عبد السّتّار زرّوقي

 يَا صُورَة لْوَطْنِِي نُرْسُمْهَا / أَسْوِدْ..بُنَِي وَأحْمَرْ قَانِي وِبْقِيّةْ أَلْوَانِي نِعْدِمْهَا / لَا تَصْلَحْ فِي مثْلْ مْكَانِي مِنْ غِيرْ مَا تْرَاهَا تِفْهِمْهَا / وِ الْوَاقِعْ سِيدِ الْمَعَانِي نْخَبِّيهَا لَكِنْ مُعْظَمْهَا / تَحْتَلْ مْكَانِي وِ زْمَانِي #عبدالسّتّارزرّوقي

 في عالمي الافتراضي: ظلال وهمية .. اسماء رمزية.. حروف لا ابجدية.. تخاطبني من وراء ستار رغم شدة اعتراضي رغم رضوخي وامتعاضي رغم برد المسافة قالوا عني بجحافة انني.. من بقايا الماضي __________________ عبدالستار زروقي

 يَا رَاحِلَة..انتي غَطَايَا وْزَادِي **** نِبْغِي نْشُوفِكْ وِالثِنِيَّة طْوِيلَـهْ قَلْبِي سجِين هواك ديما يْنادي**** وِالْفِكْرْ عَاجِزْ مَا يْجُودْ بحِيلَهْ الْعِينْ باتتْ في حضان سْهادي **** لَا النُّومْ كحّلْ رِمْشْها في ليلهْ والشُّوقْ جَمْرهْ حارقتْلي أفّادي**** وِالآهْ..خِيلْ مْزمْجْراتْ صْهيـلهْ قلبي يسابق خطوتك ياجيادي **** طَاير معَ الْـخُطَّافْ عِنْـدْ رْحِيلَهْ انْتِي شمُوع الْوِدّ وانْتِي مْرَادِي **** صَابرْ نعَاندْ جَذْوَتِكْ يَا فْتِيلَهْ رمَادِكْ يْلَمْلِمْ فِي الْحَنِينْ رمَادْي **** ِ صَاحْ الْفَجِرْ خَبَّرْ عليِكِ قْتِيلَهْ يَا شُوقْ حُكْمِكْ بَانْ عَـالْـوجْهِ بَادِي ****حَطَّمْ جدَارْ الصَّبِر بِمْـعَاوِيلَهْ والهَجْر جَفَّفْلِي منَابِعْ وَادِي**** مَا عَادْ عُصْفُور الهَوَى يْغنِّيلَهْ فَ اطْنَابْ قَلْبِي لِيشْ طَقْ كْسَادِي**** مْالقْيتْ صَاحِبْ يَا رفَاقْي يشِيلَهْ حَتَّى خيَامِي هَاجْرِتْهَا وْتَادِي****والرِّيحْ عَرّتْهَا بنِسْـمَة قلِيلَة وجْه القَمَرْ طَاغِي علِيــهْ سْوَادِي **** خَلَّى الظَّلَامْ يْلَوَّحْ بِمَنْادِيلَهْ كُثْرِتْ محُونِي مِنْ شدِيدْ...