جْرِيتْ وْرَاكْ فِي كُلْ ثـْنِيَّة

جْرِيتْ وْرَاكْ فِي كُلْ ثـْنِيَّة / قَانِصْتِكْ فِي كُلْ شْوَارِعْ

نْفَرْ صبّاطي مِنْ رِجْلَيَّ / مِنْ يُومْهَا نِمْشِي عَالكَارِعْ

يَاعِينِي وَاشْ صَارْ عْلَيَّ / يَاقـَلْبِي يَاوْ فَاشْ تـْفَاِرعْ

تـَـبَّعْتِكْ غَرِّيتِ بِيّْ / حَمْلِي غْشِيمْ وْذِيبِكْ بَارِعْ

ذْبِلْ وَرْدي المَزْرُوعْ فِيَّ / رْضِيتْ بْشُوكِكْ فِيَّ زَارَعْ

بـِعْتْ أَهْلِي وِمَّالَيّْ / جَا الشِّيبْ لْرَاسِي يِتْسَارَعْ

طْفَى شَمْعِي وِسْطْ لْيَالِيَّ / دُخَّانِكْ في سْمَايَا لاَمِعْ

بكلامي نزهر  العشيّة / يعود اللّيل ليه سامع

..............


عبدالسّتّار زرّوقي
2012/7/31