الجرحِ يَبْرَى وْتَِنْتَهِي لُوجِيعَهْ

الجُرْحْ يَبْرَى وْتَِنْتَهِي لُوجِيعَهْ/ يَاخَايْنِينْ الْعَهْدِ مَاذَا دْهَاكُمْ؟
دِرْتُو عَلِينَا حْرُوبْ جِدْ سْرِيعَهْ/ خِلْنَا بَقِينَا اعْدَاءْ كِي لْقِينَاكُمْ
هَذِي يِدِينَا مْوَشَّمَة بُوجِيعَهْ / يَامَا حَمَلْنَا اوْجَاعْكُمْ وَاعْبَاكُمْ
قِلاَعْ الصَّبْرِ فِي صُوبْكُمْ مْنِيعَهْ / خَرَّتْ جُنُودُ الْوَهْمِ عِنْدِ لْقَاكُمْ
فِينَا شُمُوخِ الطِّيرْ لاَ تَجْوِيعَهْ / لَوْ طَارْ حَلَّقْ فِي عُلُوِّ سْمَاكُمْ
وِانْتُمْ غَدَرْ الذِّيبْ ملاّ طَبِيعَهْ / أَلْيَاشْ تِرْعِبْ مَنْ قََعَدْ حْذَاكُمْ
قُلْنَا كَلاَمِ الْوِدْ عِْجبْ سْمِيعَهْ / فَ اسْمَاعْكُمْ يِنْحِبْ يْرِيدْ رْضَاكُمْ
قُلْتُمْ عَلِينَا اشْيَاءْ جِدْ فْضِيعَهْ / وْ عِزِّ الْكَلاَمْ انْقَالْ فِي شُورَاكُمْ
أَحْنَا حَمِينَا الزَّهْرِ فَصْلِ رْبِيعَهْ / وِانْتُمْ نَبَتْ الشُّوكْ فِي مَرْعَاكُمْ
يَامَنْ شَرِينَا يُومْ يسْهَلْ بِيعَهْ / لاَ تَغْدَرُوا أَحْبَابْ مَا تَنْسَاكُمْ
هَذَا حَنِينِي جَفْ نَهْرِ نْقِيعَهْ / وِانْتُمْ سُدُودِ الرَّيْ نُطْلُبْ مَاكُمْ

عبدالستار زروقي
https://twitter.com/abdnaczarzit/status/618543930989223936