عبد السّتّار زرّوقي

من طينك ملّس كانونــــــك === من قمحك أعجن طعامك لاتخالط من زاد في ظنونك === لاتجالس حي شانـــــــك كلامهم زايد في جنونـــــك === فارق كل من هانـــــــــــك لاسكّر يطيّح سنونــــــــــك === لاعوج يهيّج جانـــــــــــــك أزهى واطرب مع فنونــــــك === ترتاح من همس شيطانك  **زرّوقي عبدالسّتّار  2012/3/29

حْلِمْتْ البَاِرْح كَوْنِي وْزِيرْ...........عَقْلِي فرَاشَة وْقَلْبِي طِيرْ نُحْكُمْ فِي عِشْ عْصَافِيرْ ...........ذَكْرُو كَارِكْ وْ لَـــنْـثَى تْسِيرْ مَدِّيتْ يِدِيّ نَلْقَى عْظَامْ ............شَيْ حْلَالْ وْشَيْ حْرَامْ كُلْ وَاحِدْ خَاطِفْ رْزَامْ................يِبْغِي  يْفَقِّسْ مَهْمَا يْصِيرْ .............................. .............................. ..... لِفْرُوخْ ضَاقْ بِيهُمْ الع ُشْ............كُلْ مِنْهُمْ لِلرِّيشْ نْفِشْ مَرَّة يُنْفُخْ وْ مَرَّة يْفِشْ ..............قَالُوا أَحْنَا التَّغْيِيرْ العُشْ تَاعِبْ وِالغُصْنْ رْقِيقْ......مَاعَادْ يِتْحَمَّلْ الضِّـيقْ يَاسِرْ كْثُرْ فِيهْ التَّشْقِيقْ............طَاحْ بْكُلُّو فِي الغْدِيرْ عبدالستّار زرّوقي 21012/3/29

لَا ادَّخِّلْ الذِّيبْ لْبِيتِكْ === وَلَا تْقُولْ كْلَالي شْيَاهِي لَا تْخَالِطِ النَّاسْ بْنِيتِكْ === يْبِيعُوكْ فِي سُوقْ المْلَاهِي اِمْسَحْ جُرِّتِكْ مِنْ عَلَى ثِنِيتِكْ === تْفَكَّرْنِي لَاتْكُونْ سَاهِي وْ مِنْ قَلِّكْ نَايَا حَبِّيتِكْ === لاَ تِسْمَعْ كَلَامَهْ وَاهِي عَلَى طِرِيقْ الصَّحْ حَطِّيتَكْ === نَوَّارِكْ فِي رَبِيعِكْ زَاهِي بعِّدْتِكْ عَ الْحُفْرَة عَلِّيِتَكْ === غَذِّيتَكْ بْكُلْ مَا هُو بَاهِي لَوْ تِسْمَعْ كْلَامِي يَارِيتِكْ === نْكُوْنَلْك عَ الْخَطَا نَاهِي لا نْقُولْ نْحِبَّكْ وَلَا عَادِيتِكْ === لِيكِ الْحُكُمْ ..إِِي وَاللاّهِي عبدالسّتّار زرّوقي 27/3/2012

وَطَنِي..إِنْ جُعْتُ مِنْكَ الغِذَاءُ / وَطَنِي.. إِنْ صُمْتُ مِنْكَ الرِّوَاءُ أَمَلِي..إِنْ تُهْتُ فِيكَ اللِّقَاءُ / أَسَفِي..إِنْ خُنْتُ أَنْتَ الوَلَاءُ شَرَفِي..إِنْ بِعْتُ أنْتَ الشِّرَاءُ / بَلَدِي..إِنْ عُدْتُ أَنْتِ النِّدَاءُ بِأَبِي..إِنْ مُتُّ أَنْتَ البَقَاءُ / بِكَ تَعْلُو أَرْضُنَا وَالسَّمَاءُ أَتَعَرَّى مِنْ جَمِيعِ الثِّيَابِ / وَبِلاَدِي تَبْقَى لِيَ الرِّدَاءُ وَأَرَى كُلَّ المُحِيطَاتِ تَرْنُو / لِمَدِيدِ البَحْرِ مِنْكَ الصَّفَاءُ لَكَ مِنِّي احْتِرَامِي وَحُبِّي/ وَدُعَائِي فِي صَلاَتِي ثـَنَاءُ البحر المديد = فَعِلاَتُنْ/فَاعِلُنْ/فاعِلاَتُنْ   *عبدالسّتّار زرّوقي

