عبد السّتّار زرّوقي

جْرِيتْ وْرَاكْ فِي كُلْ ثـْنِيَّة / قَانِصْتِكْ فِي كُلْ شْوَارِعْ نْفَرْ صبّاطي مِنْ رِجْلَيَّ / مِنْ يُومْهَا نِمْشِي عَالكَارِعْ يَاعِينِي وَاشْ صَارْ عْلَيَّ / يَاقـَلْبِي يَاوْ فَاشْ تـْفَاِرعْ تـَـبَّعْتِكْ غَرِّيتِ بِيّْ / حَمْلِي غْشِيمْ وْذِيبِكْ بَارِعْ ذْبِلْ وَرْدي المَزْرُوعْ فِيَّ / رْضِيتْ بْشُوكِكْ فِيَّ زَارَعْ بـِعْتْ أَهْلِي وِمَّالَيّْ / جَا الشِّيبْ لْرَاسِي يِتْسَارَعْ طْفَى شَمْعِي وِسْطْ لْيَالِيَّ / دُخَّانِكْ في سْمَايَا لاَمِعْ بكلامي نزهر  العشيّة / يعود اللّيل ليه سامع .............. عبدالسّتّار زرّوقي 2012/7/31

يَا رَايْحَة لِلْعِينْ هَازَّة القُلَّة........يَا رَايْحَة لِلْعِينْ و هَازَّة الجرّة........قلبي قفز في الحين يبغي الجرّة سِحْرُونيِ الخُدِّينْ خْيَارْ الغَلَّة......وْرَمْشْ العِينِينْ تْرَكْنِي وْخَلَّى عبدالستار زرّوقي 2012/7/30 

لو كنت سأطلق صفة " المجاهد الأكبر " على أحدهم....لآخترت لها أبي.....فهو الأولى بها من أيّ كان....وإن لم أفعل ...أكون من   الجاحدين....   عبدالستار زرّوقي 2012_7_29  

عواصفُ كلامهُمْ تمرُّ على مصافِيَ سمْعِي..فَتَشْحَذُ هِمَّتِي..وتَصْقُلُ عزيمتِي....وتَنْحَتُ من شُمُوخِ رَوَاسِيَّ ..جِبَالًا لَنْ تَمِيدَ... عبدالستار زرّوقي 2012_7_30

زَوِّدْنِي بْصَبْرِكْ يَا رَبْ / قـْرِيبْ نَبْدَا نِشْـتِمْ وِنـْـسِبْ   اليُومْ شَافِتْ عْيُونِي عْجَبْ / السُّوقْ خُضْرَة وِالسّـُومْ ذْهَبْ نُخْزُرْ لِلسُّومْ مِتْعَجِّبْ / مَرَّة مْصَدِّقْ مَرَّة مْكَذِ ّبْ كـُلْ مَارِيتُو نـَارْ تـِلْهِبْ / لَا قـْدِرْتْ عْلَى خُوخْ وْلَا عْنِبْ الفـِلـْفـِلْ عَامِلْ بَعْمَالـُو / وِالطّمَاطِمْ تـْقـُولْ وْمَالـُو الزَّوَّالِي يـِبْكِي عْلـَى حَالـُو / الله يِِهْلِكْ مِنْ كَانْ سْبَبْ مَا نِـتـْحَدِّثْ عَاللـّْحَمْ / فـَمّـَة وِينْ يُكْـثـُرْ الهَمْ لَا لِينَا فِي دْجَاجْ وْلَا عْظَمْ /  لِيهُمْ فِي الغْزَالْ عِرْقْ نْسَبْ عبدالسّتّار زرّوقي 2012/7/28

يَحْلِفْ لَا نَاضَتْ رْصَاصَة / وْ لَا تَرْكِتْ أَمَارَة وْ لَا بْلاَصَة المَوْضُوعْ بْكُــلـُّو إِشَاعَة / الشَّعْبْ نِسْبُو لِلْقَــنـَّاصَة لَحْـكَايَة الكُلْ فِي الثَّوْرَةَ / خَرْجِتْ كََرْطُوشَة حَوَّاسَة هِجْمُوا عْلِيهَا أَوْلَادْ الحُومَة / تـْـلـَمُّوا فُوقْ مِنْهَا كَدَّاسَة جْرَاتْ بِينْ زَنْقَة وِالدُّورَة / لَا كَانِتْ لِيهُمْ مَسَّاسَة ضَرْبُوهَا عَالعِينْ العُورَة / بَاتُوا عْلِيهَا رَدَّاسَة جَرْحُوهَا بَاتِتْ مَغْدُورَة / وْهِيَ اللِّي عْلِيهِمْ عَسَّاسَة وِالقََـتـْلَى مْلَاوْ السَّبُّورَة / تْمَسْحُوا بْـلـَمْسَةْ مْنِ الطَّـلاَّسَة ثْلَاثَة مِيَّةْ رْصَاصَة شْهِيدَة / مْعَاهَا اللِّي جْرُوحُو حَسَّاسَة طَـلـْـقـُوهَا وْ قَطْعِتْ تَنْهِيدَة / نْكَرْهَا سْلَاحْ الرَّبَّاصَة حْكَايِتـْـنـَا عْلَى رْصَاصَة مَظْلُومَة / مَسْـنـُودَة بْوَرْقْ السِّيَاسَة وِالأُمْ اللِّي صَبْحِتْ مَكْلُومَة / مَانْصَفْهَا حُكْمْ الرِّئَاسَة عبدالسّتّار زرّوقي 2012/7/27

