عبد السّتّار زرّوقي

 خْذِيتِكْ يَاعُودِي وَعْزَفْتْ عْلَى وَتْرِكْ رُفْتْ هَبْطَتْ دَمْعَة بْلُونْ الزِّفْتْ ضَاعْ كْلاَمِي لِيكْ مَا عْرَفْتْ وَقْتْ الْ شُفْتْ  طَاحْ مِيزَانِي عْلِيهْ سِخِفْتْ عبدالستار زروقي

 إمّا ديرك...وإمّا صمت المقابر ================ عالق بين عشق الأمس  بين الصراخ و الهمس بين أفكار تتواتر                                                      أحضن خيالات مضت لازالت تراودني فوق كلّ المنابر  أضغاث تنتابني أصوات تغتابني تكبّلني كقيد الأساور أتأرجح على خيوط شمسٍ أتسلّق  كلّ قبسٍ أتراخى وأناور  بين صدّ ..بين مدّ بين جزر الماضي العاثر وحاضر التّوّ الثائر  كقصيدة أنا.. كيف ..وأين ..ومتى..؟ يكملها شاعر  أنا اليوم..  تخطّيت كلّ قوانين السّير لا..قف.. لا.. تمهّل.. لا..حاذر أمهليني نصف دقيقة أسرد على آلام الماضي إملاءاتي لأسلك طريق الطّير المهاجر  باحثا عن حبّك العصيّ  وقلبي المرمّم فيّ كالصّبيّ يتهادى ..يتمطّى ويجاهر  أنت يا ...أنت...يا ..كلّ المفاخر طريقك وعرة تملؤها العساكر ويقيني..أنّي على شقّه لقادر وإن سدّوا أمامي كلّ المعابر وإن حطّموا كلّ القناطر وإن أطلقوا ورائي كلّ الكواسر سأحطّ على نا...

 ابْنِ الْوَطَنْ عَمَّرْ سِلَاحَه وْ شَبَّرْ / صَوَّبْ عَلَى اهْدَافْهُمْ قُدَّامَهْ مُحْتَارْ فِكْرَهْ خَاطْرَهْ مِتْكَدَّرْ        / يَارِيتَهَا طَلْقَاتْ تِشْفِي غْرَامَةْ  بَالِكْ تِكُونْ هَالْجَالِيَهْ تِتْنَمَّرْ       / وْبَالِكْ عَسَاهَا تْعُودْ مِنْ خُدَّامَهْ يُمْكُنْ تْنُوضِ الطَّاوْسَهْ تِتْبَخْتَرْ   / وْقَدْ مَاتِرُدَّ عْلِيهْ طَلْقِ سْلَامَهْ وْهَاذِي ثَعَالِبْ طَبْعَهَا يِتْنَكَّرْ      / زَايِدْ يِنَشِّنْ صُوبْهَا بِعْلَامَهْ ابْنِ الْجَنُوبَ اصْيَانْ كَانِ امْدَمِّرْ   / فِي الصَّيْدْ عَدَّى كَامْلَاتَ ايَّامَهْ وِينِ الْفَلاَةِ الْقَلْبْ عَاشِ مْسَخَّرْ / الْبِيدْ عِنْدَهْ فِي مَثِيلِ ابْهَامَهْ يِشْكِي الْخَصَاصَهْ دُونَمَا يِتْذَمَّرْ  / نَفْسَهْ عَزِيزَهْ طَايْرَه مْعَ احْلاَمَهْ عَنْتَرْ إِذَا خَشِّ الصَّحَارِي وَكَّرْ     / مِشْكَاةْ تِجْلِي عَ الْمَكَانِ ظْلَامْهَ  كُلِّ الضَّوَارِي فُوقْ مَا تِتْصَوَّرْ      / تَخْشَى حُلُولَهْ عِنْدْ سَم...

 قصيدة مشاركتي في المهرجان الوطني للشّعر الشّعبي بالقصرين الدّورة  43 المحور |  الثقافة درع للوطن الوزن|     بورجيلة مزيود احْرِصْ عَلَى وَطْنِكْ تْشِعْ انْوَارَهْ/ حَرِّكْ خُمُودْ جْمَارَهْ / وِاسْلِكْ طَرِيقِ الْوَعْيْ تِلْهِبْ نَارَهْ _____________________ اْحْرِصْ عْــلِيــهْ بَحـْقِـيقَــهْ _________هِبْ  كِالنَّسَايِمْ  خَرَّجَهْ مِنْ  ضِيقَهْ لَا تَــنْــتَـظِـرْ مَدْحَــهْ  وَلَا تَصْفِيـقَـهْ____وِاعْلَامْ  نَاسِـي  يِـفـْـكـْــرِكْ  بِزْيــَارَهْ فِي  كــُلِّ  مَحْـفِـلْ كون ضَوْ بْرِيقَـهْ____بَارُود ْ وَاقِـــدْ  لِلْفَـتِـيلِ  شْرَارَهْ _____________________ حَــرِّكْ بَقَـايَــــا رْمَـادَهْ__________ وُانْفُخْ  نَفَسْ  كْبِيرْ  فُوقِ  الْعَادَهْ يُمْكُنْ تْهِبْ جَمْرَاتْنـــا الْوَقَّــادَةْ____مِنْ  تَحْتْ  هَامَةْ  رَاقْدَةْ مِخْدَارَهْ بَابِ الْأَمَلْ  مَفْتُوحْ  كِيفْ  الْعَادَةْ____ازْدُمْ وْ خُشْ غيرْ اكْتَشَفْ اغْوَارَهْ ___________...

