عبد السّتّار زرّوقي

تْعَدِّيتْ عْلَى وَادْ هَرْهَارْ ........شَقِّيتَهْ وَخْرَجْتْ سَالِمْ وْحَاذِيتْ الوَادْ المُسْرَارْ .........مِنْ دَاخْلَهْ الله عَالِمْ نِتْفَادَى جْمِيعْ الأَضْرَارْ...........لَانُغْر ِقْ لَا نُصْبَحْ نَادِمْ هَالْوَادْ لْقِيتَهْ غَدَّارْ...............مَاخِذْ أَوْصَافْ بْنَادِمْ شَقْلَابْ مِتْغَلِّفْ بَاسْرَارْ.........شَكّايْ وْهُوَ الظَّالِمْ يِفْرِشْلِكْ الأَرْضْ نَوَّارْ ...........وِالشُّوكْ هُوَ القَادِمْ يْنَزْلْكْ لِعْمِيقْ الأَبْيَارْ............وْيْنَح ِّي جْمِيعْ السّْلَالِمْ عبدالسّتّار زرّوقي 28_02_2012

جميلة الدّنيا بجمالك............لمّا للكون تتبسّم نستنّى طلوع هلالك.......ياإبني يا أجمل رسم عبدالستار زرّوقي 2012/02/28 2012/02/28

غَايِضْنِي حَالِكْ يَا بْلَادِي ____ يَا وَكْرِي يَاحُضْنْ أَوْلَادِي أَرْضْ البَرْكَة أَرْضْ الخِيرْ ____ يَا تَعْبِي يَا عْرَقْ أَجْدَادِي عَرْضُوكِ اليُومَ فِي السُّوقْ ____ السَّمْسَارْ يْدَلّّــلْ وِينَادِي بَاعُوكِ فِي رَمْشِةْ عِينْ ____لاَ سْــتـَـنّـُوا سُومِي لَامْزَادِي قِــفْــلـُوا عْـلِيكِ بِينْ أَسْوَارْ____ خَـلّـونِي هَايِــمْ انْدَادِي لاَبَابْ مَفْــتُوحْ لْزُوَّارْ ____ لَا نِقْدِرْ نْهَـنّـِى عْلَى اكْـبَادِي دَقّـُّـواعْلَى لُوحِكْ مِسْمَارْ ____ شَغْشِبْنِي طَوِّلْ فِي سْهَادِي طوّل بيّ الإنتظار ____لهّبني شعّلّي أفّادي رْمُوكِ فِي سَامُورْ النّـَارْ____ دُخّـَانُو فِي لِيلِي بَادِي غَطّـُولِكْ شَمْسْ النّـَهَارْ___ تـْحَوِّلْ بْيَاضِي لِسْوَادِي ذَبّـِلْ غُصْنِكْ بَعْدْ خْضَارْ____ وْطاح الكـَافْ فُوقْ الوَادِي صُحْتْ جْرِيتْ فـَزَّعْتْ الجَارْ ____ نَادِيتْ اللِّي هْنَا وْ غَادِي شفنا وقيّمنا الأضرار ____ نلقى سوقو ضربه كسادي كل اللّي بنيناه انهار ____ قابل ميعادو ميعادي هجمنا كسّرنا الجدار___ حبّك يا وطن مرادي توحدّنا يمين مع يس...

-------------------------------------------------- عقلي بيك مشغول === أنا ليك على طول شنوّة اللّي خلاّني === بين صعود ونزول هوايا هو هواك === قلبي سعيد معاك لو في يوم أنساك === يبقى موش معقول رمش عيونك جارحني === بين أهدابو سرّحني لاحن ولا رتّحني === ياما عليه نقول لوتجري دمعاتك === على خدود ورداتك نكون أنا آهاتك === سهدي معايا يطول نتمنّى نحوزك === نولّي نوّار لوزك ساعة وقت بروزك === فيها نصول ونجول ياشاغلني هواك === سمّيتك ملاك في كلّ مرّة نراك === حزني منّي يزول نكتب فيك قصيدة === لمّا تكوني بعيدة نبداها بتنهيدة === دمعي فيها سيول في بعادك نحتار === للوحدة نختار نعدّي ليل ونهار === لانذوق ميكول ياالفجر الوضّاح === يابسمات صباح ثغرك القدّاح === كالسّيف المسلول ياقمرة في ليلي === إنت لي قنديلي في غيابك ياويلي === تتساوى الفصول عقلي بيك مشغول === أنا ليك على طول شنوّة اللّي خلاّني === بين صعود ونزول ** عبدالسّتّار زرّوقي القيروان 2012/02/27

