عبد السّتّار زرّوقي

يَا رَاحِلَة..انْتِي غَطَايَا وْزَادِي **** نِبْغِي نْشُوفِكْ وِالثِنِيَّة طْوِيلَـهْ قَلْبِي سجِين هواك ديما يْنادي**** وِالْفِكْرْ عَاجِزْ مَا يْجُودْ بحِيلَهْ الْعِينْ باتتْ في حضان سْهادي **** لَا النُّومْ كحّلْ رِمْشْها في ليلهْ والشُّوقْ جَمْرهْ حارقتْلي أفّادي**** وِالآهْ..خِيلْ مْزمْجْراتْ صْهيـلهْ قلبي يسابق خطوتك ياجيادي **** طَاير معَ الْـخُطَّافْ عِنْـدْ رْحِيلَهْ انْتِي شمُوع الْوِدّ وانْتِي مْرَادِي **** صَابرْ نعَاندْ جَذْوَتِكْ يَا فْتِيلَهْ رمَادِكْ يْلَمْلِمْ فِي الْحَنِينْ رمَادْي **** ِ صَاحْ الْفَجِرْ خَبَّرْ عليِكِ قْتِيلَهْ يَا شُوقْ حُكْمِكْ بَانْ عَـالْـوجْهِ بَادِي ****حَطَّمْ جدَارْ الصَّبِر بِمْـعَاوِيلَهْ والهَجْر جَفَّفْلِي منَابِعْ وَادِي**** مَا عَادْ عُصْفُور الهَوَى يْغنِّيلَهْ فَ اطْنَابْ قَلْبِي لِيشْ طَقْ كْسَادِي**** مْالقْيتْ صَاحِبْ يَا رفَاقْي يشِيلَهْ حَتَّى خيَامِي هَاجْرِتْهَا وْتَادِي****والرِّيحْ عَرّتْهَا بنِسْـمَة قلِيلَة وجْه القَمَرْ طَاغِي علِيــهْ سْو...

نَا بْــلاَدِي بِضْنَاهَـــا حِبْلَـــــى === و مْخَاضْهَا ظَاهِرْلِي عْسِيرْ نْرَادَعْهَـــا.. نْوَجَّهْهَــا لِلْقِبْلَــــة === نَلْقَـــاهَــا لِلظَّهْـرَا تْسِيـــرْ نُرْسُــمْ عْلَى جْبِينْهَـا القُبْـلَــة === يِمْسَحْــــهَا بُــولْ البَعِيـــرْ مِتْوَحْمَة عْلَى الزُّكْـرَة وِالطََّبْلََـة === يـَـاخُوفِـي تْجِيبِلْنـَا بَنْدِيـــرْ عبدالستار زرّوقي 2012/10/20

تْأَمَّلْنِي تْرَاشْ فِيَّ ذَاتِكْ / بَالِكْ هَرْبَتْلِي وِنْسَاتِكْ بَالِكْ تْرَى فِيَّ عْيُوِنكْ / هَرْبُولِي مِنْ تَحْتْ جْفُونِكْ قَالُولِي يَا أَسْمَرْ فِي لُونِكْ/ فَمَّة سِرْ غَامِضْ فِي حْيَاتِكْ خَلَِّيتْنَا فْ حِيرَة مِنْ ُدُونِكْ / جْلِبْنَا السِّحْرْ اللِّي فْ غَمْزَاتِكْ تْأَمَّلْنِي تْرَاشْ فِيَّ كِلْمَة/ هَرْبَتْلِي فِي لِيلَة ظَلْمَة فَدِّتْ مْنِ الوَاقِعْ وِالحِلْمَة / وِالزَّحْمَة اللِّي مِنّْي خْذَاتِكْ مْنَايَا نِجْتَمْعُوا فِي لَمَّة / تُخْرُجْ و يحَرَّرْهَا سْكَاتِكْ تْأَمَّلْنِي تْرَاشْ فِيَّ ذَاتِكْ / بَالِكْ هَرْبَتْلِي وِنْسَاتِكْ عبدالستار زروقي 2013/10/07

أحبيني.. أو لا تحبيني فقربك قصيده وبعدك قصيدة وبين القصد والصد وبين الجزر والمد يقلع الشعر ليحييني.. احمليني.. في قلبك كرها أو ابني لي في الوهم صرحا فقلبي مشرعة نوافذه ولهيب الرد يغريني.. عبدالستار زروقي

قولولها ياناس والله ماهو بيدي من صبري فاض الكاس سبق النفس تنهيدي عندي غريب أحساس ناوي على تشريدي زارع في وسواس وانت السبب ياريدي دفعت في المحبة ألماس لقيتك في غلاك تزيدي ويوم ما غلبني نعاس نلقى لباسي كريدي عبدالسّتّار زرّوقي 2013/10/05