عبد السّتّار زرّوقي

والله في الاخر قلتيها /لا الكلمة كبرت في فمك طول عمري ناحاسس بيها /من يوم اللي نويت نلمك ضاقت الارض وماعليها /كي عرفت ماعدت نهمك فهمت الغمزة ومعانيها / والضّحكة  تقطّر بسمّك لا وجوهكم عدت نسميها / لانفرّق العمّة من أمّك من النّعجة نابني كرعيها / والباقي صحّ لبن عمّك هالقصّة ننسى ماضيها / لا عندي شكر ولا نذمّك عبدالستار زروقي 2013/10/20

Jetez un oeil au Tweet de @abdnaczarzit : https://twitter.com/abdnaczarzit/status/541340249113518080?s=09

ﺑﺎﻟﻠﻲ ﻧﻜﺒﺮ ﻓﻴﻚ ﺍﻟﺰﻭﻡ / ﺻﻮﺭﺗﻚ ﻣﺎﺗﻜﺒﺮ ﻓﻲ ﻋﻴﻨﻲ ﻫﺬﺍ ﺣﺠﻤﻚ ﻋﻨﺪﻱ ﺍﻟﻴﻮﻡ / ﻭﺑﻜﺮﺓ ﺍﻟﻤﺠﻬﺮ ﻣﺎ ﻳﻜﻔﻴﻨﻲ ﺑﻌﺪﻭ ﺭﺍﺡ ﺗﺼﻴﺮ ﻣﻌﺪﻭﻡ / ﻣﺠﺮﺩ ﺫﺭﺓ ﻣﺎﺗﻌﻨﻴﻨﻲ ﻋﺒﺪﺍﻟﺴﺘﺎﺭ ﺯﺭﻭﻗﻲ

غُدْوَة نْوَلِّيلْكم رَئِيسْ/ نُحْكُمْ فِيكُمْ بِالْبَاكِيتَهْ يَحْمِينِي جَيْشْ وبُولِيسْ/يِمْحُولِي كُلْ مَا سَاوِيتَهْ نْعِيشْ فِيكُمْ بِتْبَهْنِيسْ/انَّحِّي دَبْشِي نْعُودْ زْقِيطَهْ نْلَقِّي وِذْنِي لِلتّْوَسْوِيسْ/نْغَمَّضْ عِينِي نْقُولْ مَارِيتَهْ زِيدُونِي دِيمَا التَّلْحِيسْ/بْضَرْبِ الطَّبْلَة وِطْرُمْبِيطَهْ نْقَرَّبْ مِنِّي كُلْ خْسِيسْ/نْحِبْ وْزِيرِي شَادِدْ حِيطَهْ يُشْكُرْ..يِمْدَحْ فِي رَمسْيِسْ/ يْوَافِقْنِي فِي كُلْ مَانْوِيتَهْ نِتْصَدَّرْ عَ الْكُرْسِي عْرِيسْ/ يَامَا جْرِيتْ لْحَدْ مَا لْقِيتَهْ عبدالسّتّار زرّوقي

