تذكّرتك يا أمّيمة ... كثرت عليّ محوني

نتذكّرك ياأمّيمة تتحيّر عليّ محوني
بعد لهيبك ياجمر صار رماد كانوني
في حضورك بالذهب ما طالوني
في غيابك بسوم رخيص ساموني

تذكرتك ناري في الجاش تولّع
برحيلك ساسي مالدّار تقلّع
يومها ساعي لشفاك نتّطلّع
نواحاتهم من ثنيتي ردّوني

ماعرفت.. نكذّب ولاّ نصدّق
ولاّ حالم.. بعوينات تحدّق
حلّيت فمّي..حبّيت نصرخ ننطق
لقيت كلامي.. وحروفو خانوني

سابقت قلبي.. في طريق طويل
و الخطوة منّي.. نقدّرها بالميل
كلّ ما نقرّب.. نسمع صوت عويل
مادريت ..منين جاني المنديل
المدينةغرقتها.. بدمعات عيوني

عرفت خبااااارهم.. ماهو الكذّاب
لقيت ناسي... مستنّين ع الباب
تلقّيت خبرك من كلّ الأصحاب
ومن وقتها.. تركوني ونسوني

يا أمّيمة.. منهم صعقني الخبر
بكيت ..وناديت ترابك يا قبر
حلّفتك بالله.. يا كاتم السّرّ
ردّولي أمّيمتي.. وفي عوضهاخذوني

مازلت بذكرك متكدّر متوجّع
فكري لا يهدا لا يهجع
نتمنّى لحظة من زمانك ترجع
ليك لحمي نقطّعه بسنوني

لكن كل مانشوف صورتك يا أمّي
نحسّ دمّك يسري في دمّي
أنسى حالي ويمشي حزني وهمّي
ترجعلي راحتي ويعمّ سكوني


ياأمّيمة هاو جانا رمضان
تفكّرتك يا دانية الأغصان
عهد عليّ نختم القران
على روحك ياساكنةفي جفوني

رحلت وماعادت الّدّار دار
لاقريب يطلّ ولا ضحكات صغار
نبت الحرمل عوض النّوّار
وزيد يشرط ويقول أسقوني

شكون قلّك.. يا خويا دغدغني
حتّى تنبش خبر.. ديمة فاجعني
ولّي غاب عنّيّ وما ودّعني
مالي غيرها طيّبة وحنوني

رحلت...ورحلت معاك اللّمّة
راح الفرح..وحلّ زمان الغمّة
كان حسّك وخيالك كلّ ما فمّة
صبح المكان وصداه ينادوني

ياما تجاهلت كلمتك يا أمّيمة
تصوّرت أنّك باقية مع الزّمن ديمة
إنت إلّي فطنتي لدمعتي يافهيمة
يوم خابت في ناسي ظنوني

والله ...اليوم عرفت قدرك
وخاصمت الزّمان إلّي غدرك
لاشفقة ولارحمة عجّل بخبرك
ولاسويعة من أيّامك زادوني


الله يرحمك ويرحم تراب عظامك
ويرحم كلّ روح دايرة بمقامك
وكلّ من تلا الفاتحة على منامك
قولوا امين والفاتحة سمعوني

*عبد السّتّار زرّوقي




Ridha Mahmoudi ‎7LOUWA BARCHA ILKAIMET TJI GHNAYA KAN TISMA7LI ILLA7INHA NKOUN CHAKIRLIK
Il y a environ une heure · J’aime · 1 personne


الشاعر ناصر زيتوني Ridha Mahmoudi مرحبا صديقي الكريم....أشكرك على الإعجاب بكلمات القصيد....وهي فعلا مخصّصة لأن تكون أغنية.....وإذا أردت الحصول عليها....تعرف الإجراءات المتّبعة....لايهمّني المقابل المادّي أبدا...بقدر مايهمّني حفظ حقوق النّأليف.....يسعدني جدّا التّعامل معك صديقي الكريم...كما أنّ لي العديد من الأغاني المكتوبة...تنتظر من يلحّنها
Il y a 16 minutes · J’aime · 1 personne


Ridha Mahmoudi YA MAR7BA ANA JUSTE ILLA7INHA WKI NIL9A CHKOUN YGHANNIHA WA9THA IL 7O9OU9 NTA3IK MA7FOUTHA NCHALLA
Il y a 14 minutes · Je n’aime plus · 1 personne



