ياما نصحتك ماتشتكيني

درّت بلا تحنين ,, وين ما طروا غايب عليها سنين

درّت بلا تجّدا .... // .... ودرّت بلا تحنين ومناجا
ودرّت تبي يهوّن عليها الدا ..... // ..... لين انعمت يا خوي درّت لين
نزح بيرها ماعاد وسطه ما ..... // .... بلا دمع يتقاطر بدت العين
تقمطر الماقي بلا دموع وفا ...... // ..... الا دم حازته عروق تنين
بكت دردرت دمٍّ معاها صفا ......// ..... وغيّابها اطّاول معاها البين

غيّابها ما نشّدو .... // ..... بلا حنّ شّدو رحيلهم وتعدّو
بلا روف قلب الود بيه تغدّو ..... // .... خدو بينهم ما عرفت ليش ووين
وجوه جاحدة وجباه ما يتندّو .... // .... يا طيف حرف الحاء مانك زين
يا دموع ما عادش عليه تهدّو ..... // .... بلا دمع ياعيني صفيت حزين
درب الخلا شدّوه ما تنردّو .... // ..... ماعاد ليكم في الغياب حنين

ماعاد ليكم ذكرى ..... // ..... وماعاد ليكم طيف نا نفتكره
والحر ماعمره يهاجر وكره .... // .... مانيشني ذلّال كي لخرين
وما نيشني ضنوة ربت عالمكرة .... // .... نسلي اجواد ومنشأي من طين
عالعيب والدناوة منشأك عالحُكّرة .... // ... دير مابدلك يا عديم الدين
مشكي اوراق الوقت دامك عكّرة .... // .... وشوف في غيابي بس كيف تشين