ماعدت أحنّ للماضي ولا أتعب نفسي ع الفاضي ياما الحاضر يقلّي تعال وأنا أقولّو موش راضي على الماضي غمّضت عيوني ونسيت النّاس اللّي سبوني ولحقت وراه أقلّو إدّيني بقيّة أغراضي ياما الماضي دقّ على بابي وستنّى يسمع منّي جوابي خرجت من باب تاني ورحت وتركت الحكم بلا قاضي زرّوقي 18/3/2012

يَا أُمَّةً مَالَهَا مِنْ شِرْعَــــــةٍ === غَيْرَ الَّتِي صاغهَا الْمُسْتَعْمِرُ وَشِرْعَــةُ اللَّــهِ بَاتَتْ فِيهِـمُ === مَهْجُــورَةً ..ذَنْبُـهَا لَايُغْفَـــــرُ ينام قَ وْمِي عَلَى جَهْلٍ بِهِمْ === وَالْجَهْلُ خِلٌ ّ لَهُمْ مُسْتَنْصَرُ تَسَاءَلُوا بَيْنَهُمْ عَنْ مُنْقِذٍ=== وَالدِّينُ لِلَّـهِ إِنْ لَمْ يُجْهِرُوا   تَدَثَّرُوا بِالْعِنَادِ الْمُظْلِمِ === بِئْسَ الغِطَاءِ الّذِي لَايَسْتُرُ تجاهلوا كلّ آياتٍ وقد === استنفروا فعلهم المنكر ـ البحر الْبَسِيْط إنتاج_عبدالسّتّار زرّوقي 16_3_2012

عايش بالفاصل ========= ناخوكم كثرت أصفاري === ونزحت كل مياه أبياري نكتم وانداري === دمعي فوفق خدودي جاري في كل مقعد عندي صفيّر=== خلاّلي عقلي متحيّر نبيّض ونجيّر === كثير أصفار في حسابي الجاري أصفاري كثيرة === ما نكسب كان ريّ وموجيرة الكارطة دبّيرة === لاعندي حيّة و ديناري في كل جرية === نطلع خاسر في هالكرية ساكن في الهرية === لا جاني صوت من جاري ماسمعت أصوات === لامن الحي لاملّي مات نحل الجوابات === نلقى كان رياح صحاري يحلّوا الصندوق === نقول توّة زهري يفوق دمّي محروق === نكروني في سوايح داري ياوالله عملة === خسايري ولاّتلي بالجملة برغم الحملة === نلقى صفر في تذكاري الصّفر جمّدني === قفل على صوتي فدّدني آش مش يفرهدني === فمّي طاح عايش ع الجاري ناصبت الفاصل === هو اللّي خلّاني نواصل كالسّيّد الفاضل === نزاحم في بنات أفكاري دخّلني للمجلس === انّتنها فين كل مانجلس شايخ نهلوس === الفاصل مسحلي البعض من عاري عايش بالفاصل === هو سلاحي بيه نقاتل كيف ردني راجل === عرّفني بالجاهل و القاري عبدالستار زرّوقي 15_3_2012

دمّار أزرق سدّ الطّريق === شعّل الحريق في كل الفريق===لادريته عدوّ ولاّ صديق دمار ازرق شدّ المخانق=== يبوس ويعانق لارواحنا شانق=== حاصرنا وزاد في التّضييق دخّان أسود طوّق القرية === جاي من الهرية سلّمنا في بيعة وشرية === دوّخنا ماقدرنا نفيق سحابوأدغم جاب البلايا === من كلّ الثّنايا هزّ الصّبايا ===  دخّلنا وسط الغريق     رماد يتكركب من كلّ البلايص === تنهيد وغصايص نسينا النّقايص === ما تلهينا كان في التّنقنيق  ================================= دُمَّارْكُمْ لَزْرِقْ سَدْ الطَّرِيقْ === شَعِّلْ حَرِيقْ لَادْرِيتَهْ عَدُو وِلَاّ صَدِيقْ دُمَّارْكُمْ لَزْرِقْ شَدْ الْمَخَانِقْ=== لَرْوَاحْنَا شَانِقْ حَاصِرْنَا وْزَادْ فِي التَّضْيِيقْ دُخَّانَهْ لَسْوِدْ طَوِّقْ القَرْيَة === جَايْ مْنِ الهَرْيَة دَوَّخْنَا مَاقْدِرْنَا نِفِيقْ سْحَابَهْ لَدْغِمْ جَابِ الْبَلَايَا === مِنْ كُلِّ الثَّنَايَا دَخِّلْنَا وِسْطِ الْغَرِيقْ صَبْ رْمَادَهْ فِي كُلِّ الْبَلَايِصْ === نَسَّانَا النِّقَايِصْ تِلْهِينَا كَانْ فِي التّْنَقْنِيقْ عبدالستار زرّوقي 15_3_2...

