هَالبَصَّاصْ مْكَانَهْ كَانْ المِيضَهْ
_____________________

شْكُونْ مَازَالْ يُقْرِبْ العَرِيضَهْ  ====  وْفِيهَا نَفْسْ نَاقْمَة وِ مْرِيضَهْ

دَمَّاعْ..بَكَّايْ..مَايَحْفِظْ سِرْ ==== هَمّازْ..لَمَّازْ..يْثِيرْ لَحْفِيظَهْ

 ثَرْثَارْ.. وَشّايْ ..يْجِيبْ الكَدَرْ ==== وِكْثِيرْ مِنِ صِفَاتَهْ لِبْغِيضَهْ

خَلْوَاضْ ...رَقَّاصْ إيذَا هَدَرْ ==== مَا يَعْرِفْ غِيرْ السَّبّْ وِالْقْرِيضَهْ

مِثْلَهْ يَهْدِرْ كِي مُوجِ البَحَرْ ==== مَايْهِمَّهْ الوَطَنْ وَلاَ تَعْرِيضَهْ

بِينْ الفَيَافِي يْسُوقْ يْزَمّرْ====سَمّى المّطَارْ مَحَطّة النِّفِيضَة

إذَا نَطَقْ طْشَاشَهْ يْشَرْشِرْ ==== مِثْلَ البَرَقْ تْشَلْوِيحْ وْمِيضَهْ

لاَ عَادْ فِيَّ طَاقَة وَلاَ صَبَرْ ==== اليُومْ نْطَالِبْ الحِزْبْ بْتَعْوِيضَهْ

نِبْغِيهْ يِنْزَاحْ يُتْرِكْ المَقَرْ ==== عَسَى يْجِي عِضْوْ يْكُونْ نْقِيضَهْ

لاَ نَنْسَى يُومْ التَّاسَعْ إِلِّي مَرْ ====كِيفْ لَمِّ الشَّعْبْ قَامْ بْتَحْرِيضَهْ

نَسَى الحُكْمِ وَقْتْ مَا صَدَرْ==== خَانَ القَانُونْ نَادَى بْتَـقْوِيضَهْ

طَغَى فِي المَجْلِسْ ..تْكَبَّرْوِتْجَبّرْ====  لَا عَادْ يْفَرِّقْ السُّودَهْ مِنِ البِيضَهْ

 يِكْفِي مَاذَاقْ مِنُّو المُرْ ====هَالشَّخْصْ لَايَعْرِفْ سُنَّة وَلَا فْرِيضَهْ

كُلِّ الأَعْضَاءْ مِنُّو تِتْذَمِّرْ====صَارْ لاَزِمْ عْلاَجَهْ وْ تَمْرِيضَهْ

 كُـثْـرْ هَمُّو أنُّو يُظْهِرْ  ==== ضَايِعْ بِينِ الدّجَاجَهْ وِ البَيْضَهْ

  مَا عَلِيهْ مْلاَمْ وَ لاَ أَمْرْ==== العِيبْ فِلّي قَامُوا بْتَـفْـوِضَهْ

نَاقِصْ يْصِيرْ فِينَا مْعَمّرْ ==== زَادْ الإِعْلَامْ نْفَخْ فِي جثْـتُو لَعْرِيضَهْ

  إِعْلاَمْنَا بِفْلُوسْنَا يْقَمّرْ==== هَالتَّـلْفَزَهْ لَا تَسْوَى جْنَاحْ بْعُوضَهْ

هَاجْمَة عَلِينَا مِثْلِ النِّمْرْ ====مَا يَنْطِقْ فِيهَا كَانْ الرُّوَيْبِضَهْ

لَوْ كَانْ الزّْمَانْ يُنْصِفْ وِيحَكِّرْ === هَالبَصَّاصْ مْكَانَهْ كَانْ المِيضَهْ

وِلاَّ فِي السِّرْكْ يْهَرِّجْ مِتْنَكِّرْ ==== فِي البِلِفِدِيرْ يَلْقَى تَرْوِيضَهْ

عبدالسّتّار زرّوقي
13_4_2012

قال رسول الله صل الله عليه وسلم: (سياتى على أمتى سنوات خداعات يكذب فيها الصادق و يصدق فيها الكاذب ويؤتمن الخائن و يخون فيها الامين وينطق فيها الرويبضه) قيل (وما الرويبضه؟) قال: (الرجل التافه السفيه يتكلم فى أمر العامة)

المشاركات الشائعة من هذه المدونة

وطني.....

من شربنا للبيبسي والكوكة كرامتنا مدعوكةوأرضنا مابين يدنا مفكوكة_من شربنا للبيبسيمانثبت على اتّجاه كيف التّبسينشعل ونطفى في مثيل السّبسيمابين زوز شفاه لخالتي مبروكةوالفرق واضح بين رخفتك وكبسيمن رخفتك دمنا سال في المسكوكة_من شربنا تبنّنابفلوسنا شرينا مشروبنا وتهُنّاكل من شرب كاثر شخيره ننّا واللّي نهض حرق ب شقفته وفلوكةفي فمّنا القطران قلنا بنّةواللّي رضع الذّلّ صعب تروكه _من شربنا تقرّعناخرجت كشاكش بلنا ورتعناوسط المراعي سارحين وجُعنارغم الحشايش مكدّسة ومتروكة.صراخ اولادنا ف أرضنا وجّعنا نسانا سبايا وأرضنا مملوكة._مانقول البيبسي وحدهاو لايحة البويكوت تو نجبدهاكراهب ودخّان ما نعدّدهاوأجهزة في السوق بالدّربوكةإشهار في التلفاز ما يفقدهاتقول حياتنا بلا ها تتبلوكة_تحرم علي العيشةوتحرم علي مثل هذي حشيشةنرسم وشم ف جبهتي ونقيشةلو كان نشري الماركة المشكوكةبيها عدوّي نافش عليّا ريشةكبر دجاجه وسرح في قمحنا سردوكه_مانقد هذا وحديوشكون غيرك سند لي وعضديخويا وصديقي ولد ريف وبلديمن غدوة تروح من حلقنا هالشّوكةهذي وصيتي لولد ولد ولديكي نعدي بقية حياتنا شكشوكة.