عبد السّتّار زرّوقي

آشْ لَزْنِي نْحِلْ فِي بَابْ / هْوَاهْ خَلَّانِي نْعَانِي بَابْ الحُبْ خَدّاَعْ كَذَّابْ / يَا دَاخْلَهْ رَاكْ فَـاِني مِنْ غَدْرَهْ شَعْرِي شَابْ / تِـبْهِتْ وَقْتْ مَا تْرَانِي عُودِي كَانْ أخْضِرْ خَلاَّبْ/ وِالثَّمْرة دَانِيَة عْلَى أغْصَانِي صَرْفِقْنِي رِيحُو الشٌقْلَابْ / طَيَّحْنِي مْعَ التّْرَابْ سْوَانِي لاَ خَلَّى سِنَّة وْلَانَابْ / نَاكِلْ فِي رُوحِي دَخْلاَنِي أَلَّفْلِي قِصَّةْ عَذَابْ / وَانَا البَيْ فِي زْمَانِي فِي بَالِي حَاذِقْ مِصْوَابْ/ والدِّنْيَا وَاقْفَة تَرْجَانِي رْهَنِّي دَاخِلْ سِرْدَابْ/ لاَ طَلْ عْلَيَّ وْ لاَ جَانِي حَدِّثْنِي بِلسَانْ مِرْطَابْ / بِدْخُولْ الجَنَّة هَنَّانِي كْلَامَهْ وِلْبَاسَهْ جَذَّابْ / صَيَّادْ بِسْهَامَهْ غْزَانِي مَكَّارْ وِالطَّبْعْ غَلَاّبْ / مَاشِي فِي بَالِي يَهْوَانِي عَايِشْ فِي حْيَاتِي سِنْجَابْ / قَـرَّاضْ لِخْضَارْ السّْوَانِي خَلاَّنِي فِي بَحْرَهْ مُصَابْ / لَا قْتَلْنِي وْ لَا دَاوَانِي لاَ نَعْرِفْ مَاكْلَة وْ لاَ شْرَابْ / عَيِّشْنِي عْلَى دُخَّانِي آشْ لَزْنِي نْحِلْ فِي بَابْ /...

اليوم كملو الاعوام العشرة........و في جاشي هاجت الذّكرى على رحيل طيّبة العشرة.........البارح واليوم و بكرة  أمّي هي مثيل الشّجرة........ هي النّخلة ومنها التّمرة مهما تعدّوا عليّ أيّام.......ومهما مرّوا عليّ أعوام في قلبي ليك طيب مقام......نا غرسِكْ و خيار الثّمرة في كبري انا محتاجك ......مثيل صغير يراجي علاجك فوق راسك درتيني تاجك.......لا ترضِي تلاغيني غبرة وين أيّامك آه يا (حليمة)....... والبسمة على فمّك ديما كنت لي حكيمة و فهيمة.......تواسيني من أوّل نظرة عمرك مارضيتيلي مضرّة......يا مدخلة على قلبي مسرّة تمدّي الحلوة ..تخبّي المرّة.....بيك جروحي تشفى و تبرى لا عمري شقيت بدعواتك.......ويديك اللّي تمدّوا في صلاتك ياما نجدوني في حياتك......هم  في ثنيتي حلّوا مجرى نطلبلك الرحمة يا امّي......ندعيلك بقلبي وفمّي لا تشيلي في قبرك همّي....لا عمري نجيبلك مضرّة ----------------------------------------------------- الإهداء/ إلى روح أمّي العزيزة ( ربح زرّوقي) ----------------------------------------------------- بمناسبة مرور عشر سنوات على وفاتها- رحمها ...

كل بنات القيروان شاعرات....فان لم يقرضن الشعر.....فقد نظم الشعر من اجلهن... عبدالستار زرّوقي 2013/02/25

أَحِّيتْ قـَلْبِي وْجَعْنِي......تِكْـــوِيتْ مِنْ حَرْ دَايَا عْلَى الآهْ يـْبَاتْ مْفَزَّعْنِي....نِـــشْـكِي وْلاَ مِنْ مْعَايَا نِسْتَاهِلْ ..آشْ مْرَجَّعْنِي.......لِـتَـْرَابِكْ يا مـَـنـْـبـِتْ عْدَايَا عَامِينْ وْهُوَ مْضَيَّعْنِي........هَايـِمْ فِي مَفْرِقْ ثـُـنـَايـَا القـَلـْبْ مُضَامْ مْلَوَّعْنِي......ضَايَعْ جِسْمِي فِي كْسَايَا يَا لِيتْ شْكُونْ يـَصْفَعْنِي ....نـْحِسْ بِصُبْحِي وْ مْسَايَا لا عَادْ  نْدَمْ يـِنـْـفَعْنِي....وْ لَا تـْـفـِيدْ فِيهْ الوْصَايَا لـَوْ كَانْ مَرَّة يْطَاوَعْنِي......نـِغْـبـِرْ نــَنْسَى اللّي وْرَايَا عبدالستار زروقي