اليوم تحضر الوجوه === غدوة تغيب الفعايل انت و معارفك  تتوه === في يوم مالو ظلايل

  كُلِّ النَّاسْ يْمِيحِلِْهَا الرِّيحْ === ِوانْتَ هْبُوبِكْ مْشَبِّرْ ضِدِّي نِتْعَدَّى نْسَلِّمْ وِنْمِيحْ === لْسَانِكْ يُرْقُمْنِي وِيسَدِّي عْلَاشْ فِيَّ شَادِدْ صْحِيحْ === مْكَبِّشْ فِي خْنَاقِي مِتْحَدِّي تْمَيِّـلْنِي وَقْتْ اللِّي تْمِيحْ === قُـلِّي شْنِيَّة حَاجْتِكْ عَنْدِي تِتْهَنَّى وَقْتِ اللِّي انْطِيحْ ؟=== آش تَسْوَى حْيَاتِكْ مِنْ بَعْدِي؟  عَاِشرْتْ امْحَمِّدْ وِمْسِيحْ === لْـقِيتْ مِنِّكْ الفِعْلِْ يْهُودِي لا لِكْ فِي  ذِكْرْ وْتَسْبِيحْ ===  النِّفَاقْ مِنِّكْ يِسْتَجْدِي دِيمَة مْكَثِّرْ مْنِ النّْبِيحْ === تْهَبْهِبْ عْلَى خْيَالْ المِتْعَدِّي لَافَادِكْ مِنِّي تَصْحِيحْ === لَا تْهِمِّكْ مْلَامْة فِي رَدِّي حَدِّثْتِكْ شَعْبِي وِِفْْصِِيحْ === مَا فْـْهِمْتْ الْمَعْنَى مِنْ قَصْدِي لَامُخْ اسْتَوْعِبْ تـَلْمِيحْ === لَا جِلْباَتَهْ إِشَارِةْ  يِدِّي مَرْعُوشْ...الْمَشْيَة بِشْطِيحْ === تُرْقُصْ عْلَى مْقََامْ النَّهْوَنْدِي مُنْشَارِكْ عَنْدُو تَصْرِيحْ  === وَاكِلْ مِنْ لَحْمِي مِتْغَـِدِّي  ...

شوفوا الجمال ....شوفوا الدلال....اقول واخبّي ايه رايت غزال.....فوق الخيال....صادني برمش عنيه رايتو متشيّك....رايتو متعطّـــر... سمّعني ازّيّك .....احلى من السّكّر...  ماعرفت ارد عليه.... ....توّهني وتهت فيه فاتني وراح في حالو.....عيوني راحت ندهالو ياترى شالني في بالو.....ولاّ غيري في خيالو شغلّي عقلي بيه......نسانسي خرجت ليه عبدالستار زرّوقي 10_3_2012

بِيكْ الدِّنْيَا طْيُورْ تْغنّي === وَانَا فِي حُضْنِكْ يَاأُمِّي صُوتِكْ وْمَوَّالِكْ فَنِّي === سَنْفُونِيَّة تِبْعِدْ هَمِّي نِسْرِحْ فِي احْلاَمِي وِِِآنَّـنِّي === يَا أَجْمِلْ كِلْمَة فِي فُمِّي الشّاعر عبدالسّتّار زرّوقي ____________ 9_3_2012

لَمْنَا الكفاح و بعدو تْفرَّقْنا === وتْقَصْ الجناحْ اللِّي بِيهْ خفّقْنا قْدِينَا شُموعِ الثّورة وصفّقنا=== غْفِلْنا عَلِى لهيبها حَرَّقْنَا فِي بَالِي الثَّوْرَة حَرْهَا يْدَفِّينَا === يْنَسِّينَا بَرْدِ اللِّيَالِي وِ سْنِينَهْ زِدْنَاهَا وْقُودْ مِنْ صُنْعْ يْدِينَا === عْلَا لْهِيبْهَا فِي السّْمَا طَوِّقْنَا لَفْنَا الظَّلَامْ فِي سْوَادَهْ غَرِّقْنَا === مْرَقْ دُخَّانْهَا وَصَارْ يْلَاحِقْنَا **عبدالسّتّار زرّوقي 8_03_2012  http://www.youtube.com/watch?v=VrIBMBdbCvo  

