والله في الاخر قلتيها

والله في الاخر قلتيها /لا الكلمة كبرت في فمك
طول عمري ناحاسس بيها /من يوم اللي نويت نلمك
ضاقت الارض وماعليها /كي عرفت ماعدت نهمك
فهمت الغمزة ومعانيها / والضّحكة  تقطّر بسمّك
لا وجوهكم عدت نسميها / لانفرّق العمّة من أمّك
من النّعجة نابني كرعيها / والباقي صحّ لبن عمّك
هالقصّة ننسى ماضيها / لا عندي شكر ولا نذمّك
عبدالستار زروقي
2013/10/20

المشاركات الشائعة من هذه المدونة

من شربنا للبيبسي والكوكة كرامتنا مدعوكةوأرضنا مابين يدنا مفكوكة_من شربنا للبيبسيمانثبت على اتّجاه كيف التّبسينشعل ونطفى في مثيل السّبسيمابين زوز شفاه لخالتي مبروكةوالفرق واضح بين رخفتك وكبسيمن رخفتك دمنا سال في المسكوكة_من شربنا تبنّنابفلوسنا شرينا مشروبنا وتهُنّاكل من شرب كاثر شخيره ننّا واللّي نهض حرق ب شقفته وفلوكةفي فمّنا القطران قلنا بنّةواللّي رضع الذّلّ صعب تروكه _من شربنا تقرّعناخرجت كشاكش بلنا ورتعناوسط المراعي سارحين وجُعنارغم الحشايش مكدّسة ومتروكة.صراخ اولادنا ف أرضنا وجّعنا نسانا سبايا وأرضنا مملوكة._مانقول البيبسي وحدهاو لايحة البويكوت تو نجبدهاكراهب ودخّان ما نعدّدهاوأجهزة في السوق بالدّربوكةإشهار في التلفاز ما يفقدهاتقول حياتنا بلا ها تتبلوكة_تحرم علي العيشةوتحرم علي مثل هذي حشيشةنرسم وشم ف جبهتي ونقيشةلو كان نشري الماركة المشكوكةبيها عدوّي نافش عليّا ريشةكبر دجاجه وسرح في قمحنا سردوكه_مانقد هذا وحديوشكون غيرك سند لي وعضديخويا وصديقي ولد ريف وبلديمن غدوة تروح من حلقنا هالشّوكةهذي وصيتي لولد ولد ولديكي نعدي بقية حياتنا شكشوكة.

قراءة المزيد

هَــانِي نِـسْتَـنَّى يَابَاطِـي

رسالة إلى مماطلي الشّعب _____________________ هَــانِي نِـسْتَـنَّى يَابَاطِـي / حَالِـــفْ مَـا انَّــحِّــي صَبَّــاطِـــي قَاعِدْ نِتْرَقَّــبْ فِــي اوْهَــامْ/ وَعْـــدِكْ مَـــا فَكِّــلِّي رْبَــــاطِــي إِنَّادِي عْلِيكْ قْرِيـبْ العَـــامْ / طُرْشِتْ وِذْنِــيكْ عْــلَى عْـيَاطِــي لَا جِـيتْ وْلَا حَـــطْ رْحَالِـــكْ / عْلَاشْ تِخْلِفْ وَعْــدِكْ وِتْــرَاطِـــي أنَا الشَّعْبْ اللِّي انْتَ وْعِدْتَهْ / آشْ خَـــلّاَكْ تْـــعَافْ خْــلاطِـــي يَا تُــوفِـي بْـوَعْـدِكْ وِتْــنَفِّــذْ / وِلَاّ قُـــــلِّي مَانِيـــشْ عَــاطِـــي لَا تْضَيَّـعْنِــي فِي مْسَارِيبِــكْ/ نَعْفِسْ عْلَى شُوكِكْ بِامْشَاطِي عْطِيتِـكْ مِنْ وَقْــتِي بِالزَّايِــدْ / حَتَّى فَاحْ فِي النَّجْـعْ شْيَاطِــي نَــا اليُــتومْ حَذَّرْتِـــكْ مِنِّـــي / يَاوِيلِــــكْ مِـنْ دَعْسَتْ زُلَاّطِــي تَعْرِفْنِي كِيفْ صَبْـرِي يِنْفِـــدْ / وْكِيفْ تِتْحَلْ عُقْدَاتْ خْــيَاطِـــي لَانْرَاعِي فِيـكْ عَهْــدْ وْذِمَّــــة / تْعُودْ تِتْلَجَّى تَحْتْ سْـيَاطِـــــي نَـبَّـهْتِــكْ ل...
قراءة المزيد