نا عايش بخشميOK

نا عايش بخشمي *** وعمرو راسي ما يدنكس

لاني ظلّ غيري *** لانمشي وراه ولانلحّس

نا بخشمي نشم *** من يشكر فيّ ويذمّ

مخالطها حْوُمْ *** نفهم كل مِنْ يْكُحّْ ويعطس

لانوطّي للغير راسي *** لانكتم قدّامو أنفاسي

خماسي في أسداسي *** عوّام من غير مانغطس

عايش برقّة وإحساس *** هكّة مع كلّ النّاس

مرفوع الرّاس *** علمي عمرو ما ينكس

لانسقّط راية *** كلّ واحد نقراه قراية

كلّي دراية *** خبرة مع كلّ الأجناس

عبدالسّتّار زرّوقي

2012/02/11