عبد السّتّار زرّوقي

عبدالستّار زرّوقي يـِزِّينِي مِنِّكْ يَا دُنْيَا.......مَاحَاجْتِي مِنِّكْ بْْـشَيْ النَّاسْ فِي العِيشَة الهَانِيَة....وَانَا تـِكْوِينـِي كَيْ ذَا مَرََّة ضْحَكْتِلِي فِي ثـَانِيَة.....تـِرْجَعِي تـِشْوِيِنِي شَيْ لاَ عُمْرِي نِجْرِي وْرَا فَانِيَة........لاَ تْقُـلِّكْ اسْتَنِّينِي شْوَيْ عبدالستّار زرّوقي 12/8/29

#زرّوقيات .. أَحِّيتْ القـَلْبْ واجَعْنِي......مِكْـــوِي بحَرّك يا دَايَا عْلَى الآهْ يـْبَاتْ مْفَزَّعْنِي....نِـــشْـكِيهْ وْلاَ من مْعَايَا نِسْتَاهِلْ ..آشْ مْرَجَّعْنِي.......لِـتْــرَابْ مـَـنـْـبـِتْ عْدَايَا عَامِينْ وْهُوَ مْضَيَّعْنِي........هَايـِمْ فِي مَفْرِقْ ثْــنـَايـَا القـَلـْبْ مُضَامْ مْلَوَّعْنِي......ضَايِعْ جِسْمِي فِي كْسَايَا يَا لِيتْ منْهُو ال يـَصْفَعْنِي ....ونـْحِسْ بِصْبحِي وْ مْسَايَا لاَ نْدَمْ الْيُومَ يـِنـْـفَعْنِي.........لا تـْـفـِيدْ مْعَاهْ الوْصَايَا لـَوْ مَرَّة فِي العمرِ يْطَاوَعْنِي...نـِغْـبـِرْ نــَنْسَى اللّي وْرَايَا عبدالسّتّار زرّوقي

كنت أتمنّاها ثورة عقول...فكانت ثورة أجساد... وأردتها ثورة صاحب الحمار....فلقيتها ...ثورة الحمار على صاحبه... عبدالسّتّار زرّوقي 17_8_2012

لإبداع مكبّل بالأصفاد والأغلال....خير عندي من حرّيّة تجرّ أذيال الميوعة  والإبتذال... ( عبدالسّتّار زرّوقي)16_8_2012 —

إذا فتحت نافذة الحرّيّة على مصراعيها....سيضطرّ الفساد إلى الدّخول من الباب... عبدالستار زرّوقي 2012_8_16 

يَا زَائِرَ القَيْرَوَانِ مَهْلًا = أَلَا فَسَلِّمْ عَلَى رُبَاهَا فَالعَيْنُ مُشْتَاقَـةٌ لِمَرْأَى = دِيَارِهَا قـَبْلَ أَنْ تَرَاهَا وَالقـَلْبُ يَرْنُو لِلـَـثْمِ أَسْـوَا= رِهَا وَمِنْ ثـُمَّ مَنْ بَنَاهَا عَرِّجْ عَلَى مَسْجِدٍ وَأَلـْقِ= تَحِيَّة ً طَاوَلَتْ سَمَاهَا  وَانْعَمْ بِطِيبِ الهَوَاءِ دَوْمًا= يَفُوحُ مِنْهَا عَلَى مَدَاهَا  وَابْعَثْ لـَنَا مِنْ بَخُورِأَسْوَا = قِهَا عُطُورًا وَمِنْ َشَذَاهَا  لـَوْ َأنَّ لِي أَجْنُحًا جَنَحْتُ = إِلَيْكِ يَا قَيْرَوَانُ وَاهَا هَلْ ِمنْ سَبِيلٍ إِلَيْكِ يُرْسِي= بِنَا عَلَى وِجْنَ ـ تَـيْ ــ كِ آهَا   مَاعَادَ لِي أَنْ أُطِيقَ صَبْرًا= حَبِيبَةً مَالَنَا سِوَاهَا يَاحَادِيَ العِيرِسِرْهَـنِيئًا = لـَكَ الْـمُعِينَاتُ  فِي ثـَرَاهَا نَمْ وَاسْتَرَحْ بَيْنَ قَوْمِهَا مَا = تَخِيبُ فِيه ِمْ وَمَا تُضَاهَى عبدالستار زرّوقي 2012_8_11

يافاضي شغل / ياقاتل فيك الأمل راك انت الكل / انت تسكّر وانت تحل قدّامك سبل / فيها الشهد ..فيها عسل عجّل وطل / ما تفوّت حتّى عمل بيديك الحل / هذا الشّوك وهذا الفل نحّي الكسل / لاتتراجع يا بطل عبدالسّتّار زرّوقي 2012/8/11

