عبد السّتّار زرّوقي

يَاحَامْلَة الوَرْدْ بِينْ أَحْضَانِــكْ === شِـيلِي وَرْدَة وْحُطِّينِي مْكَانْهَا خْيَارْالوَرْدَة مِنْ وِسْطْ جْنَانِكْ === لَا تِذْبِـــلْ .. لَاتِفْقِدْ أَلْوَانْـَـــــهَا عْرُوقْهَا ضَارْبَة فِي عْمِيقْ حْنَانِكْ === تْقُولْ..مِنْ نَهْرْ الكَوْثَرْ رَوْيَانْهَا وَرْقَاتْهَا مَسْلُولَة مِنْ سِيفْ سُلْطَانِكْ === فَاحْ عِطْرْهَا سْبِقْ طِيبْ زْمَانْهَا بِاللِّي نِكْتِبْ وِنْقُولْ فِي شَانِكْ === انْتِ الحَدَايِقْ وِالوَرْدْ كُلْ سُكَّانْهَا كَوَاكِبْ السَّمَا شِبْرْ مِنْ أَوْطَانِكْ === شَعِّتْ مِنْ عْيُونِكْ وْحُسْنِكْ زَانْهَا كُلِّ الجِبَالْ رَطْلْ فِي مِيزَانِكْ === بْرَعْشِةْ مِنْ نُهُودِكْ تِفْقِدْ أَوْزَانْهَا وكُلِّ الطُّيُورْ تْغَرِّدْ مِنْ أَلْحَانِكْ === عَلَى وَقْعْ هَمْسِكْ تْعَدِّلْ مِيزَانْهَا وِالأَشْجَارْ تْنَوَّرْ مِنْ بَيَاضْ أَسْنَانِكْ === خَذَا مِنْ حُمْرْ خْدُودِكْ رُمَّانْهَا يِكِْفيِني نْكُونْ قَُطْرَة مِنْ غُدْرُانِكْ === مِهْمَا تْضِيعْ تَرْجَعْ لْعُنْوَانْهَا عبدالسّتاّر زرّوقي Zarrouki Abdessattar 30_4_2012

لَا يْغُرِّكْ العُمْرِ الطَّوِيلْ === كُلُّو مَضَى وِتْعَدَّى مَرْ زَيْ ظلام اللّيل === لاتِقْدِرْ تِعِيدَهْ وْلَا تِمِدَّهْ مَابَقَى غِيرْ القَلِيلْ === مُحَالْ تُوقِفَهْ أَوْ تِشِدَّهْ وِلَوْ تِحِلْ شَمْسْ الأَصِيلْ === تِطْلَقْ يِدِيكْ وْلاَتْرُدَّهْ 28_4_2012

على  قمر منوّر يطلع === في الشّهر نراه مرّة يورّيني وجهو  و يرجع === من بعد يتلّف الجرّة ......البقيّة عبدالسّتّار زرّوقي

اللّي مافاد فيه علم الطّب === تقربه تشوف منّو عجب لاتحاول معاه تغلب  === لو تنفق مالك وذهب يفيده كان كيّة بشهب === ينسى جراحه وكل عطب هذا كلامي من الغلب === خلاّني نشعل نلهب عْلاَشْ نْخَالِطْ عوُد ْحْطًبْ === يَجْرَحْنِي عْلَى َأْتَفْه ْسْـبَبْ لاَ يْجِي فَرْكَة لاَ رْطَبْ === لاَ عْصَى عِنْدْ المِدِّبْ مْقَوِّسْ فِي شَكْلْ قْبُبْ === مْخَرِّبْ فِيهْ بَرْشَة نْقُبْ لاَ يِنْفَعْ حَتَّى فِي طْلَبْ === مْكَانَهْ المْرَاحْ وِ الْخْرِبْ لَوْ بِينِي وْبِينَهْ نْسَبْ === نَحْلِفْ فِي كُلْ يُومْ نِتْسَبْ من قصيدتي/ "مَافَادْ فِيهْ عِلْمْ الطِّبْ" 2012/4/22