نـِسْتـَغـْفـِرْ رَبِّي وِنْزِيدْ مْنِ الإِسْتِغْفَارْ / وْ نـِنْزَعْ ثـُوبْ فـَصْلَاتـَهْ ذْنُوبِي سَدَّاتـَهْ فـُوقِي عَالْـيـَـــــاتْ  الأَقـْـدَارْ  / غـِرْزِتْ إِبْرَاتـْـهَا فِي مَكْتُوبِي يـَارَبّْ..مَدِّيتـْلـِكْ إِيدِيّ بِالأَسْحَـــــــارْ / تـْسَدَّتْ  كُلْ الثّـنَايَا ودْرُوبِي نـِشْكـِيلِكْ مْنِ الوَقْتْ عْلِيَّ جَــــــــارْ / فِي نَـهْرْ الوِيــلْ جَرَى مَنْسُوبِي سَالَتْ دُمُوعِي عَالْخُدُودْ أَنْهَـــــــــــارْ / يَانَفْسْ ارْجْعِي لْخَالْقِكْ وْتُوبِي طَعْمْ العَسَلْ مَعَ الذّنُوب مْــــــــــرَارْ / يَا رَبّــِي اجْعَلْ مْنِ الكَوْثِرْ مَشْرُوبِي اليُومْ وَاسْعَـــة ..المِيتْرُو هِكْتَــــارْ / عْلَى ظَهْرْ الفَرَسْ سَرْجِي ورْكُوبِي غُدْوَة ضِـيقَــــة ..الحَـبَّـَة بِالقِنْطَــــارْ/ وِالزَّنْقَة وَاقْفَــة قُدَّامْ هْرُوبِي لاَ مِنْ يِنْجِــــــــــــدْ وَلَا مِنْ جَـــــــارْ / وَ لَامِنْ وَلِيّ يـُسْــتُرْ عْيُوبِي مَا بَقَـــالِي غِيرْ الوَاحِدْ القَهَّــــــــــارْ / يَارِيتْ ثـُوبْ السِّتْرْ يْكُونْ ثـُوبِي عبدالسّتّار زرّو...

جَانَا رَمْضَانْ بْطِيبْ أَيَّامَهْ ......وْطَلْ الهْلَالْ مَاسِكْ بِزْمَامَهْ شَهْرْ عْظِيمْ عَالِي مْقَامَهْ..... أُوْلُو رَحْمَهْ وْآخْرَهْ سْلَامَهْ يَا سَعْدْ مِنْ عْزِمْ عْلَى صْيَامَهْ .....وْحْيَا لْيَالِيهْ وِسْعَى لِقْيَامَهْ كُلْ عَامْ أَنَا وِانْتُمْ مِنْ خُدَّامَهْ.....نْهَنِّيكُمْ عْلَى صْدُورْكُمْ وْسَامَهْ يَارَبِّي يْكُونِلْنَا شْفِيعْ يُومْ القْيَامَهْ....وْ فِي الرَّيَّانْ عِنْدْنَا عْلَامَهْ أُنْصُرْنَا عْلَى النَّفْسْ اللَّوَّامَهْ....وْلَاتَجْعِلْ فِي قْلُوبْنَا حَسْرَهْ لَانْدَامَهْ كلّ عام وأنتم من الصّائمين القائمين.... صديقكم الشّاعر/ عبدالسّتّار زرّوقي كلّ عام وأنتم من الصّائمين القائمين.... صديقكم الشّاعر/ عبدالسّتّار زرّوقي 19/7/2012

مَاعَادْ عَنْدِي صُغْـــــــــرْ.......رَاحْ الشَّبَاْب وْوَلـَّــى جَانِي خْيَالِكْ فِي الكُبْرْ.......لَابَقّـَى لِيَّ وْلَاخَلّـَى عبدالسّتّار زرّوقي 2012/7/12  

