ياما نصحتك ماتشتكيني

• تشري في القطّو / عشوية من راس العام
  مثيل الفرططّو / تتنقّل وسط الزّحام
  والشّعر مشططّو / سبايك ذهب وريش نعام
  عويناتي نطّوا / سبقوني دحموا لقدّام
  عليها حطّوا / غصن فوقو زوز حمام
  شنوّة العاملتّو / خلّتني هايم موضام
  السّوق ماشطّطّو / ماريت كيفها "مادام"
  على جالها حبّيت القطّو / نسيت الضّرسة والسّقام
  والقلب ربطّو / هرب منّي سابق الأقدام
  الشّعرا خطّوا / سالت عليها الأقلام
  ياناسي غطّوا / نظركم ليها راهو حرام
  لو يهجر هالبحر شطّو / في الشأيح نسبح عوّام
  وانتم يلّي توّة خلطّوا / صلّوا على نبي الأنام
  فولولي منين هبطّوا / هذا من سحر العزّام ?
  
  عبدالستّار زرّوقي
  2012/ 12/ 31