الإبن = يا أبي...كم بقي لنا لنبلغ ديار الحضارة....؟؟؟؟ الأب = يا بنيّ...لم تطأ أقدامنا بعد بني " حرف الحاء "... عبدالسّتّار زرّوقي 2012/8/09

يَا مْشَعِّلْ النَّارْ / انْفُخْ فِي مْوَاقِيدْهَا حَوِّلْهَا لْدَمَارْ / نَارْ الفِتْنَة وْقِيدْهَا غَذِّيهَا بْإِصْرَارْ / رِيحْ النِّقْمَة زِيدْهَا لَاتَنْسَى الأَقْدَارْ / تْجَدِّدْ مْوَاعِيدْهَا تَاخُذْ مْنِ الأَشْرَارْ / حْطَبْهَا وْ عْبِيدْهَا تَرْجَعْ عَلِّي جَارْ / يْكُونْ انْتَ رْصِيدْهَا عبدالسّتّار زرّوقي 2012/8/09

أَغْلِي يَا شَارِعْ /  وْ زِيدْ شْوَيَّة غَلَيَانْ أَغْلِي  وْ سَارِعْ / نْحِبِّكْ تُوصِلْ لِلْعِصْيَانْ نَا لـْقِيتـِكْ بَارِعْ  /  مَا تـْقُودِكْ كَانْ العِمْيَانْ طُولْ عُمْرِكْ هَارِعْ / تِجْرِي وْرَا صٌوتْ الغِرْبَانْ  عَمِّلْ عَالكـَارِعْ  / حْيَاتِكْ تْعَدِّيهَا حَفْيَانْ عبدالسّتّار زرّوقي 2012/8/09

شَــعْـبُُ َأْبـْـــــلَـــهٌ..........يَ ــــــمْشِــــــي وَرَاءَ ظِلّـِـــــــــهِ.... عبدالستار زرّوقي

وحدك  يا شعبي......يا مزوّد في همّي وتعبي عايش في رعبي  ........العين تدمع والقلب معبّي  وحدك يا شعبي......اللّي شفت معاك كل غلبي لو تعرف ربّي ............ماتبخل عليّ وتخبّي ماتبخل على بلادك....وكر اولادك وعرق أجدادك تبيعها في مزادك ......تفرح كيف الكونت معبّي 2012/8/08

ـ البحر الْمُجْتَثُّ مُتَفْعِ لُنْ/ فَاْعِلاتُنْ/ مُتَفْعِ لُنْ/ فَاْعِلاتُنْ أَتَيْتَ جُرْمَا شَنِيعَا === بِهِ أََهَنْـتَ الْبِلَادَ وَبِتَّ ذِئْبًا مُرِيعًا ===  يَبُثُّ فِينَا الفَسَادَ فَكَيْفَ تَهْوَى صَنِيعًا === يَنِمُّ عَنْهُ الْعِنَادُ أَلَسْتَ جِرْذًا وَضِيعًا === أَفَاقَ بَعْدَ الرُّقَاِد؟ تَهِيمُ وَقْتَ الْهَجِيعِ === تَرُِومُ نَجْمَ السََّوَادِ تَنَامُ نَوْمَ الرَّضِيعِ === ضَمِيرُكَ فِي نَفَادٍ أَقَمْتَ جُحْرًا صَدِيعًا === وَنَوْمُكَ مِنْ سُهَادٍ  وَدُسْتَ آيَ السَّمِيعِ === لَبِئْسَ نَيْلُ الْمُرَادِ؟ سَجَنْتَ زَهْرَ الرََّبِِيعِِ === مُكَبَّلًا باِلصِّفَادِ هَدَيْتَهُ لِلصَّقِيعِ === وَأَنْتَ إِبْنُ الْجَرَادِ فَلَنْ تَكُونَ الرَّفِيعَ === وَأَنْتَ سَقْطُ الْعِبَادِ وَأنْتَ جَرْوُ الْقَطِيعِ === تَسِيرُ خَلْفَ الْمُنَادِ ِوَكُنْتَ حَمْلًا تَبِيعًا === كَمِثْلِ حَبْلِ الْقِيَادِ  وَإِنَّكَ الْعَبْدُ رَيْعٌ === تُسَاقُ خَلْفَ الْجِيَادِ مَكَرْتَ مَكْرَ الْجَمِيعِ === وَمَكْرُكُمْ لَنْ يُعَادَ َسَلَكْتَ دَرْبَ الرَّجِيعِ ===  لَقِيتَ م...

