OKتْعَدِّيتْ عْلَى وَادْ هَرْهَارْ

تْعَدِّيتْ عْلَى وَادْ هَرْهَارْ ........شَقِّيتَهْ وَخْرَجْتْ سَالِمْ

وْحَاذِيتْ الوَادْ المُسْرَارْ .........مِنْ دَاخْلَهْ الله عَالِمْ

نِتْفَادَى جْمِيعْ الأَضْرَارْ...........لَانُغْرِقْ لَا نُصْبَحْ نَادِمْ

هَالْوَادْ لْقِيتَهْ غَدَّارْ...............مَاخِذْ أَوْصَافْ بْنَادِمْ

شَقْلَابْ مِتْغَلِّفْ بَاسْرَارْ.........شَكّايْ وْهُوَ الظَّالِمْ

يِفْرِشْلِكْ الأَرْضْ نَوَّارْ ...........وِالشُّوكْ هُوَ القَادِمْ

يْنَزْلْكْ لِعْمِيقْ الأَبْيَارْ............وْيْنَحِّي جْمِيعْ السّْلَالِمْ

عبدالسّتّار زرّوقي
28_02_2012