نَفْسِكْ ذَلِيلَهْ وِالطَّمَعْ شَاكِمْهَا /  لاَ قُلْتْ يُومِ انْصُونْهَا وْنِكْرِمْهَا نَفْسِكْ  يِزِيدِ طْمَعْهَا / كِالنَّارْ تِسْرِي وِالْحَطَبْ مَرْتَعْهَا عَدَّى الْعُمُرْ مْنِ الْحَيَا تِمْنَعْهَا / لَوْ مَرّه تَصْحَى مِالْحَيَا تِعْدِمْهَا حَالِفْ عَلَى الْعِزْ يُومْ لاَ تَرْفَعْهَا/ كُلْ مَا تِذُوقِ الْمَفْخَرَة تْسَمَّمْهَا لاَ قُلْتِ انْرَوَّضْهَا / قَبْلِ الْمَنِيَّة الصَّادْمَةْ تَقْبَضْهَا انْسِيتْ قَدَّاشْ الزَّمَنْ نَوَّضْهَا / فَمَّاشْ تَنْهَضْ وِانْتَ مَنْ نَوَّمْهَا اعْقُودْ مَرَّتْ رَاكْشَة فْ مَرْبَضْهَا / حَلْفِتْ يَمِينَ اللهْ مَا تْقَدَّمْهَا طَبْعِكْ عَلِيكِ مْسَيطِرْ/ أَوْهَامْ تَعْكِسْهَا شْرُورِ اتْقَطِّرْ يَارِيتْ مَرَّهْ تَلْتَزِمْ وِتْسَطِّرْ/ أَهْدَافْ جَمَّةْ بِالْوَفَا تُرْسُمْهَا فَمَّاشْ ابْرِيحِةْ وَفَاهَا اتْعَطِّرْ/ اللِّي حَرَمْهَا الدَّهْرْ مَا شَمَّمْهَا طُولِ الدَّهَرْ عَاكِسْهَا / تَرْقَى عَلَى. اغْصَانْهَا دَّنْكِسْهَا تَرْمِي ثِمَارَ الْخُلْقْ وِاتْعَفِّسْهَا / وَ اعْرَافْهَا .لِمْسَقَّمَهْ .تُبْرُمْهَا   لَوْ...

ابْنِ الْوَطَنْ عَمَّرْ سِلَاحَه وْ شَبَّرْ / صَوَّبْ عَلَى اهْدَافْهُمْ قُدَّامَهْ مُحْتَارْ فِكْرَهْ خَاطْرَهْ مِتْكَدَّرْ        / يَارِيتَهَا طَلْقَاتْ تِشْفِي غْرَامَةْ  بَالِكْ تِكُونْ هَالْجَالِيَهْ تِتْنَمَّرْ       / وْبَالِكْ عَسَاهَا تْعُودْ مِنْ خُدَّامَهْ يُمْكُنْ تْنُوضِ الطَّاوْسَهْ تِتْبَخْتَرْ   / وْقَدْ مَاتِرُدَّ عْلِيهْ طَلْقِ سْلَامَهْ وْهَاذِي ثَعَالِبْ طَبْعَهَا يِتْنَكَّرْ      / زَايِدْ يِنَشِّنْ صُوبْهَا بِعْلَامَهْ ابْنِ الْجَنُوبَ اصْيَانْ كَانِ امْدَمِّرْ   / فِي الصَّيْدْ عَدَّى كَامْلَاتَ ايَّامَهْ وِينِ الْفَلاَةِ الْقَلْبْ عَاشِ مْسَخَّرْ / الْبِيدْ عِنْدَهْ فِي مَثِيلِ ابْهَامَهْ يِشْكِي الْخَصَاصَهْ دُونَمَا يِتْذَمَّرْ  / نَفْسَهْ عَزِيزَهْ طَايْرَه مْعَ احْلاَمَهْ عَنْتَرْ إِذَا خَشِّ الصَّحَارِي وَكَّرْ     / مِشْكَاةْ تِجْلِي عَ الْمَكَانِ ظْلَامْهَ  كُلِّ الضَّوَارِي فُوقْ مَا تِتْصَوَّرْ      / تَخْشَى حُلُولَهْ عِنْدْ سَمْعَ اقْدَامَهْ ...

ﺍﻟﻜﺎﺭ ﺻﻔﺮﺍ ﻭﺍﻟﺮﻳﺤﺔ ﺯﻓﺮﺓ.. ﻭﺳﻴﺪﻱ ﺍﻟﻤﻮﺍﻃﻦ ﻣﺮﻗﺪ ﺍﻟﺸﻔﺮﺓ ﻳﺎﺭﺑﻲ ﻳﺎﻋﺎﻟﻲ ﻃﺎﻟﺖ ﺍﻟﺴﻔﺮﺓ ﺭﺍﻧﻲ ﻣﻀﺎﻡ ﻋﺎﻳﺶ ﻓﻲ ﺣﻔﺮﺓ ع/ زروقي