غَـيَّــرْنَا وْ مَا تـْغَـيَّرْنَاشْ === عَـبّـَرْنَا  وكْلَامْـنـَا مَا وْفَاشْ قـُلّـِي شْنُوَّة اللِّي مَازَالْ === يْخـَرَّجْنَا مِنْ هَذَا الحَالْ لْسَانْ سْكُوتْنَا زاد طوال === سألونا ما جاوبناش قلّي شنوّة تغيّر فينا === تغيّرنا و نسينا ماضينا تلهينا جارالزّمان علينا === تحكمنا بعصابة وأوباش قلّي شنوّة اللّي غيّرنا === اللمّة زاد ما بعثرنا فمّاشي واحد ذكّرنا === بتاريخ وماضي ماتنساش التّغيير غار علينا فرّقنا === ياما كذب وصدّقنا الميّت مازال يلاحقنا === تقول حييناه ما دفنّاش قَصِّينَا الرَّاسْ مَانِشْفِتْ العْرُوقْ === حْفَرْنَا وْمَابْنِينَاش الفُوقْ كِيفَاشْ نِبْنِي وِالمَكَانْ مَحْرُوقْ === عَشِّشْ فِيهْ البُومْ وِالخُفَّاشْ تْقِلْبِتْ الأَدْوَارْ وْهذا الحَالْ === تْزَيَّفِتْ الأَخْبَارْ وْتْقَلِّبِتْ الأَحْوَالْ رْقِدْ الخَدَّامْ وْفَاقْ البَطَّالْ === والوَزْغَة لبست ثُوبْ احْنَاشْ ماندري هالباب وين يهز === ولا هالعركة امتى تتحز كل واحد بجلمه يزز === داخل في نطيح  اكباش نا احترت وحار  دليلي === واحترقت الشمعة الضّاوية في ليلي...

هجرت وهان عليك ودّي === ونسيت منّي اللّي كان وانااللّي كنت امدّلك يدّي  === وامسح عليك الأحزان داريت  وحفظت عهدي  === يشهد عليّ المكان  صنتك في غربتي وبعدي === وغمّضتلي الأجفان على كل طريق بيودّي === مفتوح للشّيطان تشهد عليّ ليالي سهدي === وسنين الحرمان والزّمن اللّي وقف ضدّي === ولا كأيّ زمان كنت كثير أشوف وأعدّي  === وكلّ ده علشان ملبسش ثوب مش قدّي === ولا أكون في يوم ندمان و كل من كان ندّي === طاير على الأغصان ياما عدّيت ساعاتي لوحدي === هايم بيك ولهان روّحتلك أسابق وجدي === أذوب بين الأحضان لقيت شوقي جمّدو بردي === وخمد فيّ البركان لمّالقيتك لغيري بتشدّي === و بتترجّيه كمان يزرع الشّوك مكان وردي === ويمسح  الألوان بعيني ريتك تهدّي === حطّمتلي البنيان اللّي بنيتو بعرقي وجهدي === وأقول البعد هان اتاري بنيت صرح صدّي === وعلّيت سور البهتان وأنا اللّي كان منايا وقصدي === أكسب بيك الرّهان لو تسأليني يكون ردّي === يامرأة مافيك أمان معليش تجربة وتعدّي === هنشوف مين النّدمان هييجي يوم فيه تتهدّي === وموش هتلاقيلي عنوان تتمنّي تكسبي فيه ودّي === وتقولي ياريت الل...

