لِفْرَاقْ طَالْ وِ الْقَلِبْ يِتْسَوِّلْ

عْلَى اعْتَابَهَا مَايِرِيدْ يِـتْحَوِّلْ

عَالْبَالِي يُومْهَا كَانْ خَارِجْ يِتْجَوِّلْ

كِي شَافَهَا طَالَ غْيَابُو وْطَوِّلْ

نَادِيتَهْ يَاقَلِب ْمَايِصِيرْ تِتْبَدِّلْ

خَشِّ الْخَلَى وْزَادْ كَثِّرْ عَالْأَوِّلْ

مِنْ يُومَهَا لَا سَمَعْ لَا تْمَهِّلْ

لاَحَنْ ْوَطَلْ وْلَا عَلَيَّ يِسْأَلْ

خَلاَّهَا عْيُونِي دَامِعَة تِتْذَبِّلْ

يَاقَلْبِي هَيَّا ارْجَعْ لِيَّ عَجِّلْ

لاَيفْيِدِكْ حُبْ عَلَى السَّرَابْ يْعَوِّلْ

هَذَا مَاهُو الْعِشْقِ انْتَ تْهَوِّلْ

يَاقَلْبِي اللِّي تِحِبَّهْ رَاحْ وْحَوِّلْ

خَذَا الْغَرَامْ وْخَلَّى جَمْرِكْ يِشْعِلْ

تَحْتْ الشَّمْسْ الْحَارِقَة تِتْظَلِّلْ

لاَ الْبَرْدْ يِطْفِي لَا الْمَطَرْ ايبَلِّلْ

هَجْرِكْ زَادْ فِي شِقَايَا وْمَوِّلْ

مَكْتُوبْ رَبِّي عَالْجِبِينْ مْسَجِّلْ

لاَ الْحُكْمِ عَنْدِي وْ لَا نِقْدِرْ نِتْقَوِّلْ

عبداتلستار زرّوقي

القيروان

21/05/13 05:42

عبد السّتّار زرّوقي