يَامَالِكًا لِلْقَلْبِ هَلْ ِمنْ نَظْرَةِ / تُشْفِي عَلِيلٍ ذَاقَ شَوْقًا مُوجِعَا إِنَّ الْقُلوُبَ لَا تُطِيقُ هَجْرَهَا / حَتَّى وَلوْ ِفي الْعَيْنِ كَانَتْ مَوْضِعَا عبدالستار زروقي 2013_02_22

7 ـ البحر الرَّجز http://www.elibrary4arab.com/ebooks/arabic/arood-qafeya/rajaz.htm مستفعلن_مستفعلن_ مستفعلن===مستفعلن_مستفعلن_مستف علن مستفعلن_مستفعلن_ مستفعلن===مستفعلن_مستفعلن_مستف علن يامالكا للقلــب هل من نظرة === تشفي عليـلٍ ذاق شوقا موجعا مستفعلن_متفعلن_ متفعلن===مستفعلن_مستفعلن_مستفعـ لن ان القلو_ ب لا تطي_ق هجرها===حتى ولو_في العين كانت موضعا

يَا زَائِرَ القَيْرَوَانِ مَهْلًا   أَلَا فَسَلِّمْ عَلَى رُبَاهَا        فَالعَيْنُ مُشْتَاقَـةٌ لِمَرْأَى   دِيَارِهَا قـَبْلَ أَنْ تَرَاهَا وَالقـَلْبُ يَرْنُو لِلـَـثْمِ أَسْـوَا  رِهَا وَمِنْ ثـُمَّ مَنْ بَنَاهَا عَرِّجْ عَلَى مَسْجِدٍ وَأَلـْقِ  تَحِيَّة ً طَاوَلَتْ سَمَاهَا  وَانْعَمْ بِطِيبِ الهَوَاءِ دَوْمًا  يَفُوحُ مِنْهَا عَلَى مَدَاهَا وَابْعَثْ لـَنَا مِنْ بَخُورِأَسْوَا   قِهَا عُطُورًا وَمِنْ َشَذَاهَا  لـَوْ َأنَّ لِي أَجْنُحًا جَنَحْتُ  إِلَيْكِ يَا قَيْرَوَانُ وَاهَا هَلْ ِمنْ سَبِيلٍ إِلَيْكِ يُرْسِي  بِنَا عَلَى وِجْنَـتَـيْكِ آهَا  مَاعَادَ لِي أَنْ أُطِيقَ صَبْرًا  حَبِيبَةً مَالَنَا سِوَاهَا يَاحَادِيَ العِيرِسِرْهَـنِيئًا   لـَكَ الْـمُعِينَاتُ  فِي ثـَرَاهَا نَمْ وَاسْتَرَحْ بَيْنَ قَوْمِهَا مَا   تَخِيبُ فِيهِمْ وَمَا تُضَاهَى القَيْرَوَانُ ...

الـــقَيْـــرَوَا نُ بِــلَا دِي لَسْتُ أَتْــــرُكُـهَا___لِمُفْسِدِينَ وَإِنْ كَانَـْت لَهُمْ وَطَنًا يَامَوْطِنًا عَشِقَتْ رُوحِي تُرَابَهُ لَا _______ بَدِيلَ عَنْكَ يَكُونُ الأَرْضَ وَالْمُــدُنَــا هُبُّوا إِلَى وَطَنٍ مُسْتَنْجِدٍ بِكُمُ _________أَلَيْسَ فِي بَلَدِي مَنْ يَغْلِبِ الْوَسَنَا لَيْتَ الْمُوَاطِــــــنَ يَحْمِيـــــهَا وَيُنْجِدُهَا__ فَلَيْسَ مِنْ سَلَمٍ لَوْ لَمْ يَكُنْ فَطِنَا عبدالستار زروقي 2013_02_19 http://65.99.238.12/~alngar/vb/blog.php?s=3a9669e09ce1ca8af963b90a99a2591d&b=560 http://kenanaonline.com/users/ZarroukiAbdstr/posts/509098