لاتعملّي روحك ناصح === وتغفل عن عملك الفاضح لاني واحد مثلك طايح === قدّام دارهم ماشي رايح قالب ثلج فيها سايح === لاتهمّك بخسة لاطرايح لكن أنا عرفي قادح === نشعل في القادح والمادح لانعرف في شوري مصالح === لابلقاسم لاعم صالح تشربني تلقاني مالح === تاكلني كي التّمر البالح حدّثتك بالصّوت الصّادح === عطر الصّدق منّو فايح استكقى بروحك وتصالح === مع نفسك وكلّ الجوارح كثير اللّغو  ماهو فالح === كلامه كيف الطّير السّابح طاير في الهوا يتلاوح  === ف ي الأرض مكنوس بمصالح خيار بنادم ماهو طالح === كيف اليوم كيف البارح كلامو لايلعب بدراجح === لايسقط في الخطئ الفادح ماشي على المبدأ ناجح === لايبيع ريح ولامراوح لايهمّه في الكلب النّابح === لايعمل عسّة ولاسارح هاو ماشي في الدّنيا طامح === لاتغرّو زينة الملايح لاهو شاكي لاهو نايح === لاعيونه تبحلق في سوايح عايش بين النّاس واضح === يزرق كيف القمرة فارح فهمتني يالّي جايني مايح === تلقاني نقرّيك وشارح شقولك في هذي نصايح === موش خيرلك من برشة طرايح؟ 2012/4/22

الحَمْدُولَهْ مَانِيشْ إِعْلاَمِي  =============== إِعْلَمْ يَا ِإعْلامْ الِرّدَّهْ === ياَ مْركَِّبْ فِي نْفوُسْنَا الفدَّهْ  ْمَهْمَا كَانْ زَيفْ أَخْبَارِكْ === بِالحِيلَة لاَيُمْكِنْ تِتْعَدّا بِأَخْبَارِكْ تْغَطّي العِرْيَانْ === لَكِنْ بْسُرْعَة العَوْرَة تْبَانْ نِتْكَلِّمْ بِالْفُــمْ  المَلْيَان === اللِّي ْبنِيناَهْ صْعِيبْ تْهِدَّه  ْإِعْلَمْ يَاإِعْلامْ العَارْ === يَامْزَيِّفْ نَشْرَةْ الأَخْبَار  ْيَا مْشَعِّلْ فِي بْلاَدِي نَارْ === سَيِّبْ الإِعْلامْ مَا تْـقِدَّه مَازِلْتْ تْحِبْ المَخْـلوُعْ === وِ الظَلامْ يُولِدْ  جَرْبُوعْ  ْلَوْلاَ فـْـلُوسْنَا إِنْتَ تْجُوعْ === حْلِيلِي النّـَاكِرْ آشْ يْرُدَّه  الحَمْدُولَهْ مَانِيشْ إِعْلاَمِي === لانْتَاجِرْ بِحْـبَارْ اَقْـلاَمِي  ْلاَنْـدَنِّسْ وَطْنِي فِي أفـْلاَمِي === لاَنْبِيعَهْ لاَ نِمْشِي لْضِدَّه  ْاليُومْ شَعْبِي فَاقْ و فـْهـِمْ === عْرَفْ شْكُونْ يِفْدِي بِالَدّم  ْصَارْ قُدْوَة  لـِلأُمَمْ === لَكِنْ إِنْتَ مَاكِشْ نَـد...

