OKإِسْمِكْ أَوْحَالِي بِقْصِيدَة




إِسْمِكْ أَوْحَالِي بِقْصِيدَة
=============
مَابِينْ القَوْلَة وِالقَوْلَة .....فِي كُلْ مَرَّة نِنْزِلْ "جَـــامْ"

نْحِبْ حْكَايَاتِكْ يَا خَوْلَة.....قُولْ وْكَـثّـِّرْ مْنِ الْكْـــلامْ

نْحِبِّكْ يَا خَوْلَة تَحْكِيلِي...كُلِّي لِيكْ شُوقْ وْغَــــرَامْ

إِنْتِ فِي صَمْتِي تَرْتِيلِي..وْأَحْلَى سَاعَاتِ القِيَـــــامْ

كِي نْشُوفْ إِسْمِكْ مَكْتُوبْ..فِي" الفَايِسْ" عْلِيهْ زْحَامْ

فِي كُلْ يُومْ نقول نْتُوبْ......نِبْعِدْ عْلَى كُلِّ الأوْهَامْ

إِسْمِكْ أَوْحَالِي بِقْصِيدَة...أَجْمِلْ مَا كِتْبِتْ الأَقْلـــاَمْ

نَبْدَاهَا بْغُصَّة وْتَنْهِيدَة......يُنْهِيهَا صَمْتِي بْإِحْكَامْ

إِسْمِكْ خَرَّبْلِي تَفْكِيرِي....خْذَانِي مِنّوُ عَ الــــــدَّواَمْ

لَمَّا اِنَّادِي عْلَى صْغِيرِي...إِسْمِكْ يِسْبِقْني لِقدّامْ

إنْتِ يَاخَوْلَة فِي حْيَاتِي....حُزْتِ فِيهَا كُلْ مْقَـــــــامْ

بَدَّلْنِي حَتَّى فِي ذَاتِي.....بْإِسْمِكْ ناَدِيتْ المَــدَامْ

إْسْمِكْ بَهْذَلْنِي وْحَيَّرْنِي...يَامَا عَرَّضْنِي لِمْـــــــلَامْ

إِسْمِكْ وَقَّضْنِي وْسَهَّرْنِي..خْذَا مِنْ عِينِي عِزْ مْنَامْ

**عبدالسّتّار زرّوقي

المشاركات الشائعة من هذه المدونة

OK أرسلّك يا حبيب القلب

أرسلّك يا حبيبي أشواقي=== مع بعض من قلبي الباقي وأقلّك يا طويل العمر  ===كاسي فارغة وانت السّاقي أنتظر منّك تسكب قطرة ===وما تبخل علي من خمرك الرّاقي أنا طول العمر نديمك ...وحبيبك=== ..صاين لودّك وواقي لا تخلّي قدحي يمتلي ===من دمعة العين وحرّ أحداقي وانت تدري أنّي ما أقدر أحكمها لو طالت بي أشواقي *ناصر
قراءة المزيد

OKيادنيا بصبغة وألوان

يَادُنْيَا بْصَبْغَة وْأَلْوَانْ يَادُنْيَا بْصَبْغَة وْأَلْوَانْ === وْوُجُوهْ مِتْنَكَّرَة صَمْتِكْ مَيَّلِ المِيزَانْ === أَفْوَاهْنَا مِتْسَكَّرَة فِينْ بَرِّ الأَمَانْ === وِبْحُورِكْ مِتْعَكَّرَة ْلَاحُبْ.. لَاحَنَانْ === قْلُوبْنَا مِتْحَجَّرَة أََلْحَانْنَا أَشْجَانْ === وِخْطَانَا مِتْعَثَّرَة نِسِينَا اللِّي كَانْ === تَارِيخْنَا المَفْخَرَة صِرْنَا بِلَا عُنْوَانْ === وْجَفَّتِ الحُنْجُرَة تَايْهِِينْ وِسْطْ المَكَانْ === أَفْكَارْنَا مِتْبَعْثَرَة ضَاعَتْ مِنَّا ْالأَوْطَانْ === تْبَاعِتْ لِلسَّمْسَرَة  وِرَهَنَّا السِّيفْ وِالْحِصَانْ === فِي غْيَابِكْ يَا عَنْتَرَة وِتْغَيّبْ فِينَا الإِنْسَانْ === سَكَنْ المَقْبَرَة نَدِّدْنَا.. كْتِبْنَا البَيَانْ === وِكْلَامْنَا ثَرْثَرَة عبد السّتّار زرّوقي   2012/02/15 http:// abdnaczarzit.blogspot.com/2012/ 02/ 20120215.html?zx=3631bac44bc82f a5 http://65.99.238.12/~alngar/ vb/blog.php?b=491 http://kenanaonline.com/users/ ZarroukiAbdstr/posts/382093 ...
قراءة المزيد

ابْعِدْنِي أعْمِلْ الْمْلِيحْ

  كُلِّ النَّاسْ يْمِيحِلِْهَا الرِّيحْ === ِوانْتَ هْبُوبِكْ مْشَبِّرْ ضِدِّي نِتْعَدَّى نْسَلِّمْ وِنْمِيحْ === لْسَانِكْ يُرْقُمْنِي وِيسَدِّي عْلَاشْ فِيَّ شَادِدْ صْحِيحْ === مْكَبِّشْ فِي خْنَاقِي مِتْحَدِّي تْمَيِّـلْنِي وَقْتْ اللِّي تْمِيحْ === قُـلِّي شْنِيَّة حَاجْتِكْ عَنْدِي تِتْهَنَّى وَقْتِ اللِّي انْطِيحْ ؟=== آش تَسْوَى حْيَاتِكْ مِنْ بَعْدِي؟  عَاِشرْتْ امْحَمِّدْ وِمْسِيحْ === لْـقِيتْ مِنِّكْ الفِعْلِْ يْهُودِي لا لِكْ فِي  ذِكْرْ وْتَسْبِيحْ ===  النِّفَاقْ مِنِّكْ يِسْتَجْدِي دِيمَة مْكَثِّرْ مْنِ النّْبِيحْ === تْهَبْهِبْ عْلَى خْيَالْ المِتْعَدِّي لَافَادِكْ مِنِّي تَصْحِيحْ === لَا تْهِمِّكْ مْلَامْة فِي رَدِّي حَدِّثْتِكْ شَعْبِي وِِفْْصِِيحْ === مَا فْـْهِمْتْ الْمَعْنَى مِنْ قَصْدِي لَامُخْ اسْتَوْعِبْ تـَلْمِيحْ === لَا جِلْباَتَهْ إِشَارِةْ  يِدِّي مَرْعُوشْ...الْمَشْيَة بِشْطِيحْ === تُرْقُصْ عْلَى مْقََامْ النَّهْوَنْدِي مُنْشَارِكْ عَنْدُو تَصْرِيحْ  === وَاكِلْ مِنْ لَحْمِي مِتْغَـِدِّي  ...
قراءة المزيد