بِينْ البَارِحْ وْ بِينْ اليُـومْ
بِينْ البَارِحْ وْ بِينْ اليُـومْ === يَامَا كْشِفْنَا مِنْ حَاجَاتْ
مَاشِي فِي بَالُو مَظْلُـــومْ === ضَاعِتْ فِي حَلْقُوالكِلْمَاتْ
بِالْلِّي نْكَبَّرْ فِيهْ بـِ(الزُّومْ) === صُورْتُو ضَايْعَة فِي الشَّاشَاتْ
حَتَّى مْنِ الأَلْوَانْ مَحْرُومْ === هَزِّتْهَا التَّمَوُّجَاتْ
حْرُوفُو مَاعَادِتْ تْـــرُومْ === يِتْكَلِّمْ بِالإِشَارَاتْ
لاَ نْكَثِّرْ وْ لاَ نْزِيدْ اللُّـومْ === وِالـفَاهِمْ لِيهْ الغَمْزَاتْ
عبدالستار زروقي