لِيكْ الحَـــــقْ تِتْنَاسِيــــنِي

لِيكْ الحَـــــقْ تِتْنَاسِيــــنِي ______ وْ مِنْ حَقِّي نَعْــرِفْ عْلاَشْ

 قُــــولِيلِي شْبِينِكْ وْ بِيــنِي ______ سْنِينْ هَجْرِكْ مَا تُوفَاشْ

مَهْمَا تْقُـولِي مَا يْـعَزِّيِني ____  غِيرْ رْجُوعِكْ مَانـَـرْضَاشْ

لَا تْـضَيَّعِي شْـقَايَا وْسْنِينِي _____  حُبِّي لِيكِ مَا يَـخـْفـَاشْ

كِيفْ يْهُونْ عْلِيكِ وِدِّي؟_____وْكِيفْ تْكُونْ حْيَاتِكْ مِنْ بَعْدِي؟

خَلِّي المَاضِي بْكُلُّو يْعَدِّي _____ تـَلْـقِي حُضْنِي لِيكِ فْرَاشْ


بِـينِي وِبِينِكْ بَرْشَة كْلَامْ _____مْسَطَّرْ فِي صَفْحَة الأَّيّامْ


حْرَامْ تِمْحِي هَـالغرَامْ ____ حَــتَـَّى كِلْمَة مَا نَـلْـقَاشْ


نْمِدْ يِدِّي لِيكِ  بِمْحَبَّة _____  عِشْقِي لِيكْ مَا يِـتْخَـبَّى

لاَ تِبْنِي مْنِ الحَبَّة قُــبَّة _____مَا تْغَـيِّرْ ثُوبْهَا كَانْ لَحْنَاشْ
........
عبدالستار زرّوقي