لانعاتبك ..

لَانْعَاتْبِكْ فُوقِ الْعَتَبْ بِعْتَابِي

      وْلَا نْقُولْ لَكْ بَعْدِ الْجَفَى أَهْوَانِي

لَا تَنْشَغِلْ بِي لَا.. وَلَا بِجْوَابِي

            رَاحِ الْغَلَا مِنْ يُومْ رَدَّكْ جَانِي

أَبْكِي لِشِيبِي بَعْد عِزْ شْبَابِي

     حَسْرَة عَلَى مَاضِي وَهَبْتُو لْجَانِي

الرُّوحْ كَانِتْ تُطْلُبُكْ فِي غْيِابِي

             حَتَّى قَلِيبِي سَافَرْ وْ خَلاَّنِي

مَهْمَا أَقُولَكْ وَاحْتَمِي بَاسْبَابِي

         أَلْقَى جَوَابَكْ هَدْ صُرُوحْ كْيَانِي

تَرَى..؟ لَوْ طَرَقْتْ فْ يُومْ ابْوَابِي

          أَخْجَلْ إِذَا عَاوَدْتْ تُطْرُقْ ثَانِي

لُومِي عَلَى مَنْ أَحْسَبُو أَهْدَابِي

        لِسُهْدِي تَرَكْنِي وْ لِلْكَرَى أَهْدَانِي

المشاركات الشائعة من هذه المدونة

OK أرسلّك يا حبيب القلب

OKيادنيا بصبغة وألوان

ابْعِدْنِي أعْمِلْ الْمْلِيحْ