 ماَزَالْ فِينَا الْخِيرْ مَهْمَا تْعَدَّى === لَايَقْطْعَهْ الغْيضْ ولَا مِنْ يْشِدَّهْ  سَاكِنْ فِي قُلُوبْنَا حَتَّى نَدَّى=== يِسْرِي فِى عُرُوقْنَا لَامِنْ يْسِدَّهْ لِلِيُومْ مَافَارِقْنَا سْنِينْ وِمُدَّهْ === نْقَاتِلْ مْعَاهْ الشَّرْ ّرَدَّة بْرَدّّهْ مَازَالْ فِينَا شْكُونْ يْسَايِسْ   === يْسَاعِدْ المُحْتَاجْ وَقْتْ النّـَـقـَايِصْ يْـشِيلَهْ مْنِ الفـَقـْرْ وِالْخَصَايِصْ === يُرْسُمْ عْلِيهْ البَسْمَة وِالوَرْدَة مَازَالْ فـِينَا الخِيرْ فِي كـُلِّ البَلاَيِصْ=== وْمَازَالِتْ المَرْكـَبَة تْسِيرْ بْرَايِسْ  وِنْ غـِلـْبِتْ عـِينِيهْ حْدَى النّـَعَايِسْ === عِـنْدْنَا المْـقُودَة تـْفـَـيـْـقَهْ وِتْرُدَّهْ مَازَالْ فِينَا شْكُونْ يـْهَدِّي      === يْلَطِّفْ الجَوْ المَشْحُونْ المِتْرَدِّي يْخَـلـِّي الضّْعِيفْ يُوقـِفْ نـّدِّي === يـُنْصُرْ الحَقْ وْلَا يْكُونْ ضِدَّهْ مَازَالْ فِينَا لـِكـْبـِيـرْ يـِتْحَكـِّرْ       === وْمَازَالْ هُوَ مِنْ يْحِلْ وِيسَكِّرْ يـْوَظِّحْ لِينـَا طْرِيقـْـن...

يا قاطع لبحار  ====  وين رايح لبعيد قلبي عليك محتار ==== قاتلني التـّنهيد تتركني وتتغرّب ==== فوق لوح مخرّب والمركب يتسرّب ==== منّو الماء صديد ولدي ..البحر مايواسي ==== حكمو علينا قاسي ياما شرّد ناسي === وزاد في التـّشريد  هذا البحر غدّار ==== وموجو الهدّار ياما خلا ديار ==== من غير مواعيد يا ولدي لاتحرق ==== ولا تشيّبلي مفرق خوك توّة يلحق ==== تخلّوني وحيد ولدي بلادك أولى === بيك من كل دولة القسم بيد المولى ====عليك رزقك مايحيد أمّيمتك فيك تكبّر ==== وانت ترمي للبحر ليش فيها ماتفكّر ==== فكّر لاتكون عنيد لاتحرقلها كبيدة   ==== نواحها بالتّرديدة تبكي لأيام عديدة     ==== ولاتفرح بعيد وليدي هذي نصيحة ==== منّي ليك مليحة لا اطّيّحنا طيحة      ==== وانت وما تريد اسمع وليدي كلامي ==== انت ذخري في ايّامي لانطوّل في ملامي   ==== ان شاءالله ليك يفيد عبدالستار زرّوقي 07_03_2012

إِيهْ اللِّي خَلَاّكْ تِغِيبْ / وِانْتَ عَارِفْ إِنِّك لِيّ حَبِيبْ لَوْ غَابْ القَمَرْ مَا قـُلْنَا / َبسْ غِيَابِكْ قَرَّبْلِي المَشِيبْ لَوْغَابَتِ الشَّمْسْ مَازَعِلْنَا / أَصْلْ بُعْدِكْ هُوَ المَغِيبْ كـُلْ أَقْمَارِي تَعَطَّلَتْ / يَاكَوْكَبِي هَلْ مِنْ مُجِيبْ؟ عبدالستار زروقي Je n’aime plus  ·   ·  30 décembre 2011, 23:52

نَكَّارَة لِلْخِيرْ نَسَّايَة === رْمِيتِ آللِّي عْمَلْتُو مْعَاكْ خلّيتِ حُضْْنِي وِدْفَايَا === مْشِيتِ لِغِيرِي وخَلاَّكْ غَدَّارَة وْهَذَا مِنْ طَبْعِكْ === الغَدْرْ ِيتْسَلِّفْ مِنْ عِنْدِكْ لْبِسْتِيِنِي خَاتِمْ فِي صُبْعِكْ === قَالِولِكْ بِيّْ مَحْلَاكْ مَاعِجْبِكْ صُغْرِي وِشْبَابِي === يَامَا كْثِيرْ دَقُّوا َبابِي تْجَاهِلْتِ أَهْلِي ْوأَحْبَابِي === فْرِشْتِ لِي أَرْضِي أشْوَاكْ قُولِيلِي وَاشْ تْرِيدِي === تْجَرَحِي فِيَّ وِتْـزِيدِي أَنَا اللِّي صْنَعْتِكْ بِيدِي===رِحْتِ لِلْغِيرْ خْذَاكْ ثَـيَّـقْتِكْ وِانْتِ الخَوَّانَة === حَمْلْ غْشِيمْ مْعَ افْعُوَانَة عَرَّضْتِينِي لِلْإِهَانَة === شَيْطَانْ هْزِمْ المَلَاكْ عبدالستار زروقي 01_3_2012 