يادنيا باللّه يزّيني............احترت فيك وحيّرتيني ناس تدّيها الأمان.........وانا ضايعة فيك سنيني يادنيا علّمتيني ......... أصبر علّي راح صبرت وماواسيتيني......غرّقت لي الأجراح يا دنيا أنا صدّقتك .......... وماكذب اللّي قال يامصدّق الأيّام ......... تورّيك المحال

يَادُنْيَا بْصَبْغَة وْأَلْوَانْ يَادُنْيَا بْصَبْغَة وْأَلْوَانْ === وْوُجُوهْ مِتْنَكَّرَة صَمْتِكْ مَيَّلِ المِيزَانْ === أَفْوَاهْنَا مِتْسَكَّرَة فِينْ بَرِّ الأَمَانْ === وِبْحُورِكْ مِتْعَكَّرَة ْلَاحُبْ.. لَاحَنَانْ === قْلُوبْنَا مِتْحَجَّرَة أََلْحَانْنَا أَشْجَانْ === وِخْطَانَا مِتْعَثَّرَة نِسِينَا اللِّي كَانْ === تَارِيخْنَا المَفْخَرَة صِرْنَا بِلَا عُنْوَانْ === وْجَفَّتِ الحُنْجُرَة تَايْهِِينْ وِسْطْ المَكَانْ === أَفْكَارْنَا مِتْبَعْثَرَة ضَاعَتْ مِنَّا ْالأَوْطَانْ === تْبَاعِتْ لِلسَّمْسَرَة  وِرَهَنَّا السِّيفْ وِالْحِصَانْ === فِي غْيَابِكْ يَا عَنْتَرَة وِتْغَيّبْ فِينَا الإِنْسَانْ === سَكَنْ المَقْبَرَة نَدِّدْنَا.. كْتِبْنَا البَيَانْ === وِكْلَامْنَا ثَرْثَرَة عبد السّتّار زرّوقي   2012/02/15 http:// abdnaczarzit.blogspot.com/2012/ 02/ 20120215.html?zx=3631bac44bc82f a5 http://65.99.238.12/~alngar/ vb/blog.php?b=491 http://kenanaonline.com/users/ ZarroukiAbdstr/posts/382093 ...

نا عايش بخشمي *** وعمرو راسي ما يدنكس لاني ظلّ غيري *** لانمشي وراه ولانلحّس نا بخشمي نشم *** من يشكر فيّ ويذمّ مخالطها حْوُمْ *** نفهم كل مِنْ يْكُحّْ ويعطس لانوطّي للغير راسي *** لانكتم قدّامو أنفاسي خماسي في أسداسي *** عوّام من غير مانغطس عايش برقّة وإحساس *** هكّة مع كلّ النّاس مرفوع الرّاس *** علمي عمرو ما ينكس لانسقّط راية *** كلّ واحد نقراه قراية كلّي دراية *** خبرة مع كلّ الأجناس عبدالسّتّار زرّوقي 2012/02/11

برد الشّتا وبرد قلبك...........الإثنين ياسر عليّ واحد جمّدلي جسمي.......والثّاني طفّى النّار اللّي فيّ **عبدالسّتّار زرّوقي 2012/02/08

يَامَا إشْتَقْتِ لْنِسْيَانِـــكْ ......لَكِـنْ قَلْبِــي يَهْـــوَاكْ سَاكِنْ رُوحِــي عُنْوَانِــكْ.......عِينِي تْمَنِّت ْلُقْيَـــاكْ هَمْسِ الْلِّيلْ مْنَ ألْحَانِكْ.......قَطْرِ الْفَجْرِ مْـنِ دْوَاكْ وَانَــا تَــايِهْ فِـي جْنَـانِـكْ.......يَا طِيبَ الْوَرْدِ نَا فْدَاكْ https://twitter.com/abdnaczarzit/status/585550881602596865 **عبدالسّتّار زرّوقي

