عبد السّتّار زرّوقي

 مِنْ بَابِكْ يَاغَزَّةْ دْخَلْنَا........مْشِينَا عْلَى تْرَابِكْ فِي خْشُوعْ حْمِدْنَا كَبَّرْنَا وْهَلَّلْنَا.........جِينَاكِي نْهَنِّي فِي جْمُوعْ جِينَاكِي وْفِي قْلُوبْنَا أَفْرَاحْ....مِنْ مُدَّةْ بْعِيدَةْ نْسِينَاهَا لُولاَكِي كَانْ كُلُّو رَاحْ......وِالدَّمْعَةْ حْزِينَةْ سْكِبْنَاهَا نْهَنِّيكِي عْلَى هَذَا نْجَاحْ.....بِنْتِيجَةْ أَعْلَى مَجْمُوعْ خَطَّطْتِي بْإِرَادَةْ وْكِفَاحْ......وَعْزِيمَةْ مَافِيهَا خْضُوعْ بَابْ العِزَّةْ لِينَا تْحَلْ......مِنْ غَزَّةْ بْلاَدِ الشَّهِيدْ انْتِي أُمْ الدُّنْيَا الكُلْ.....انْتِ الْفَرْحَةْ وْزْغَارِيدْ مِنْ شَمْسِكْ كَوَّنَّا الظُّلْ.....مْنِ ظْلاَمِكْ نُوقِدْ شْمُوعْ بْرِيقْ دَمْعِكْ عْلِينَا طَلْ......ضَوَّى الدُّنْيَا وْكُلْ رْبُوعْ ............. عبدالسّتّار زرّوقي

 ياضاوية كالشمس وسط فلاتي/موحال ليلي تنطفيله نجومه لا نور يسطع من حبر دواتي/لا  الكون يغنم من بحر علومه لولا الثقافة ما نڨول ابياتي/لا الشعر يرڨى لا القوافي ترومه لا بر يصافح بالامل مرساتي/ لا طبّ يڨلع م البدن سمومه نشّيد حضارة حاملة لبصماتي/تبڨى الكتابة ظاهرة ومفهومة هاذي الفنون مبيّنة لوصلاتي/وعذب النّغم تصدرو الڨرجومة تاريخنا كتب ما مضى والٱتي/صوّر أمم عل جالها محرومة وكيف الشعوب اجتازت الويلات/لولا الثقافة لابڨت معدومة واحنا العرب في البحر العاتي/لا بوصلة تهدي لا الّطريڨ معلومة وين السبيل؟وينو حبل نجاتي؟/ وكيف المراكب عايدة مهزومة؟ فين الخوارزمي وفين البياتي/وفين ابن سينا والحيا مقسومة كيف البنادڨ هاجرت طلڨاتي؟/والروح تزهڨ والنفوس مكلومة باسم الثّقافة نعتلي درجاتي/ وباسم الثقافة وجهتي معلومة بيها صحيت من عميڨ سباتي/ بيها تدوّي كلمتي المكتومة الّدور تحيا وترتفع راياتي / نمسك قلم والمنجل وڨادومة نزرع روابي نسڨها من ذاتي/ناكل حصادي ون في سومه لولا الثقافة ماضوت نجماتي/  تاريخ يشهد عل جميع صولاتي/واليوم دنكس رايته مشلومة /تاهت خطوطي بين القلم وبلومة  نحدّد هدف نرسم ع...