّيتني كيف الحوت === متّاكل مذموم يلّي بينك وبيني ===سما كلها غيوم غنّيلي واطربني ===  سكوتك معذّبني علاش مسيّبني === لا تحن ولا تروم فراقك ملهّبني === بثّ فيّ سموم  عبدالستار زرّوقي

قصيدة اللّيلة على البرّاد.....صديقي المفضّل وَشْوِشْلِي مَرَّة البَرَّادْ ============ وَشْوِشْلِي مَرَّة البَــــــــرَّادْ === مَانِدْرِي وَشْ مِنِّي حَبْ زَعْــمَة حَاضَرْ في المِيعَـادْ === وِلاَّ يْرِيدْ سُكَّرْ وحْطَـــبْ وَشْوِشْلِي مَرَّة تْوَشْوِيشَة === قَالِّي زِيدْنِي فِي الَحْشِيشَة تَـــوَّة نَعْمَـــلْ تْكَشْكِيشَـة === تَاجِي عْلَى كَاسِــكْ يِتْصَــبْ قُلْتْلَهْ هَا بَرَّادِي وَ شْوِشْ === فُورْ عْلَى جْنَابِكْ وْ تَـشْتِشْ خُوذْ مِنِّي رُوحِي وِانْعِشْ === مَحْـــلَاهَا رِيحْتِكْ تـِتْحَـــــبْ زِدْتِكْ مْنِ الـَحْشِيشَة حَفْنَـــــة === خَلِّي مَا تَغْمَضْلِي جَفْنَة بِيـكْ العِيشَة تَحْلَى وْ نَفْنَـــــى === جَمْرِكْ فِي قَلْبِي لَاهِـبْ آهْ يَا بَـــــــــــرَّاد العِشْـــــرَة === وَحْدِكْ تَحْلَى مْعَاكْ السَّـَهْرَة كِي نِتْخَاطِبْ نَا وِالقَمْــــــرَة === انْتَ الشَّـَاهِدْ عْلَى المُحِــبْ تَايِـــــكْ يَاسِرْ دِيمَة عَاقِــــدْ === يُوقِفْ فِيهْ العُـــــودْ القَــــاعِدْ يِمْشِي النُّومْ ع...

لاَ تُفْرُضْ روُحكْ بِالسِّيفْ === المْحَبَّة رَاهِي باِلكِيفْ القَلْبْ يِمْشِي بِهْواَهْ === لاَ يَعْرِفْ حُكْمُو تَوْقِيفْ ياما القلب اختار ثنايا === ياما شق كثير صحاري هَذَا الـقـَلْبْ اخْتَارْ طْرِيقْ === صَعْبْ كـْثِيرْ يْحِيدْ عْليهْ يَامَا كـْثِيرْ شَقْ حْرِيقْ ===  الْمْحَبَّة وْحَدْهَا تِطْفِيهْ عبدالستار زرّوقي غرّة اكتوير 2012

سَامِحْهُمْ يَا قَلْبيِ===مَاصاَرْ مِنْهُمْ شَيْ ماَصَانُوا لِي حُبِّي === قَطْعوُا عَلِيْه المَيْ سَامَحْهُمْ لَاتِشْكِي === لاَ تْقوُلْ انَّكْ مَظْلوُمْ خَلِّي الصَّبَرْ يَحْكيِ ===وْ ينْصفِكْ فِي يُومْ لاتظن فيهم ظن === فارقهم وماتحن خلّيهم للزّمن === يبعد عليك اللّوم  عبدالستار زرّوقي 24_9_2012

يَا بِاللَهْ قُولُولِي ==== مَاعُدْتِشْ أ دَارِي بْلَغْهَاشْ مَرْسُولِي=== خَلِّي تَطْفَى نَارِي يَا بِالَلهْ هَالسَّمْرَة ==== وْصِلْهَاشْ جْوَابِي خَلِّي تِبْرِدْ هَالحَمْرَة ==== اللِّي زَايْدَة فِي عْذَابِي بْعََثْتِلْهَا بِرْسَالَة === عَلَى الإِيمَايِلْ كِيفْ سِيدْ الرَّجَّالَة === رَوَّحْْتْ نِتْمَايِلْ عبدالسّتّار زرّوقي 23/9/2012

