عبد السّتّار زرّوقي

ناولتك قلبي ماصُنْتِ//في بالي تبّعت الثّّيقة بنيانك خايخ مارزنتِ//وحيوطك هجرتها اللّيقة محال تعودي لوكنت//كيف ما ظلّي ليّّا لصيقة هذاالقلب ال فوقه نمتِ//نفضتك منّو بأي طر...

Découvrez le Tweet de @abdnaczarzit : https://twitter.com/abdnaczarzit/status/1007640927173795841?s=09

صَبَّرْتِ رُوحِي وِالصَّبَرْ مَافَادْ / وعْمِيقْ جُرْحِي مَارِيتْ مْثِيلَهْ زَيْ الخِيَامِ النَّاقْصَاتِ أَوْتَادْ/ تِعَرِّيهَا الرِّيحْ وَلَوْ كَانَتْ قَلِيلَ...

قَلْبِي رَسَمْتَهْ فُوقْ شَطْ بْحَرْهَا / وْنادِيتْ مُوجَهْ لاَ تْخُطْ أَعْتَابْهَا جَاهَا الْغَرِيبْ وْحَطْ جْنَبْ وْكَرْهَا/ بْسُرْعَة سْقَاتَهْ مِنْ غْزِيرْ رْضَابْهَا فِرْشِتْ بْلَهْفَة عَ التْرَابْ وْبَرْهَا / وْزَادِتْ عَلِيهْ مْنِ الثَّنَا إِعْجَابْهَا فِينْ الْوَفَا لَوْ مَا كَذِبْ سْطَرْهَا؟ / فِينْ الَْحَنِينْ اللِّي سَكَنْ مِحْرَابْهَا ؟ شُفْتْ الْحَقِيقَة فِي جَلِى مَظْهَرْهَا /عِنْدِ الْفَتَاةْ الْفَاقْدَة لِصْوَابْهَا كَانِكْ عَلَيْ دَقِّتْ نَوَاقِيسْ خْطَرْهَا / يِلْعِنْ نَهَارْ اللِّي هَوِيتْ اهْدَابْهَا لاَ عِينْ تِبْغِي ضَوْء مِنْ قْمَرْهَا / وْلاَ رِجْلْ تَعْفَسْ فُوقْ ذَرْ تْرَابْهَا نْصُونْ قَلْبِي وْهِي لِيهَا سْهَرْهَا / وَقْتْ الشَّدَايِدْ مَا يْفِيدْ أَصْحَابْهَا نَفْسِي عَزِيزَة لِيتْهَا تْقَدَّرْهَا / لَكِنْ نْخَافْ الْقَلْبْ يْشِدْ اذْنَابْهَا --------------------------- عبدالستار زروقي

ياريتها ليام كي تسعدنا..//...اتبعد العذال ما تحسدنا ****** ياريتها تصدقنا..//..تحمي قلوب زمان ليها عشقنا قعدنا سنين طوال ماتفارقنا..//..شربنا كؤوس الود وتعاهدنا لكن حسدنا الغير ليها سبقنا ...//..دردر غدير مياهنا وشردنا ****** ياريتها ليام.. عبدالستار زروقي 2015-3-28

شَافِتْ عْيُونِي كْثِيرْ مَا نْكَذَّبْهَا..//..ضُحْكَةْ بْلَا تَبْرِيرْ شِنْهُو سْبَبْهَا ***** ضَحْكَة تْقُولْ ايجَانِي..//.. لاَ قْيُودْ تُرْبُطْنِي بِالّذِي يَهْوَانِي فِيهَا مَغَازِي مُبْهَمَة وِمْعَانِي..//..شَبْكَة تْنَصْبَتْ لِيكْ لاَ تُڨْرُبْهَا نْصَحْتِكْ نْصِيحَة والثَّمَنْ شْوَانِي..//..بَايِتْ نْعَانِي اهْوَالْ يِكْوِي لْهَبْهَا ****** وشافت عيوني كثير... عبدالستار زروقي 2015-3-28

نْحِبْ  # لُوغْتِي  وْنَمْقُتْ جهل عْرَبْهَا / مِنْ غِيرْهُمْ كَبْ سَعْدْهَا وْخَرَّبْهَا؟ نحب لوغتي ونعشقها / ونحب حروفها فوق السّما نرشقها زيّ النّجوم بعوينتي نرمقها / نكتب قصايد واصفة لعجبها قرآن وسنّة بشروا بمشرقها / وعلوم شقّت أرضنا ومغربها نحب لوغتي نجمّلها / بالسّجع والجناس ما تكملها انزيدها لطباق في محفلها / وانواع الجمل المسندة نعربها نعرف جميع أفعالها وعللها /والنّعت والمنعوت وغرايبها بلوغتي متميّز/ لا صلاة تصلح دونها يا عزيّز ونزيدها القرآن ولّوا زويّز / موحال تعطش دون ما تشربها بلوغتي على جميع الأمم نقيّز/ قدّاش الجهالة بضادنا نحاربها لا غيرهم شلّكها / ولا غيرهم زيّ الغسيل فْركها ولا غيرهم تبّع لغات تركها / تقولش عجم لا يوم فتحو كتبها ثروة عظيمة سابها وتركها / صاحب جهالة كان هو سببها نحب لوغتي ونحفظها / وفي كل فرصة للجميع نعرضها حتّى مع لجناس نا نفرضها / قاصي وداني يسْكروا لطربها ماهي صعيبة ع الّذي روّضها / تنقاد ليه الخيل في مرابضها عبدالستار زرّوقي