حَََََـبِّـيتِـكْ وِانْـتِ الْبَعِيـدَة === وَامْوَاجِـكْ كَانِـتْ عَنِيـدَة كُلْ مُوجَهْ تَرْمِي لِمُوجَهْ === كُلْ قَذْفَهْ تُضْرِبْ سَدِيدَهْ َوَاتْمَسِّكْ بِخْيُوطْ أَمَالِي === وِجْرَاحِي تِنْزِفْ شَدِيــدَة أَتْـمَنَّـى أُوصِـلْ لِـبَــرِّكْ === وَاضُمِّـكْ ضَمََّـهْ مَدِيـــدَة  عبدالستار زرّوقي  2012/4/21

في عمري حبّيت مرّة === تكويت بالنّار الحرّة عملت فيّ طفلة غرّة === الدّخلاني خرجاته برّة  لونشكي ليكم بدايا === تبكيلي كواكب ومجرّة دموعي لو تجري معايا === في الصّيف تجيبلكم قرّة عبدالسّتّار زرّوقي 2012/4/18

نحسب ونعاود في الحسبة === لقيت روحي غالط في النّسبة اللّي نويته عزّ الغوالي === طلعلي مشومها من كسبة كل مانفكّر فلّي جرالي === نحمار تضربني حصبة كلامه بهذل باحوالي === ريح يزمّر وسط قصبة عبدالسّتّار زرّوقي 2012/4/18

بِينْ الجَبْرِي وِالِمتْلَنْصِي === فْلُوكَة تْسَابِقْ فِي بَاَلانْصِي هِي َكِالَفْكرُونْ إدِّبْ === وْهُوَ فِي الِبَياْم يْلَنْصِي  رُبَُّانو فِي الَعَالِمْ يْدُورْ === وِالَرّايِسْ بِينْ شَعْبُو مِنْسِي يََْروِّحْ بِينْ أَحْجَارْ ْيَبْركِي === لَاخِرْ وِسْطْ الِمينَا يْرَصِّي الَأوِّلْ عَ الَدّرْبُوكَة يَْشَطََحْ === الــثـَّانِي فِيْ الِدّيْسكُو يْدَنْسِي يَاعِينِي عَ الَجَبْرِي كِي يَطْمِحْ === يْفُوتْ كُلْ صُنْعْ فْرَنْسِي يْحُطُلِّي الْعْصَى فِي الَعْجلَة === يِجْرِي وِينَادِي وِيوَصِّي يْحِبْ الُفْخرَة ..يْحِبْ الأُجْرَة === وْهُوَ تَحْتْ غْطَاهْ يْفَسِّي قـَالِــتـْلِي يَا وِلْدِي أَبْدَا === قـُلـْتـِلْهَا يَابِنْتِي أَنْسِي دَايَا منَّكْ آهْ يَا  جَبِْري === صَارْ حْسَابُو أَمْرْ شَخْصِي خُوذُْ حْماَرِكْ هَيَّا تَـبَّعْنِي === أَنَا هَانِي رَاكِبْ فَرْسِي كِيفْ تَخْلِطْ عْلِيَّ أَصْفَعْنِي === بْكَفْ يْنَسِّيِني فِي نَفْسِي إنْتَا تَبْقَى دِيمَة مِتْخَلِّفْ === مَا دُمْتْ إتَّبَّعْ فِي السِّبْسِي دَوْحِي يَا مْبَارْكَة بْتُوِنسْ === الََجَبْرِ...