ﻟﻘﻴﺖ ﺍﻟﺨﻴﺮ.. ﻓﻲ ﺑﻼ‌ﺩ ﺍﻟﻐﻴﺮ.. ﻭﻓﻲ ﺑﻼ‌ﺩﻱ ﺍﻟﻐﺮﺑﺔ ﻭﺍﻛﻼ‌ﻧﻲ.. ﻫﺰﺗﻨﻲ ﺭﺟﻠﻲ.. ﻣﺸﻴﺖ ﻧﺴﻴﺮ.. ﺑﻼ‌ﺩ ﺍﻟﻐﺮﺑﺔ ﻟﻘﻴﺘﻬﺎ ﺷﺎﺭﻳﺎﻧﻲ.. عبد  الستار زروقي

ليك رموش امضى من السّيف/ ويلي منهم لمّا تلوحي انت عارض فصل خريف/من عطرك تفيض سطوحي لو سألوني لماذا وكيف / نعجز عن وصفك ياروحي إنت النسمة في حر الصيف/وانت بلسم كل جروحي وانت في قعداتي الكيف/تغيب النشوة لما تروحي عبدالستار زروقي

خُويَا يَا وَْخْي وْيَا خَيْ توَاضَعْ مَعَانَا شْوَيْ خَلِّينِي نِتْوَاصِلْ مَعَاكْ لاَ تْصَعِّبْ الأَمْرْ عْلَيْ ........... عبدالستار زروقي https://twitter.com/abdnaczarzit/status/484843663831597057

مشكورة عملتِي الِلّي بغيتِي / لا والله ما عليكي لوم تيهانة لقيتك في ثنيتي / حيرانة مليانة هموم تبّعتك مشيت على نيتي / ورّيتيني الشّمس نجوم بعتلّكك قلبي ما شريتي / قدّمته من غير رسوم يا خسارة عليّ تعاليتي / مهما زدت عليك السّوم في جحر الذيب تربّيتي / مكّارة وهذا معلوم بغيتك مصانة في بيتي / لقيتك للفجوج تروم لا مرّة كبرت وعليتي / مهما يقرّب فيك الزّوم عبدالستار زروقي

وَاشْ تَسْوَى الدُّنْيَا بْلاَ أُمِّي......يَا رَبِّي احْفَظْهَا لَيْ مِنْ صُغْرِي شَايْلِتْلِي هَمِّي .....عْمُرْهَا مَاتْخَلِّيهَا بِي أفـْضَالِكْ يا مِّيمَة عَلَيْ.....أفْـضالْ كِثِيرَة مَا هِي شِوَيْ لَمَّا أَقُومْ مِنْ غِيرْ مَاشُوفِـكْ......نارْ شُوقِي تكوينِي كَيْ إنــتِ يا مِّيمَـــة مِنْهـــاجِي......مِنِّكْ دَعْمِي وْ بِيكِ عْلاَجِـي نِــدْعِيلِكْ رَبِّي وِ نْرَاجِـــــي.......يَحْـمِيــكِي يْخَـلِّيـــكِي لَــــيْ كنتْ صْغِيرْ و الدُّنْيَــا صَحْرَا........كْتَابْ صْعِيبْ مَافِيهْ مَانَقْـرَا حْرُوفِكْ تِنوّرني كِالقَمْرَة.......تْفَـتَّحْنِي وْ تِضْوِيلِي ضَيْ انْتِي يَا أُمِّي جْنَاحَاتِي ........وِانْتِ الرِّيشْ اللِّي مْغَطِّينِي نِدْعِيلَكْ فِي كُلِّ صْلَاتِي.......الله لاَ يْنَحِّيكِي عْلَيْ حْنَانِــكْ فِي البَـرْدْ يْدَفِّينِـي.......لَمَّا لْصَدْرِكْ تْضُمِّينِــي هَالدّنْيَــا مَاتَمْلَــى عِينــيِ........غِيرْ نَبْعِكْ يَرْوِينــــــيِ رَيْ فِي ظِلِّكْ مَانَعْرِفْ حَـــْر.......يَا شَجْرَة وَارِفَة عَ البَرْ فِــي بُعْدِكْ يُقْصِـرْ لَعْمـُرْ......لْهِيبْ لفْرَا...

