عبد السّتّار زرّوقي

صبّرتك يا القلب عوض الصّبر صبرين وكفكفت دمعتك بدل الدّقيقة ليالي رجّعتها لمقلتك بعد المرّة مرّتين كالسّيف داخل في غمد أوصالي يا كاس الصّبر المرّ قلّي لمتين يفضل طعم مرّك للقلب مالي بين الآه و الآه تنطلق آهتين وثالث الآه تهزم دمعتي طوّالي انت الحكم وبحكمك أحنا راضيين وانت الخصم دايما طالب نزالي عبدالسّتّار زرّوقي عبدالسّتّار زرّوقي

تْجَرَّعْتْ غْيَابِكْ رَشْفَة وْرَا رَشْفَــة / لْقِيـْتْ فِيـهْ مْرَارَة مَالْهَاشْ مْثِيـــلْ جَـرَّبْتْ نَاخُـذْ مْنِ الجمل ليه وَصْفَة / كل ما زدت الصّبر بَانْ فِيهْ قْلِيـــلْ هَزِّيتْ حَالِي وْرُحْتْ لِلْمُسْتَشْفَــى / وِ الخُطْــــوَة منّي قدّرتها بالمِيــلْ قَرَّبْ الطَّبِيبْ لْصَدْرِي بَعْدْمَا كِشْفَـهْ / سَمَعْ فيه دوي كِي صَهِيلْ الخِيلْ قَال هَالقَلْبْ صَعْبْ يْلَاقِي حَتْفَــــهْ / أصـل القُلُــوبْ لازم إلِيــهْ تْمِـيـــلْ لَازِمْ يْجِي يُومْ وْمنِ الْمَرَارَة يِشْفَـى/ وْ مُــرْ الْفراق كِــي عَابِـــرْ سَبِيـلْ عبدالسّتار زرّوقي 2013/6/08

لاَرُمْتْ اللَّحْسْ والتَّلْحِيسْ وْلَا اللَّحَّاسَة وَلَا كُنْتْ مْنِ النَّقَّاعِينْ فِي هَاكْ نْحَاسَة اللِّي كَسْكَاسَهَا فِي السَّمَا رَافَعْ رَاسَهْ وِالقَفِيلَة غَاطْسَة فِي حُوضْ مَاهْ نْجَاسَة تْنُوضْ النَّارْ مِنْ تَحْتَهَا فِيْ مْثْيلْ رْصَاصَة مِتْغَذِّيَة بِالدَّمْ وِالْعَرَقْ مِنْ كُلْ بْلَاصَة مَنْ كَلَى مِنْهَا فِي الْحِينْ فْقِدْ احْسَاسَهْ وْمِنْ شَمْ رِيحَهَا يَسْوَادْ بِيهْ لْبَاسَهْ يْعُودْ يْلُومْ الْبِيتْ وْ يِتْسَتِّرْ عَلْى حُرَّاسَهْ يْسَيِّبْ لَحْمَارْ ويعَاقِبْ بِالذَّنْبْ جَرْدْ حْلَاسَة يَاوِيلْ فِعْلِكْ الْيُومْ بَكَّى الْقَلَمْ عََلَى الْكُرَّاسَة وْيَاوِيلِكْ مِنْ نَاقُوسْ الخَطَرْ دَقْ لِيكْ اجْرَاسَهْ ع/ز