هَالبَصَّاصْ مْكَانَهْ كَانْ المِيضَهْ _____________________ شْكُونْ مَازَالْ يُقْرِبْ العَرِيضَهْ  ====  وْفِيهَا نَفْسْ نَاقْمَة وِ مْرِيضَهْ دَمَّاعْ..بَكَّايْ..مَايَحْفِظْ سِرْ ==== هَمّازْ..لَمَّازْ..يْثِيرْ لَحْفِيظَهْ  ثَرْثَارْ.. وَشّايْ ..يْجِيبْ الكَدَرْ ==== وِكْثِيرْ مِنِ صِفَاتَهْ لِبْغِيضَهْ خَلْوَاضْ ...رَقَّاصْ إيذَا هَدَرْ ==== مَا يَعْرِفْ غِيرْ السَّبّْ وِالْقْرِيضَهْ مِثْلَهْ يَهْدِرْ كِي مُوجِ البَحَرْ ==== مَايْهِمَّهْ الوَطَنْ وَلاَ تَعْرِيضَهْ بِينْ الفَيَافِي يْسُوقْ يْزَمّرْ====سَمّى المّطَارْ مَحَطّة النِّفِيضَة إذَا نَطَقْ طْشَاشَهْ يْشَرْشِرْ ==== مِثْلَ البَرَقْ تْشَلْوِيحْ وْمِيضَهْ لاَ عَادْ فِيَّ طَاقَة وَلاَ صَبَرْ ==== اليُومْ نْطَالِبْ الحِزْبْ بْتَعْوِيضَهْ نِبْغِيهْ يِنْزَاحْ يُتْرِكْ المَقَرْ ==== عَسَى يْجِي عِضْوْ يْكُونْ نْقِيضَهْ لاَ نَنْسَى يُومْ التَّاسَعْ إِلِّي مَرْ ====كِيفْ لَمِّ الشَّعْبْ قَامْ بْتَحْرِيضَهْ نَسَى الحُكْمِ وَقْتْ مَا صَدَرْ==== خَانَ القَانُونْ نَادَى بْتَـقْوِيضَهْ طَغَى فِي المَج...

شْبِيهْ كَلْبِكْ يَابِنْ عْمَارَة === طَالِعْ يِنْبَحْ عْلَى الطَّيَارَهْ زَعْمَة فَاِيقْ ..بِالأَمَارَة === وِلَاّ حِقْدْ عْلَى الخْسَارَهْ الطَّيَّارَة تْعَدَّاتْ وِوْفِتْ === وْكَلْبِكْ يِنْبَحْ وَ لَاسْكِتْ قْْرِيبْ يْقََطِّعْ السّْبِتّْ=== وِيقَلَّعْ سِيسَانْ دَارَهْ  كلبك عايش نبّاح === لايهدا ولا يرتاح في الليل كيف الصباح===هذي الخدمة طول نهاره

مانيش نكّار جميل.........وماليش في الحديث الطّويل لانهوى كثر التّقلقيل ........في المجلس ما لي تّولويل لا نبغي تطويل الهدرة.......ولاندير لصاحبي غدرة نسلّّك الصّوف من السّدرة..نخدّم القرداش والمغازيل

لقلب معبّي === كيفاش تفريغه والسّّّر مخبّي === جروحو بليغة النّاس كبّي === والوجوه صبيغة شي طبّي === وشي دبيغة ....... عبدالستار زرّوقي 08/4/2012

بَحْرِكْ لاَعَبْرَاتَهْ سْفِينَة === يَا لاَبْسَة المِقْيَاسْ الـقَدْ ذْهَبْ مَطْبُوِعْ عَ اللِّينَة === وِالعْيُونْ أَلْمَاسْ   مُحَالْ تْكُونِي مِنْ طِينَة === مِثْلْ كُلْ النَّاسْ كْلاَمِي عْلِيكْ انْتِ يَا زِينَة === يَاسَاكْنَة فِي الرَّاسْ قالوا عليك انت تحيفينة === جوابي كان yes لكن عندي انت تشنشينة === مالها حل خلاص عدّيت الدّهر وسنينه === خماسي في الاسداس درت البر شفت سلاطينه === تقطعتلي الأنفاس فليته تركينة تركينة === حوانيت وحمّاص غلّثت بخورات دكاكينه === وناديت البنعاس شفته يلاعب في ثعابينه === نرصد كل trace لكن ماعندي شواطينه === تجيبك وقت نعاس رجعت وفي قلبي غبينة === أوجاعي في الرّاس محلول كيف حلوى طحينة === مذوّبة في الكاس نجر في رجلي كالماكينة === تكنس في الكيّاس غلبتني طفلة فطينة === مازلنا في السّاس برّة المرّة واش علينا === هاذي جبال أطلاس زيتي يغلي في طاجينه === غالبني الهلواس قابلني بيّاع سردينه === القد ميّاس عقب نفاس آش علينا علّ وعسى لاباس عساس 08/4/2012 

