غُدْوَة نْوَلِّيلْكم رَئِيسْ

غُدْوَة نْوَلِّيلْكم رَئِيسْ/ نُحْكُمْ فِيكُمْ بِالْبَاكِيتَهْ
يَحْمِينِي جَيْشْ وبُولِيسْ/يِمْحُولِي كُلْ مَا سَاوِيتَهْ
نْعِيشْ فِيكُمْ بِتْبَهْنِيسْ/انَّحِّي دَبْشِي نْعُودْ زْقِيطَهْ
نْلَقِّي وِذْنِي لِلتّْوَسْوِيسْ/نْغَمَّضْ عِينِي نْقُولْ مَارِيتَهْ
زِيدُونِي دِيمَا التَّلْحِيسْ/بْضَرْبِ الطَّبْلَة وِطْرُمْبِيطَهْ
نْقَرَّبْ مِنِّي كُلْ خْسِيسْ/نْحِبْ وْزِيرِي شَادِدْ حِيطَهْ
يُشْكُرْ..يِمْدَحْ فِي رَمسْيِسْ/ يْوَافِقْنِي فِي كُلْ مَانْوِيتَهْ
نِتْصَدَّرْ عَ الْكُرْسِي عْرِيسْ/ يَامَا جْرِيتْ لْحَدْ مَا لْقِيتَهْ

عبدالسّتّار زرّوقي