من يوم عشقت عيونك تعلّمت السّهر وصاحبت في رحلتي الكواكب والنّجوم والقمر واتّخذت من خيالك رفيقا من دون سائر البشر وإنّي لا أدري هل أنت مصيبتي أم هديّة القدر... عبدالسّتّار زرّوقي

ليه الفرح في القلوب انداس والحزن مشى فوقو بالمداس صارت البسمة تروح مع اوّل نسمة وضاع منّنا الإحساس ليه الحناجر بلعت الدّمّ والخناجر والصّوت اللّي ساكنّا هاجر وتكلّم فينا الوسواس يا دنيا العجايب الكلّ فيك ذايب تفرّقوا الحبايب ماعاد فيك ناس ___________ عبدالستار زروقي

وِينْ مَا نْدِزْ لِيكْ جْوَابِي/ يَبْقَى كَابِي عَلَى اعْتَابِكْ طَمِّنِّي يَاعِزْ احْبَابِي/ مَا تْقُلِّي وَاشْ اللِّي صَابِكْ كْثُرْ حْنِينِي فْقِدْتْ صْوَابِي/ مَرْكِبْ سَابِحْ فِي عَذَابِكْ مِنْ يُومْ فْرَاقِكْ لِتْرَابِي/ أَحْدَاثِي نْأَرَّخْهَا بِغْيَابِكْ ع/ز

والله ما دريت نسكت ولاّ نتكلّم *** و لاّ نتقدّم بشكايتي نتظلّم  ماعرفت آش نسوّي ****  وقصف رمشها يعصف ويدوّي حلّيت القميص نبغي نهوّي***  صادفني القلب من العشق يتألّم  نار لحظها طغت على نوّي **** لا رايتي نزلت ولا جفاها سلّم عبدالسّتّار زرّوقي

اللّيل يعرفني نبغيه ......ونجومه لسهري توّاقة لو تسهد عيني نخلّيه.......ينحب ودموعه سبّاقة يبعثلي المرسول نلاقيه.....يوصفلي غرامه واشواقه نتحيّر كي نرد عليه.....والدّمعة تهبط برّاقة غطايا ولحافي نسمّيه.....والرّوح لستره خقّاقة

لا ليلــة نخيّـــرها علــى ليلـــة / كلّ ليلة مثيل اللّي فاتت لا رفقـــة ولا صحبــة جميلــة / يادوب " صحّة " كان واتت أيّــــــام الفرح عـــادت قليلـــة / وساعات نحسبها ماتـت نسعالها ونبحث على وسيلـة / نلقاها مع غيـــري باتــت عبدالسّتّار زرّوقي

مُشْ عَوَايْدِكْ تغِيبِي === فَجْأَة تَنْقَطَعْ أَخْبَارَكْ بُعْدِكْ زَادْ فِي لَهِيبِي === وْكَوَانِي بْحَرْ نَارِكْ Zarrouki Abdessattar 30_4_2012

يا حلمة البارح  /  نترجّاك  تعودي  خلّيت العقل سارح /  كـثّرْتِ  تنهيدي بيك أكون فارح  /  وينوّر عودي حلّفـتـك لا تبارح /  تذبل  بعدك  ورودي 23.7.2012

يا قاطع لبحار === و حارق لبعيد ياما تركت قلوب === قاتلها التّنهيد لاتركب واللّوح === مخرّب وحديد طال عليه الدّهر ===صار بكلّو صديد هالبحر غدّار === حكمو قاسي شديد وموجه الهدّار ===يخلّيك ليه عبيد عبدالستار زروقي فكّر وادرس وخطّط لكلّ ماتريد === قيس احسب وعدّل ومكّن التّسديد شكون فينا يوم ما تمنّى تفرهيد === لكن ماركب سفينة وحس بالتّهديد  ننصحك نصيحة يمكنها تفيد=== من قبل ما تروح فكّر في الأهل وعيد بعدك لمّيمة لاتحتفل بعيد === ولاباباك يرمي عليه لبس جديد تخلّيه في طريق هايم شريد === والغالية شيب راسها كلّ يوم يزيد   2012/03/07 لاتخلّي روحك هذي نصيحة ليك يمكنها تفيد