حبّك جاني في كبري === اسمعني يلّي ماتدري عشقتني وشاع خبري === وين أيّامك ياصغري عشت في البر حوّاس === لانعرف تعب ولانعاس واليوم ضعفو الحواس === خانوني سمعي ونظري في صغري درت العجايب ===  ياحاضربلّغ الغايب خالطت الباهي والخايب === صوحبت الغني والفقري لايهمني الجيب المليان === ولايهمني البطن الجعّان نغنّي مع صوت الكمان === نطرب الحاذق والجبري حوّست في كل البلايص === في كل مركب أنا الرّايس عرفت غصرات وغصايص === على كل ورقة رسمت بحبري  وبعد راسي ماشاب === عملتيلي على قلبي بوّاب بعّدت الأهل ولصحاب === تربّعت كالشّاهد فوق قبري ماعندي عليك من قدرة === السّبّالة تنكّت بالقطرة توّة عندي مدّة وفترة === قلمي حافي ماهو مبري لاتفيد فيه البرّاية === مسحت الماضي من الحكاية حتّى لو قعدت بحذايا === تلقيني نرعش ونفبري ناقوسي ماهو رنّان === والشّاشة  فقدت الألوان الله يسامحك يازمان === حيّرت مواجعي و فكري عبدالسّتّار زرّوقي 08/4/2012

عامين و نايا نستنّى === لاعيني شافت خيالك مشيتي قلتليها اتهنّى === ياعمري نا راس مالك في بعادك بزينك نتغنّى === خاصمت القمر على جالك روّحت في يديك الحنّة === عروسة ومعاك عيالك خلخالك يصدح بالرّنّة === مبروك عليك حلالك تعيشي يا خيار الكنّة === يسعد كل من نالك يبقى عمري بلا بنّة === حتّى يجي مايخالف ذلك عبدالسّتّار زرّوقي 08/4/2012

مُتَفْعِ لُنْ/ فَاْعِلاتُن===  مُتَفْعِ لُنْ/ فَاْعِلاتُن 2-2-1-2/2-1-2-1===  2-2-1-2/2-1-2-1 14 ـ البحر الْمُجْتَثُّ مُتَفْعِ لُنْ/ فَاْعِلاتُنْ//// مُتَفْعِ لُنْ/ فَاْعِلاتُنْ وَإِنَّكَ الْعَبْدُ رَيْعٌ أَتَيْتَ جُرْمَا شَنِيعَا === بِهِ أََهَنْـتَ الْبِلَادَ وَبِتَّ ذِئْبًا مُرِيعًا ===  يَبُثُّ فِينَا الفَسَادَ فَكَيْفَ تَهْوَى صَنِيعًا === يَنِمُّ عَنْهُ الْعِنَادُ أَلَسْتَ جِرْذًا وَضِيعًا === أَفَاقَ بَعْدَ الرُّقَاِد؟ تَهِيمُ وَقْتَ الْهَجِيعِ === تَرُِومُ نَجْمَ السََّوَادِ تَنَامُ نَوْمَ الرَّضِيعِ === ضَمِيرُكَ فِي نَفَادٍ أَقَمْتَ جُحْرًا صَدِيعًا === وَنَوْمُكَ مِنْ سُهَادٍ  وَدُسْتَ آيَ السَّمِيعِ === لَبِئْسَ نَيْلُ الْمُرَادِ؟ سَجَنْتَ زَهْرَ الرََّبِِيعِِ === مُكَبَّلًا باِلصِّفَادِ هَدَيْتَهُ لِلصَّقِيعِ === وَأَنْتَ إِبْنُ الْجَرَادِ فَلَنْ تَكُونَ الرَّفِيعَ === وَأَنْتَ سَقْطُ الْعِبَادِ وَأنْتَ جَرْوُ الْقَطِيعِ === تَسِيرُ خَلْفَ الْمُنَادِ ِوَكُنْتَ حَمْلًا تَبِيعًا ...