ان كانك كتبت الشعر إكتب ذاتك .. ما تكون كاين كان بين ابياتك
كون الشاعر ..................... وانسج عواطف صدق بيهن شاعر
ما تكون يا شاعر عديم مشاعر .. او شخص ثاني شايفه فحياتك
اكتب نفسك ............................ واطلق عنان القول وصّل حسك
.... واكتب مواقف مالصميم تمسّك .... وجمّل كلامك بس ببصماتك
.... ماتكون كي جملة عرب تتمسك..باحساس غيرك يا وخي تهاتك
احساسه وحسك.....................اكتب وحسس زول منهو حسّك
واحساس كل الناس بيه تمسّك..............ولياعهم عبّر وعالوعاتك
ما تكون حسّك بيه بس متمسّك..الناس عندها عبرات كي عبراتك
وعبّر واشعر والنفس نفسك................وانزف دواه الجرح في شطراتك
اكتب همك ................................ واكتب هموم اللي صحيح ايهمك
كيف صاحبك كيف خوك كي بنعمك..باسلوبك الخاص و منهجك وآهاتك
ما تكون في شعرك الناس اتذمك ....... من ميح غيرك تستفيض قناتك
اكتب شوقك ..... وخلي مداد القول نبع عروقك
وزلزل اركانه يا وخي ببروقك ..... واضرب معاني الفهم بطلقاتك
اذكر غلا غالي مغلي سوقك ..... واذكر حنين قديم سر غناتك
نزيف اقلامك...........................يهوّن ع المجروح فرّغ رامك
وجلّي عليهم وهمهم واوهامك...وطفّي لهيب النار بقطراتك
وداوي بها الآآمهم والآآمك...وانسج خيوط الامل من كلماتك
لمّ مكامن ............................. غيرك وباحساس العباد تضامن
توارد خواطر لو قبالك حامن ........مش عيب مادام القصيد عباتك
ومامن قوافي عالزيادة صامن.. قوافي الكزوز سبب في معاناتك
داوي همّي............................وهمّك وهمّه وهمّنا يا عمي
وفرّج غمومك يا عزيز وغمّي..........غمّت علينا كيف ما غمّاتك
وان كان سالت دمع انا بدمّي..جت قاطره م العين كي دمعاتك
وما القيت من جفف مديدي وكمي..يا جرح انزف لينهار مماتك
اثبت شانك ...................... واطلق صروعه ما اتعِن حصانك
واكرب اطناب البيت في بنيانك ... خير من الريح اتهلع رواقاتك
قزول كلامك عدله ميزانك .. علي هيبتك ما تخيل غير عباتك
اكتب بيدك ........................... وخلي أفكار العقل هي مديدك
وترجم كلام القلب وسط وريدك....... وعبر بحلو القول عن اهاتك
وخلي كلامك كيف صفوت نيتك...واصدح بقول الحق ف مناجاتك
واعكس اللي تقوله على بيتيتك..وعبر بعمق الحس في كتاباتك
انزف دم.....................................يا جرح دمك مختلط بالسم
برمت الدنيا زايداتك غم...............يا وجع قلبي رهينها سمّاتك
ويا وجع قلبي مالقيت عشم.........كواتك الدنيا وناسها خلاتك
إكتب روحك ............................... وداوي جروحك من قوافي بوحك
بعيد عن عشيشات الطيور صروحك..ابنيهن وثبت ع المهمل درجاتك
خطوة بخطوة في مجال طموحك ........ تلقي احلامك حققن غاياتك
نبع لسانك ............................ حصانك ولو صنته بشدة صانك
والقول يبقى يا عرب عنوانك .... داوم على التمييز في خطواتك
فبحر القوافي راسية شطأنك ......... واضح وخايل يا عزيز ثباتك
ارخي العبره.............................مادام جرحك ما نفع فه جبره
واطلق انين الجرح بالك تبرا..........ومادامها هالناس ما نفعاتك
عيّط وسرّخ يا رهين بنبره..........بالكش تلفى صرختك بسماتك
اكتب فيضك .......................... ومش عيب لو تكتب فيوم نقيضك
واكتب عاللي ياوخي يغيضك ...... واكتب عاللي في الخفا كاداتك
واكتب مواجع قاهرك وعضيضك ..واكتب على اللي بنارها صهداتك
اكتب جرحك .............................. واكتب عاللي رافقك في فرحك
واكتب عاللي يهدلك في صرحك ..... واكتب على اللي لتو ما واتاتك
واكتب عاللي خالفك في طرحك....واكتب عاللي يعيب في حكاياتك
اكتب قولك.........................وقول من عجز عالقول سلّم زولك
بإحساسهم يا زين يحتاجولك......الناس يا عزيز بشوق لكتاباتك
وكل ما كتبت الشعر را يقرولك...وما انظن تبخل يا عزيز خواااتك
ان كانك كتبت الشعر إكتب ذاتك .. ما تكون كاين كان بين ابياتك
...............................................................