شَيِّــدْ فُـوقْ الشَّدَايِدْ وَطْنِــكْ / خَلِّي سُورَهْ يْكُونْ عَالِي شْدِيدْ أَزْرَعْ وَاحْصِدْ لِينْ يِشْبَعْ بَطْنِكْ / وْ لَا تْمِدْ فْ يُومْ لِلْغَريبْ الْإِيــدْ عبدالسّتار زرّوقي 2013/6/08

سمعت كلام زعزعني و هدْ / وجب الرّدْ / على كافر ملحد مرتد كلام بجد / صادر عن ذراري أحمد حجم صغير مذموم القد / أوّل إسمو عليه شهد خيال قرّب وظل بعد / يا ذنوبي كان شافو حد مانقصد بالصّغر جهامة / فيه ركاكة طويل القامة لكن نقصد راس نعامة / نفض الرّملة علينا هد تربّى في حجر الحجّامة / بوه هرب وهو قعد نا نقصد الفكر صغير / كسب الشّهرة بالتبندير عزف على وتر التّغيير/خرس كي المخلوع بعد اليوم يقعقع مثل بعير / وليف الناقة ليها فقد خذا من الكفر باب للشّهرة / عادا الدّين في السر والجهرة واحد عاصي في راسو خمرة / حيط يهز وحيط يرد كي في ]باردو[ يديروا سهرة / يشيخو عليه كان قعد صغير الفكر والتّفكير/ ينطق كيف يكون سكّير هذا كلام منسوب للغير/ قريب النّاس عليه شهد عوض الشّعر يقول شعير/ شبّع حمارو حذاه تمد إسمو حاز رخيص أوصاف / فيها الحقرة كثير بالزاف لاشكّ فيها ولا اختلاف / هو صغيّر و زيد ولد بسرعة نصبولوا المنداف / ضبع حصل في الشرك تشد حاجة وحيدة حازها إسمو/ خلّاتني نتجاهل حسّو كاراكوز يعود في رسمو / لا مخلوق عليه يسد اسم النبي جا من قسمو / فكو مني كان احمد عبد السّتّ...

الدّروس الخصوصيّة ========== الدّروس الخصوصيّة في البحر حلّت ثنيّة فكّرت ماذا بيّ بيها ندعّم الشّهريّة نظّفت القاراج خرّجت منّو كلّ دجاج ماعز ونعاج نمنّي نفسي بعيشة هنية دبّرت راسي وعملت من المَادْرِي كراسي صابورة ملاّسي باب خذيتو من ساسيّة بديت انْدُورْ ع البسكلات وع الموتور براري وبحور نِقْبِلْهَا عزري وشِنْـتِـيَّة ْنظّمت الأفواج وقسّمت ذراري الفِيلَاج يخلف عَ -الدِّيكَالَاجْ -وسّع الخدمة عليّ صُبْح وعشاء هذا مشى وهذا جا لاراحة لاهنا تخمامي في الميزانيّة أنت وقتك في الصّباح وانت الفجر إذا لاح وانت مع الدّيك الصّياح نلقاك تستنّى فيّ بدات الكريشة تكبر وبدا الجيب يتعمّر وبدا الخير يكثر وصرت من البَلْدِيَّة الصّيف يصيّف نعشّي نْشَيِّشْ ونِتْكَيِّفْ لباسي رْهَيِّفْ عْرَفْتْ معنى العشويّة كبرت أرزاقـي في كلّ برّ مدّيت ساقي بدّلت صْداقي و خذيت دروس لُصُوصِيّة **عبدالسّتّار زرّوقي —