يَا زَهْرِي قُومْ / يَا زَهْرِي يِزِّي مِالنُّومْ لَا فـِقْتْ يـُومْ / لَارِيتِكْ مْعَ النَّاسْ تـْعُومْ لَاَ رِيتـِكْ فَايـِقْ / لَا شُـفـْـتـِكْ لِلدِّنْيَا سَايِـِقْ غِيرْ بَعْضْ دْقَايـِقْ / وَقْتْ اللـِّي رْخُصْ السّـُومْ لاَ رِيتـِكْ جَايْ / غِيرْ مَرَّة فِي شْهَرْ مَايْ جَايِبْ التـَّايْ / تْرَكْرِكْ وْلَاَ حَالْ يْدُومْ يَاوِلْدِي فِزْ / رَاكْ وَصَّلـْتـْنِي لِلْزَزْ الحَالْ كَـَزْ / نـْتـِنْ أَكْثِرْ مِنْ فَصْ الثّـُّومْ دِيمَة مُتْخُبِّي / لاَ مَرَّة رِيتـِكْ مْعِبِّي الصَّبْرْ لـْرَبِّي / الرُّوحْ وِصْلِتْ لِلْحَلـْقـُومْ   (عبدالسّتّار زرّوقي) 2012/8/03

لَا تِــكَشَّرِي عَلِينَا يَادُنْيَا   /  وْ لَا تـِوَرِّينَا مِنِّكْ أَنْيَابْ مِهْمَا كَشَّرْتِ إِنْتِ فَانِيَة  /  مَصِيرَكْ  لْدُودِ التُّراَبْ أَحْيَانًا تِكُونِي غَانِيَة        / لَابْسَة مِنْ أَجْمِلْ ثِيَابْ تـِوَرِّينَا العِيشَة هَانـِيَة       /  وْتِسْرَقِي مِنَّا الأَحْبَابْ وْ أَحْيَانًا تِيجِي فِي ثَانِيَة   / تـِدُقـِّي عَلِينَا البَابْ وِلَوْ رَجَعْتِ مَرَّة ثَانِيَة        /  نِرْكَبْ مِنْ بَحْرِكْ عُبَابْ غَرِيبْ أَمْرِكْ يَا دُنْيَا           /  مَالـِقِيتْـشْ لـْ حِيرْتِي جَوَابْ عبدالسّتّار زرّوقي 2012/8/03

لاَ حَدْ خِيرْ مِنْ حَدْ....وَاحِدْ سْرَقْ...وْ لاَخِـرْ مْعَاهْ شْهِدْ...برَّة تَوَّة آشْكُونْ تْشِدْ يَا عَبْد الصّمَدْ.....الأَوَّلْ سَرْقِكْ بِالجُمُعَة.....الثَّانِي رَاجَعْلِكْ يُومْ الأَحَدْ...... عبدالسّتّار زرّوقي 2012/8/02 

يَا مَوَّالْ الفَرَحْ / عَدِّي عَلَى بْيُوتْنَا مَيِّلْ عَلِّي إنْجَرَحْ / آهَاتْنَا فِي سْكُوتْنَا بَابْنَا لِيكْ انْفَتَحْ / نِتْرَجَّاكْ لَا تْفُوتْنَا طَرِيقِكْ لِينَا اتَّضَحْ / لاَ تْسَبِّبْ فِي سْقُوطْنَا ****   يَا مَوَّالْ الفَرَحْ / لَا تْكَتِّمْ عَلَى صُوتْنَا عِزْ العُمُرْ انْطَرَحْ / نِسْـتَنّـَى فِي مُـوتْــنَا بِينْ المَغِيبْ وِالصُّبُحْ / بِالصَّبْرِ نِعَدِّي قُوتْنَا وْ ضَوْ النَّه َارْ مَسَحْ / مَا تِبَقَّى مِنْ خُيُوطْنَا ****  َيا مَوَّالْ الفَرَحْ / دُقْ عَلَى ابْوَابْنَا القَلْبْ لِيكْ انْشَرَحْ / لاَ تْوَقِّفْ عَلَى أَعْتَابْنَا لا تِبْخَلْ وَلاَ تِشِحْ / وَ لاَ تِيجِي فِي غْيَابْنَا وانْ جِيتْ مِثْلِ الشَّبَحْ / تِخَلِّينَا عَلَى أَعْصَابْنَا **** يَا مَوَّالْ الفَرَحْ / خَلِّيكْ مْنِ اصْحَابْنَا كُلْ مَنْ زُرْتُو رَبِحْ / وَاحْنَا إِيهْ اللِّي نَابْنَا شِرِبْنَا مْنِ مُرِّ القَدَحْ / طَعْمُو طَوِّلْ عَذَابْنَا وْطُولْ الصَّبْرِ ذَبَحْ / قَطَعْ لِينَا رِقَابْنَا **** دُقْ لِينَا طَبْلِكْ / سَمَّعْنَا أَهَازِيجَكْ لاَ بَعْدَ...