إِقْبِلْنِي كِيفْ مَا آنَــــا / مَرَّة حْزِينَة ..مَرَّة فَرْحَانَة مَانِيشْ طْمَاطِمْ لِلْفَرْزْ / لَانِي فِلْفِلْ وْ لَا جِلْبَانَــة إِذَا تـْحِبْنِي..هَكََّـَة أَنَا / لَا تـْعَـرََّضْنِي لِلْإِهَانَــــــة عبدالسّتّار زرّوقي 2012/7/07

جْرِيتْ وْرَاكْ كْثِيرْ نْصَحْتِكْ..............وَرِّي تِكْ ثْنِيَّةِ الخِيرْ يَامَا تْعِبْتْ وْرَتَّحْتِكْ................. .......فْرِشْتْلِكْ مْنِ ألأَرْضْ حْرِيرْ مِنْ كُلْ حْنَانِي مْنَحْتِكْ..................يَ اخْسَارَة شْكَرْتِ الغِيرْ ......البقيّة عبدالسّتّار زرّوقي 2012/6/06

  النّـَوْ صَبّـِتْ وِ الوَادْ حْمِلْ _________________ النّـَوْ صَبّـِتْ وِ الوَادْ حْمِلْ / بَعْدْ جـْفـَافْ رِينَا بـْلـَلْ  عَمْ الخِيرْ فِي كُلْ جْبَلْ/ والبَبّـُوشْ بعُـنْـقْ جَمَلْ لُمَّيَّة تِجـْرِي في الغـُدْرَانْ / وِالمُتْخُبِّي ظْهَرْ وْ َبانْ مْنِ الوْجُوهْ تْـمَسْحِتْ الأَلْوَانْ / وِالعْيُونْ فـِقْدِتْ الكْحُلْ  صَبَّتْ مَطْرَة عْلِينَا غْلِيظَة / وجَانَا العَارِضْ مِالنـّْـفِيضَة بْرَاتْ فِينَا مِنْ كَانِتْ مْرِيضَة / صَبْحِتْ عْلِينَا تـِدَّلّـِلْ صُبْ عْليِناَ هَا رَشْرَاشْ / بَالِكْ تتْخَبَّـَى لَحْنَاشْ لَكِنْ  حَتَّى مْنِ الوَشْوَاشْ / مَدْ شُوكُو عْلِينَا طَلْ قَالُولِي صَبِّتْ حَجَّارِي  / وْصُلْ الضَّرْبْ لـْقَاعْ دَارِي مَاتْ زَرْعِي وْتِفْقِدْ نَوَّارِي / زَادْ هَزُّوا اليَاسْمِينْ وْفُلْ  قْـُـلْتْ بَرَّة سْحَابْ مِتْعَدِّي / يـُقْعُدْ مُدَّة تَوْ يْعَدِّي شَاوِرْتْلَهْ نُومِيلَهْ بْيِدِّي / قـَـلِّي قَاعِدْ مَا نَرْحِلْ فْرَحْنَا قَالُوا جَانَا الغِيمْ / بَعْدْ جْفَافْ وْقَحْطْ عْظِيمْ سْحَابْ وْبَرْقْ وْتَرْزِيمْ / مَاصَوَّرْنَ...

ياراشقة من الفل مشموم/ بين الحاجب والسّالف من شافك يبات مهموم/ مضام والفكر تالف عينيه تخاصم النوم / سهران  ..بالنّجوم موالف  هكّة يصير في بقيّة القوم / لا من يقدر منهم يخالف عبدالسّتّار زرّوقي 2012/7/03

عاش الجندي ...وما هلك......مات الملك....وما ملك... (عبدالستار زرّوقي) 2012/703

زِيلُوا  مْنِ الوُجُودْ .......كُلَّ هَذِي حْدُودْ خَلّـُونِي أَعِيشْ ...........أَحِسْ  إِنِّي مَوْجُودْ شِيلُوا مِنْ قـُدَّامِي....حُدُودَ الأَوْهَامِ وَرَاهَا كُلْ أَحْلاَمِي..........وْ رِيحَةِ الجُدُودْ ..... عبدالسّتّار زرّوقي 2012/07/01

لاَ لاَ لاَتـَـحْـقـَـرْنِي....وَ لَا تـْقـُولْ عـَلـَيَّ صْغَـيّـَـرْ ْ جـَرَّبْ وْعَبَّرْنِي ........تـَلْقَانِـــي ذْهَبْ مـْعَـيّـَـــرْ لاَ تـْغـُـرَّكِ المَظَاهِرْ......كـْثِيرْ  النَّاسْ غَالْطِيـــنْ تَـرَى القَمَرْ سَاهِـرْ ...وْهُوَ مْــنِ النَّايْمِيـــــــــنْ 2012_7_01