1*كيفك حبيبي..؟...وكيف حالك..؟! 2*انت فاكرني...ولاّ ناسينـي...؟! 3*كنـأك تغيرت...شو شاغـلٍ بـالـك...! ماتفكّر فللّي بينك و  بينـي...! أنا طول الوقت أسهر ويّا الأنتظار*4 وأشـرب كاس غرامـك إللّي كان يسقينـي قلبي ذاق طعم الشقا...في وصـالـك*5 ياريتك على برّ الأمان  ترَّسيـنـي

هذا بويا و هاذي امي ============  واش تسوى الدنيا بلا والدين===الله يخليهم لثنين من صغري شايلين همي ===هذا بويا و هاذي امي مهما نعمل ما نكفيهم ===يخليهم ليا لثنين أمّي حنينة نورعيوني.===هلال مرصّع فوق جبيني مهما ياأمّيمة تكوني=== انت والله ماتهوني . تغفرلي وفعلي دوني===ليها فضل كلّ سنيني   ليك فضل كلّ سنيني=== توّجتك فوق سلاطين بابا ياعز الغوالي===يا أجمل لحن نادالي انت قمري في العلالي===تضوّيلي كلّ اللّيالي ربّي يصونك ياالغالي===يطوّلّي عمرك سنين وهبتني إسمك العالي.===علّمتني وحسّنت أحوالي إسمك في ليلي موّالي===وفي نهاري نغمة ورنين الشاعر الغنائي عبدالستار زرّوقي القيروان 216485378 + بابا وأمّي جناحاتي ........هوما الرّيش اللّي مغطّيني نعدّي معاهم عز أوقاتي....حضورهم في حزني يسلّيني ندعيلهم في كلّ صلاتي...ربّي احفظلي الوالدين وَاشْ تَسْوَى الدِّنْيَا بْلَا وِالْديِن ْ=== الله يْخَلِِّيهمْ ِلثْنِينْ  مِنْ صُغْرِي شَايْلِينْ هَمِّي === هَذاَ باَياَ وْ هَاذِي اُميِ  مَهْمَا نَعْمِلْ مَا نْكَافِيِهمُ ْ===يْخَلِّيهمْ لِيَّ لِث...

ايش تغيّر في البشر ؟؟؟ شفت قلوب مكانها حجر راحت منها الباء ومابقى فيها غير الشر __________ عبدالستار زروقي

أعطيني سومك === أنا راني بايع القلب اللّي ماعرف يحب === وقتي معاه ضايع لاتزيد هموم لهمومك === هالقلب ماهوش طايع _______ عبدالستار زروقي

نَكَّارَة لِلْخِيرْ نَسَّايَة === رْمِيتِ آللِّي عْمَلْتُو مْعَاكْ خلّيتِ حُضْْنِي وِدْفَايَا === مْشِيتِ لِغِيرِي وخَلاَّكْ غَدَّارَة وْهَذَا مِنْ طَبْعِكْ === الغَدْرْ ِيتْسَلِّفْ مِنْ عِنْدِكْ لْبِسْتِيِنِي خَاتِمْ فِي صُبْعِكْ === قَالِولِكْ بِيّْ مَحْلَاكْ مَاعِجْبِكْ صُغْرِي وِشْبَابِي === يَامَا كْثِيرْ دَقُّوا َبابِي تْجَاهِلْتِ أَهْلِي ْوأَحْبَابِي === فْرِشْتِ لِي أَرْضِي أشْوَاكْ قُولِيلِي وَاشْ تْرِيدِي === تْجَرَّحِي فِيَّ وِتْزِيدِي أَنَا اللِّي صْنَعْتِكْ بِيدِي===رِحْتِ لِلْغِيرْ خْذَاكْ ثَـيَّـقْتِكْ وِانْتِ الخَوَّانَة === حضمْلْ غْشِيمْ مْعَ افْعُوَانَة عَرَّضْتِينِي لِلْإِهَانَة === شَيْطَانْ هْزِمْ المَلَاكْ عبدالستار زروقي 01_3_2012