OKالبارح حلمت حلمة


ليلة البارح حلمت حلمة...........يا سامعني إن شاء الله خير

 ماشي و الدّنيا ظلمة......برق و رعد و زمهرير

شبحت فوقي ريت كلمة.....واخذها منقار الطّير

كانت كلمة زي الوشمة......منقوشة على قماش حرير

مرسومة في هلال ونجمة......لانعرف كيفها تصاوير

طيرأسود مايعرف حشمة....وانا وراه هازني المسير

في كل خطوة نعمل رشمة......حتّى في رجوعي ما نحير

عدّيت ليالي هاذي الخدمة.....نحرس في الكلمة بضمير

حسّيت  الكلمة منّي لحمة.......نسترجعها مهما يصير


هي عندي مثل الحرمة......عليها نموت عليها نغير

لو تكون فوق الفحمة............لا نتركها في يد الغير

لاشفقة منّي لارحمة...........من دون سابق تفكير

ضربته خلّيته في صدمة........دارت  بيّ العصافير

نقاتل فيهم من غير ندمة.......كي نبيع عليها هناشير

هربوا منّي وسط العتمة.......جرذان خشّوا مغاغير

لقيت الكلمة حاجة عظمى....شي يفوق التّفكير

تونس مربوطة في حزمة......راحل بيها الشّرّير

يبغي يردمها ردمة..........يضيعها  صغير مع كبير

ناديت أولادها الملتزمة......اللّي  شافوا الويلات كثير

حلفوا بكل ماهي حرمة.....يكونوا فرسان مغاوير

عيشي يا بلادي  في نعمة.....نهنّيك بيوم التّحرير

كي انزاحت عليك هالنّقمة......رتحنا من عهد التّغيير

حوّلنا إعصارك لنسمة......اليوم الأعمى صار بصير

خرجت ياتونس م الزّحمة......نهدي لربّانك تقدير

مبروك عليك هاللّمّة.....إن شاء الله ديمة لمّة أهل الخير




































































































































































































المشاركات الشائعة من هذه المدونة

من شربنا للبيبسي والكوكة كرامتنا مدعوكةوأرضنا مابين يدنا مفكوكة_من شربنا للبيبسيمانثبت على اتّجاه كيف التّبسينشعل ونطفى في مثيل السّبسيمابين زوز شفاه لخالتي مبروكةوالفرق واضح بين رخفتك وكبسيمن رخفتك دمنا سال في المسكوكة_من شربنا تبنّنابفلوسنا شرينا مشروبنا وتهُنّاكل من شرب كاثر شخيره ننّا واللّي نهض حرق ب شقفته وفلوكةفي فمّنا القطران قلنا بنّةواللّي رضع الذّلّ صعب تروكه _من شربنا تقرّعناخرجت كشاكش بلنا ورتعناوسط المراعي سارحين وجُعنارغم الحشايش مكدّسة ومتروكة.صراخ اولادنا ف أرضنا وجّعنا نسانا سبايا وأرضنا مملوكة._مانقول البيبسي وحدهاو لايحة البويكوت تو نجبدهاكراهب ودخّان ما نعدّدهاوأجهزة في السوق بالدّربوكةإشهار في التلفاز ما يفقدهاتقول حياتنا بلا ها تتبلوكة_تحرم علي العيشةوتحرم علي مثل هذي حشيشةنرسم وشم ف جبهتي ونقيشةلو كان نشري الماركة المشكوكةبيها عدوّي نافش عليّا ريشةكبر دجاجه وسرح في قمحنا سردوكه_مانقد هذا وحديوشكون غيرك سند لي وعضديخويا وصديقي ولد ريف وبلديمن غدوة تروح من حلقنا هالشّوكةهذي وصيتي لولد ولد ولديكي نعدي بقية حياتنا شكشوكة.