دَقْ عْلَى ابْوَابْنَا رَمْضَانْ ****عْلَى اعْتَابْنَا وَاقِفْ مِسْتَنِّي . وِهْلاَلَهْ سَاطِعْ مِزْيَانْ **** وَأَرْوَاحْ تْعَانِقْ وِتْهَنِّي . نِتْرَقَّبْ صُوتِ الٱذَانْ **** وِالنَّفْسْ مُشْتَاقَة وِتْمَنِّي . بِالرَّحْمة وْعِتْقْ وْغُفْرَانْ **** فِي الْمَوْلَى مَايْخِيبِشْ ظَنِّي ع/زرّوقي

 شُكْرًا (كورونا) مُمْتَنْ..دِرْتِ لِينَا مْزِيَّة كبيرة جِيتِ و كْشِفْتِ لِخْنَنْ..  كذب الواقع والتخديره وْ زِيفْ الكُرة و أهْلِ الْفَنْ.. وسِيَاسِي خايب تدبيرَهْ هذا وَطَننا اليومْ وْهِنْ..شُفْنا اللّي تْقَدَّمْ بضْميرَهْ شُفْنا اللّي تْألّمْ وِيئِنْ..وشفنا اللّي ساهر في حيرة حْمَلْنا ع الابدان رْزُنْ..على الطُبَّة كْبِسْ صْناتيرَهْ لا ينْفع حطّان قْطُن ..ولا يْفيدَهْ تضميد جبيرة سبيطار يعاني في عفن..حْيوطَهْ وْ بِيبَانَهْ و سْريرَهْ جانا اللّي يِخْبِرْ لُوطَنْ..وِيحُطَّهْ في ورْطة كْبيرة غَابْ العلْمْ وبرْشَة مْهِنْ..وتعليمْ فْقِدْ مْعايِيرَهْ  تْلافِزْ عل الاوذان تْزُنْ...وبرامج تِذْهبْ الشّيرة وبرلماني شاد الكن..تحت القبة سمعنا شخيره والدينار طاعن في السن..شايب وعويناته ضريرة الفم طايح مايكسب سن..يستجدي دولار وليرة ومنهم في القانون يسن..نفخ حناكه ومحاجيره قال غلب عليّا الظن ..كتابكم غالط في تعابيره ولى بالميراث يمن.. سوّى غشّير بغشّيرة الصّحّة خانت كل بدن..حُمّى وكحة وقشعريرة وحطينا عالكتف كفن...كل واحد عاكف في ديره  واليُومَ كِي لْحمْنا نْتنْ..وصِرْنافي وضعيّة...

 هذي عْصابة .. حطّتْ عَ الْعْيُونْ عْصابة النّاس غْلابة حَصْدوا الشُّوكُ  فْ عُوضْ الصَّابَة  هذي عصابة كل واحدْ كشّرْ عنْ  نَابَهْ وهذي عصابة.. ======= غنّي يا طُيور الغابة هذا وْطَنَّا سْقينا تْرابهْ حْمينا سُوره ْ...حمينا جَنابَهْ مْنِ الخَنّابة جانا سِيدْ يْهِشْ كْلابهْ خلّى البَرْ يْعُومْ فِي سْرابَهْ وهذي عصابة... ======= هذي عصابة... حَلِّتْ فُوقْنا مْثيل سْحابة كل واحد  وَاشْ هَزْ مْنَابَهْ شَيْ حْجَرْ وشَيْ ضْبَابَة وشيْ اِدَّرَّقْ سَكَّرْ بَابَهْ رَاضِي بِاللِّي صَارْ وصَابَهْ وهذي عصابة.. ======= هذي عصابة.. بُرْزِتْ كالنَّعْجة المُجْرَابَة فِي سْنِينْ جْدَابَة مَحْقُورَة بِينْ الجَلاَّبَة نْوِينَا الخِيرْ وْكَسْبْ ثْوَابَهْ مْشَى العْمَارْ وْحَلْ خْرَابَهْ وهذي عصابة.. ======= وهذي عصابة.. ممنوعة من الّرقابة فيها زْمِيمْ وْلِيهْ قْرَاَبَة بالرّاعي وبْذِيبْ الغابة وَاحْنَا مَاعِزْ عند انْسَابَهْ مَا نَعْصِي حَضَْرْةْ جَنَابَهْ ======= وهذي عصابة... ع.زروقي