Zarrouki Abdessattar Ridha Mahmoudi على الرّحب والسّعة أخي الكريم رضا.....إلّي فيه الخير ربّي يقربو....بالتّوفيق إن شاء الله
il y a environ une minute · J’aime

المشاركات الشائعة من هذه المدونة

♡" يازائر القيروان"♡

هديّة متواضعة منّي إلى مدينتي: قصيدة ♡" يازائر القيروان"♡ _____________________________ يَا زَائِرَ القَيْرَوَانِ مَهْلًا ☆☆ أَلَا فَسَلِّمْ عَلَى رُبَاها القـَلْبُ يَرْنُو لِلـَـثْمِ أَسْـوَا ☆☆ رِهَا وَمِنْ ثـُمَّ مَنْ بَنَاهَا والعَيْنُ مُشْتَاقَـةٌ لِمَرْأَى ☆☆ دِيَارِهَا قـَبْلَ أَنْ تَرَاهَا عَرِّجْ عَلَى مَسْجِدٍ وَأَلـْقِ ☆☆ تَحِيَّة ً دُونَمَا سِوَِاهَا وَابْعَثْ لـَنَا مِنْ بَخُورِ أَسْوَا ☆☆ قِهَا عُطورًا وَمِنْ َشَذَاهَا وَانْعَمْ بِطِيبِ الهَوَاءِ دَوْمًا ☆☆ يَفُوحُ مِنْهَا عَلَى مَدَاهَا لـَوْ َأنَّ لِي أَجْنُحًا جَنَحْتُ ☆☆ إِلَيْكِ يَا قَيْرَوَانُ وَاهَا هَلْ ِمنْ سَبِيلٍ إِلَيْكِ يُرْسِي ☆☆ بِنَا عَلَى وِجْنَـتَـيْكِ آهَا غَنَّيْتُ لِلْقَيْرَوَانِ حَتَّى ☆☆ تَوَرَّدَ الْـبَدْرُ فِــي سَمَاهَـا أَفْنَيْتُ عُمْرًا يَفُوقُ عُمْرِي ☆☆ أَصُوغُ وَصْفًـاً يَـفِي بَهَاهَا وَ الشِّعْرُ يَحْتَارُ إِذْ يَرَاهَا ☆☆ فَـَكيْفَ شِـْعـرِي وَمَا رَآهَا فَأَوْقَدَتْ فِي الفُؤَادِ وَقْدًا ☆☆ تَأَجَّجَتْ فِي الْحَشَ...
قراءة المزيد

من شربنا للبيبسي والكوكة كرامتنا مدعوكةوأرضنا مابين يدنا مفكوكة_من شربنا للبيبسيمانثبت على اتّجاه كيف التّبسينشعل ونطفى في مثيل السّبسيمابين زوز شفاه لخالتي مبروكةوالفرق واضح بين رخفتك وكبسيمن رخفتك دمنا سال في المسكوكة_من شربنا تبنّنابفلوسنا شرينا مشروبنا وتهُنّاكل من شرب كاثر شخيره ننّا واللّي نهض حرق ب شقفته وفلوكةفي فمّنا القطران قلنا بنّةواللّي رضع الذّلّ صعب تروكه _من شربنا تقرّعناخرجت كشاكش بلنا ورتعناوسط المراعي سارحين وجُعنارغم الحشايش مكدّسة ومتروكة.صراخ اولادنا ف أرضنا وجّعنا نسانا سبايا وأرضنا مملوكة._مانقول البيبسي وحدهاو لايحة البويكوت تو نجبدهاكراهب ودخّان ما نعدّدهاوأجهزة في السوق بالدّربوكةإشهار في التلفاز ما يفقدهاتقول حياتنا بلا ها تتبلوكة_تحرم علي العيشةوتحرم علي مثل هذي حشيشةنرسم وشم ف جبهتي ونقيشةلو كان نشري الماركة المشكوكةبيها عدوّي نافش عليّا ريشةكبر دجاجه وسرح في قمحنا سردوكه_مانقد هذا وحديوشكون غيرك سند لي وعضديخويا وصديقي ولد ريف وبلديمن غدوة تروح من حلقنا هالشّوكةهذي وصيتي لولد ولد ولديكي نعدي بقية حياتنا شكشوكة.

قراءة المزيد