يَاللِّي إِلِيكْ شَكَى الْحَنِينْ....وْفِي عِينِيكْ صَرَخَةْ أَنِينْ مِهْمَا تِدَارِي عَلَيَّ حُبَّكْ .......يِبْعَثْلِي قَلْبَكْ صَدَى الرَّنِينْ لِيهْ تِقْسِي وِانْتِ........وَلَا يُومْ عَلَيَّ هُنْتِ هَجَرْتِ بَعْدِ مَا كُنْتِ.....هَمْسَةْ قَلْبِي طُولِ السِّنِينْ كَانْ المَاضِي بْيِجْمَعْنَا....وَلَا كِلْمَة وِحْشَة سَمَّعْنَا لِيهْ الحَاضِرْ مَابَقَالُوشْ مَعْنَى..... فِينْ َراحِتْ غَمْزَةِ العِينْ؟ يَاحَبِيبِي النَّهَارْ دَهْ يُومْ عِيدْنَا.....يَلَّا نِفْرَحْ زَيِّ عَوَايِدْنَا مَاتْخَلِّيشْ العِنْدِ يِبْعِدْنَا.......أَهِي وَرْدَة وْقُبْلَة عَالجِبِينْ عبدالستار زرّوقي القيروان 2013_02_13

حدّثوني عن العيد... قلت...انّك عيدي. هم صفّقوا للوطن... وأنا كتبت منك نشيدي زرعوا الأرض بقولا فنثرت فوقك ورودي تحرّروا من كلّ أسر فمددت لك يدي وقلت...أحكمي قفل قيودي قد وجدت كلّي فيك ولست أبليسا كي أفرّ من جنّات الخلود عبدالستار زرّوقي القيروان 2013_02_13

اقرا يا وليدي تواريخي / وقول بلادي يا محلاها العالم ذاق صواريخي / قبل الحضارة مايراها ماعجبك اليوم طبيخي / وغيرك واكل صبعو وراها كيف يهون عليك توسيخي / عوض الصّحّة تقول عزاها لو شفت كراكي وتفريخي / وياما محاين عدّيناها ماكنتش ترضى بتلطيخي / تنظّفلي السّاقية ومجراها ماعرفوا لبرّة توسيخي / تجيني الدّنيا وكل انحاها   ما تعرف كان توبيخي / تقولش ضرّة ماك ضناها عايش فوق منّي مرّيخي / لايهمّك في خلاها وجلاها متجاهل حزني وتكشيخي / لا بسمة منّك انراها ماكل دلاّعي وبطّيخي / ومن يشوفك يقول ماكلاها عبدالستار زرّوقي 2013/02/12

يوم كدنا نموت عطشا للحرّيّة.... سقونا من معين الفتنة..... عبدالستار زرّوقي 2013/02/11

تونس انتي بْلادي واكثر / انْتِي ارْضِي وْفِيكْ نْوَكّرْ انتي أمّي وْ بابا الغالي / وانتي خويا وْ بنْتي البكرْ نَا نَرْضَاكِي تكوني حرّة / مثل الصّقر و مثل النّسرْ جيشك يحمي تراب اجدادي / سُورُو عالي عْلَى مَنْ يَعْبُرْ أمْنِكْ ساهر عْلِينا لْيالي / نرقدْ هاني وْلا نِتْكدّرْ ليهم عندي كْثِيرْ مْحَبّة / بيهُمْ نكبرْ وْ بِيهُمْ نُصْغُرْ نفديك ي يابلادي ديما / وقت الشّدّة وفي كل محضرْ نِسْمَعْ صُوتِكْ وْكان تْنَادِي / نَبْدَا حَاضِرْ وْ ما نِتْأَخّرْ عبدالسّتّار زرّوقي 2013/02/09

كنت أجهل الكثير عن مسرح العرائس....وبصراحة لم أسع لمعرفة ذلك ...إلاّ أنّني  إكتشفت الكثير عنه صدفة وأنا أتصفّح يوميّات مايسمّى  بـ(الثّورة التّونسيّة )...كما صارت لديّ فكرة كبيرة عن كيفيّة صنع أبطال أفلام  الكرتون.... ** عبدالسّتّار زرّوقي 2012/02/08

رَاجَعْلِكْ شَعْبِي يَاتَجَمُّعْ // العِينْ تِبْكِي وِالقَلْبْ يْدَمَّّعْ نَسَّاهْ الحَاضِرْ فِي حْدِيدِكْ // صَارْ صْدِيدُو اليُومْ يْلََمَّعْ وِالفُمْ اللِّي لِيكْ يْعَادِي // ولاَّ سَاكِتْ عْلِيهْ مْشَمَّعْ نَادَاتِكْ يَا شَعْبِي ذْيُوبَهْ // وِالبَاجِي فِي صْحَابُو يْجَمَّعْ يَا نَاسِي افْعَاَلَهْ لَا يْغُرَّكْ // الطَّبْلْ الفَارِغْ إِنْ يْسَمَّعْ الثَّعْلِبْ فِي بَالُو سْمِينْ // لَمَّا شَقُّو لْقَاهْ يْطَمَّعَ عبدالستار زرّوقي 2013/02/02