في بالكم قمتو بالثّورة ==== ياخي كشفت ليكم عورة بلادكم اللّي تغتصبوها === مازالت في وقت الدّورة واحد شادد من اليدين === الثاني يكتّف في السّاقين الثالث طلّع السّكّين === هذي ناس متهوّرة ادّاولتو عليها بالواحد === حارسها وحاكمها شاهد قطّعتو صدرها والنّاهد === من دمها الشربات مفوّرة بولحية يحبّ الملابس === بوبلّوطة على فخاذها كابس العلماني بالحيلة ودسايس === يلوّج على حاجة مدوّرة الملحد حاجتو بالرّاس === يضرب ويقطّع بالفاس يبغيها تلفظ الأنفاس === لامدينة ولا منوّرة اغتصبوها وهي نافس === وقلتو عليكم الفقر كابس نزعتو عليها الملابس === عمايلكم ماهيش متصوّرة حبّيتوها وقسمتوها === وكيف ماشتهيتو رسمتوها  الأوراق الكل بصمتوها === تونس لاتبقى متطوّرة عيب عليكم يا أنذال === يامن تدّعيو النّضال حسابي معاكم مازال === عمايلكم في البال مصورة *عبدالسّتّار زرّوقي 2012/02/06

يَا مْزَيْنِينْ المَوَايِدْ...........كِيفْ كُلْ العَوَايِدْ تَاكْلُوا بِالشْفَا ...............تَهْضْمُوا بِالهْنَا بَعْدْكُمْ وَاللهْ زَايِدْ يَا مْكَبْرِينْ الكْرُوشْ..........بِالكُسْكْسِي وِالعَلُّوشْ زِيدُوا شْوَيَّة بَبُّوشْ ..........نَامُوا وْمَا تِصْحُوشْ عْلِيكُمْ اللهْ رَايِدْ دِيمَة الهَمْ هَمْ ...............هَذَا لْحَمْ وْهَذَا شْحَمْ لاَشَيْ مِنْكُمْ يِسْلِمْ.........عْلِيكُمْ شِهْدِتْ الأُمَمْ تِنْشَرْتُوا فِي الجَرَايِدْ وِانْتُمْ يَا غَلَابَى .............قْدَرْكُمْ تْعِيشُوا فْ غَابَة بِينْ الأُسُودْ وِالذِّيَابَة..........مَنْعُوتِينْ بِالسَّبَابَة تْنَصْبِتْ لِيكُمْ المَصَايِدْ عِشْتُو حْيَاتْكُمْ فُقَرَا ........لَاحَدْ فِيكُمْ يَقْرَا لَانَاقَة لِكُمْ وَلَا بَقَرَة .............. وَلَافِيكُمْ مْرَا شَقْرَا تِجْلِبْ لِيكُمْ النَّسَايِبْ بْيُوتْكُمْ اللّيِ عَرَقْ وْ طِينْ ..... لَاخُبْزْ فِيهَا لَاعْجِينْ لَافِيكُمْ كـْتِفْ سْمِينْ ....... غِيرْ اللهْ المُعِينْ بَاعُوكُمْ مِنْ غِيرْ مَزَايِدْ مَاعِنْدِي لِيكُمْ عَصِيدَة ......

وتلاقينا بعد سنين ودقّات قلوبنا تسبق خطانا وبقت الذكرى حنين نطفّيه ساعة لقانا وصافح قلبي قلبها وسبق منديلي دمعها وبين عناقنا صرخ الأنين كان كلّو جمر كان طعمو حلو ومرّ و ذاب الطّريق من بكانا. وبقينا طايرين من غير ما نفارق مكاننا وسرنا واحنا موش سايرين أتارينا سابحين في احضاننا ومات فينا الألم وانعدم فينا النّدم والدنيا بقت أحلى نغم تعزف أوتارو جوّانا نغم (....)...........................................................**عبدالسّتّار زرّوقي 2012/02/02

لو كان حبّك شكلا هندسيّا ..لآخترت أن يكون دائريّا ....لأكون أ شعاعا  له ومحورا......فلن يدور قرص هواك إلاّ حولي.... * عبدالسّتّار زرّوقي القيروان 2012/02/01

لقد هرمنا وماتعلّمنا....وعلمنا وما عملنا.....فأيّ عمر هذا الذي مضى......وأيّ زمن هذا الذي بنا انقضى....وأيّ وطن هذا الذي بنا قد ارتضى..........لازلت هنا. **عبدالسّتار زروقي 2012/02/01