ياتونسي ركّز و فكّر *** لاتخلّي فكرك امسكّر
الأحزاب تتقاسم فيك *** وانت في هبالك مكثّر
فيق على روحك وشوف *** لايغرّك ضربان دفوف
هذا يدربكلك فزّاني *** وانت تـنقّـز و تتنطّر
غايضي حالي وحالك *** عميان في ظلام حالك
في كل جهة فمّة مهالك *** انت اطّبّل وانا نزكّر
يا متبعّ ثنيّة الأحزاب *** لاك مالخوخة لاك مالباب
في بالك عندك نوّاب *** مين غير ظفرك ليك يحفر
يا تونسي يا بو القلب الطّيّب *** لاتترك برّك مسيّب
إنت لو تمضي في هواك *** غدوة الحزب عليك يتجبّر
**عبدالسّتّار زرّوقي
2012/01/26