وَرْدْ الثَّوْرَة مَايَذْبَالَ

وَرْدْ الثَّوْرَة مَايَذْبَالَ....مِنُّو مَاتَفْرَغْشْ جْنِينَة

وِتْرَابُو اللِّّي سْقُوهْ رْجَالْ...نَبِّتْ شَجْرَة تْظِلْ عْلِينَا

وَرْدِكْ يَابْلَادِي مَازَالْ...فِيهْ الْعِطْرْ وْريحَة بْنِينَة

لَا تْأَثِّرْ فِيهِ الأَحْوَالْ...وَلاَ تْقِدْ حْصـَادُو مَاكِينَة

يَا الْوَرْدْ السَّاكِنْ فِي الْبَالْ...لِيكْ نْمِدُّوا يِدْ حْنِينَة

عَلْجَالِكْ خَشّينَا جْبَالْ..وْرْكِبْنَا فِي الْبَحْرْ سْفِينَة

مِنْ أَجْلِكْ خُضْنَا النِّزَالْ...لَا عْرَفْنَا هْدُوءْ وْلَا سْكِينَة

عبد الستار زروقي