#زرّوقيات .. أَحِّيتْ القـَلْبْ واجَعْنِي......مِكْـــوِي بحَرّك يا دَايَا عْلَى الآهْ يـْبَاتْ مْفَزَّعْنِي....نِـــشْـكِيهْ وْلاَ من مْعَايَا نِسْتَاهِلْ ..آشْ مْرَجَّعْنِي.......لِـتْــرَابْ مـَـنـْـبـِتْ عْدَايَا عَامِينْ وْهُوَ مْضَيَّعْنِي........هَايـِمْ فِي مَفْرِقْ ثْــنـَايـَا القـَلـْبْ مُضَامْ مْلَوَّعْنِي......ضَايِعْ جِسْمِي فِي كْسَايَا يَا لِيتْ منْهُو ال يـَصْفَعْنِي ....ونـْحِسْ بِصْبحِي وْ مْسَايَا لاَ نْدَمْ الْيُومَ يـِنـْـفَعْنِي.........لا تـْـفـِيدْ مْعَاهْ الوْصَايَا لـَوْ مَرَّة فِي العمرِ يْطَاوَعْنِي...نـِغْـبـِرْ نــَنْسَى اللّي وْرَايَا

يَارِيتْ مَاضِينا يْزِيلَ أوْشَامَهْ / يَرْحَلْ بْعِيدُ و مَاعَلِيهِ مْلاَمَة يَارِيتْ لَوْ يِدَّرِّقْ............../ يَحْفِرْ خْنَادِقْ بِينْنَا وِيغَرِّقْ كُلْ مَا بْنِيتَهْ انْدَثَرْ وِ تْفَرِّقْ / مَابْقَاشْ مِنُّو غِيرْ هَاذِي عْلَامَة تِنْبِي عَلَى مَنْ صَابْنَا فِي الْمَفْرِقْ / نَاوِي يْسَيِّلْ دَمَّنَا بَازْلَامَهْ نَاوِي عَلَى فُرْقِتْنَا............ / بَعْدِ الْمَوَاجِعْ كَادْنَا وْ سَكِّتْنَا حَلِّ الْجَفَا وَاحْلاَفْهُمْ جَمْعِتْنَا / سُكْنُوا جَبَلْ الشْعَانْبِي وِسْمَامَة نَالُوا غَرَضْهُمْ مِنْ خَلَلْ قُوِّتْنَا / وِصْلُوا لْحَدْ فْرَاشْنَا الْعَزَّامَة يَارِيتْ مَاضِي و ْعَدَّا............ / وْيَارِيتْ ضَيِّقْنَا عَلِيهِ بْشِدَّةْ مَاكَانْ يَطْمَعْ فَي الَعَفُو مِنْ مُدَّةْ / حَتَّى سَلَبْ قْطِيعْنَا وْ خُدَّامَهْ وِتْعُودْ لَيْلَى بَعْدْ مُضِيِّ الْعِدَّةْ / وْ بَالِكْ تَرُدْ صَالُونَهَا الْحَجَّامَةْ عبدالسّتّار زرّوقي https://twitter.com/abdnaczarz…/…/542075290252345344/photo/1

حَطْيتْ رَاسِي عَ الْمَخَدَّة نْكُتْ....وْيَامَا لَيَالِي فُوتْ مَا كَتِّيتْ لَانِي مَرِيضْ وْلاَ عَلَى اللِّي غْدِتْ....وْلَابِي مَسَسْ مِنْ شُورْ مَا لاَقِيتْ لَكِنْ عَلىَ اللِّي بِالثَّرَى تِسْوِتْ....تَحْتَ اللُّحُودِ قْلَيِّبِي خَلِّيتْ مَنْ دَمْعْتِي حَرْمَلْ عَ الْخُدُودِ نْبِتْ....وْمِنْ آهْتِي الأَشْواكْ تُقْطِرْ زِيتْ كَانِتْ مَعَانَا عْلِيهَا الْعُيُونْ عْمِتْ....وِالْيُومْ غَابَتْ يَاوِيلْ مَاحَسِّيتْ يَا لَحْدْ تَحْتَكْ مَنْ عَلِيناَ فْنِتْ....وْ يَا قَبْرْ مَالِكْ لاَ تْرُدْ مَا خْذِيتْ؟ يَا(رِبْحْ) بَعْدِكْ الْعُيُونْ مَا رِتْ....وْ يَا قَلْبِ نَابِضْ آهْ لَوْ وَلِّيتْ. أَفْرَاحْ تِشْهِدْ يَامَا بِيهَا زْهِتْ....وْ يَا مُوتْ قُولْ انَّكْ بهَا خَفِّيتْ يَامَا الخِلَالَة فَي اللَّيَالِي دْوِتْ....الرَطَّابْ هَدْهِدْ سَامْعِي وِ غْفِيتْ يَا دَهْرْ انْطِقْ ..قُولْ يَامَا عْلِتْ....وْ يَا سَقْفِ هَوَّدْ مِنْ حِملِ البِيتْ بْعِينِي نْشُوفْ الْقَافْلَة كِي مْشِتْ....وْ بْعِيرْهَا حَثِّ الْخُطَى م...

ناموا... لعلّ في نومكم تصحوا الضّمائر. وآشخروا... لعلّ من شخيركم تنطلق رصاصة ثائر. ناموا ..وكلوا ..واشربوا وراودوا أحلامكم إنّ واقعكم تائه حائر ناموا ولاتدنّسوا يقظتكم فكلّ صاح شيطان والشّيطان من فعله الكبائر تدثّروا عن أنفسكم وتحت الغطاء اكبحوا تنفّسكم ولا تتهامسوا إلاّ رمزا ففوق رؤوسكم  الخوف طائر 2012/5/15