قـَدِّكْ يَامَا حْيَا وقـْتِلْ =========== زْغَارِيدْ وْ زُكْرَة و طْبَلْ === الدَّرْبُوكَة عَامْلَة بِعْمَالْهَا عْرُوسِتْنَا مْنِ الجِحْفَة إطُّلْ === تُحْرُسْهَا صْنَادِيدْ رْجَالْهَا نَوَّرْتِ وْ زَانْ المَحْفِلْ === يَا ضَوْ القَمْرَة و هْلاَلْهَا شَرّفْتِ والبَدْرْ كْمِلْ === وِالصَّحْرَا فِرْشِتْ رْمَالْهَا   فِي عُرْسِكْ نُرْقُصْ مَا نْمِلْ === مْنِ شرُوقْ الشَّمْسْ لذْبَالْهاَ   يَاشَهْدْ النَّحْلَة يَا عْسَلْ === يَاتَمْرْ النَّخْلَة وظْلاَلْهَا   بِجْمَالِكْ فـُزْتِ عَالكُلْ === (المُونَالِيزَا )مِنِّكْ خْصَالْهَا   مَاحَازِتْ حُسْنِكْ مْلِلْ === وْلَا تِقْدِرْ تْبَدِّلْ أَقْوَالْهَا   البَرْقْ مْنِ التـَّبْسِيمَة وْصِلْ === ضَوَّى عْلَى الدِّنْيَا بِكْمَالْهَا   قـَدِّكْ يَامَا حْيَا وقـْتِلْ === شَرِّدْ القـْبِيلَة بِرْجَالْهَا   لَا خَلَّى طُفْلَة وْلَا طْفُلْ === لِ...

ماعدت ذلك الإنسان الذي كان ولا ذلك الشّيء الذي يهان انا اليوم... صار المكان يعرفني وكذا الزمان مع الطّيّبين ..أنا ملاك ومع الخبيثين.. أنا شيطان إبن شيطان أنا كالرّعد ..مع الوغد ومع الكريم...كالبحر مترامي الشّطآن كالنّسيم..عطوف رحيم كالجبال ...متماسك الأركان عبدالسّتّار زرّوقي 2012/9/02

في طريق الشّوق   كنت واخذ حالي ومتعدّي  مرّيت على بابين   باب يفتح عالشّمال وباب يفتح غربي رميت للأوّل بوستين   والثاني تكّيت عليه خدّي الباب الأوّلاني عليّ مال   والثّاني رمى بورودو على  دربي وانهالوا عليّ  بالودّ لثنين   حسّيت روحي مافيش حدّ قدّي غفيت ونعست العينين   وندهتلك يا مطر صبّي طفّيني أنا بين نارين   هيّا بسيولك ردّي لو تمرّ عليّ دقيقتين أكون في النار متردّي طلبتك تخرّجني من طريق الشّوق    أنجدني برحمتك يا ربّي أنا كنت ناوي أمرّ في الحين ولا كنت قاصد أو متحدّي غير إنّي شفت غزالين ظنّيت الجنّة تناديني.. أدخل وعبّي عبدالسّتّار زرّوقي 2012/9/02

عبدالستّار زرّوقي يـِزِّينِي مِنِّكْ يَا دُنْيَا.......مَاحَاجْتِي مِنِّكْ بْْـشَيْ النَّاسْ فِي العِيشَة الهَانِيَة....وَانَا تـِكْوِينـِي كَيْ ذَا مَرََّة ضْحَكْتِلِي فِي ثـَانِيَة.....تـِرْجَعِي تـِشْوِيِنِي شَيْ لاَ عُمْرِي نِجْرِي وْرَا فَانِيَة........لاَ تْقُـلِّكْ اسْتَنِّينِي شْوَيْ عبدالستّار زرّوقي 12/8/29

#زرّوقيات .. أَحِّيتْ القـَلْبْ واجَعْنِي......مِكْـــوِي بحَرّك يا دَايَا عْلَى الآهْ يـْبَاتْ مْفَزَّعْنِي....نِـــشْـكِيهْ وْلاَ من مْعَايَا نِسْتَاهِلْ ..آشْ مْرَجَّعْنِي.......لِـتْــرَابْ مـَـنـْـبـِتْ عْدَايَا عَامِينْ وْهُوَ مْضَيَّعْنِي........هَايـِمْ فِي مَفْرِقْ ثْــنـَايـَا القـَلـْبْ مُضَامْ مْلَوَّعْنِي......ضَايِعْ جِسْمِي فِي كْسَايَا يَا لِيتْ منْهُو ال يـَصْفَعْنِي ....ونـْحِسْ بِصْبحِي وْ مْسَايَا لاَ نْدَمْ الْيُومَ يـِنـْـفَعْنِي.........لا تـْـفـِيدْ مْعَاهْ الوْصَايَا لـَوْ مَرَّة فِي العمرِ يْطَاوَعْنِي...نـِغْـبـِرْ نــَنْسَى اللّي وْرَايَا عبدالسّتّار زرّوقي