عبد السّتّار زرّوقي

لاَ تـْقُولِي فَاتْ الفُوتْ / خَطْبُونِي بَرَّة فُوتْ أَنَا مِنْ يُومْ عْرَفْتِكْ / تـَبّـَعْتْ ثـْنـِيَّةِ المُوتْ لاتورّيني صبا عك / هالدّبلة ماهي متاعك اللّ ـِ ي قـَالـُوا عـَلـَيَّ بَاعِكْ / يَامَا كـِتـْبـُوا عَ الحُوتْ هـَزْمُوكْ فِي أَوِّلْ صْرَاعِكْ / حَط ـُّ ونِي فِي التّـَابُوتْ *** لـَوْ تـِدْرِي عـَل ـِّ ي صَايـِرْ / فِي الغُرْبَة ذُقـْتْ المَرَايـِرْ عـْـفـَسـْتْ عْلـَى  الجَمَايـِرْ / وِشْرِيتـْلـِكْ اليَاقـُوتْ لَكِن ْ تـَـبّـَعْتِ الجَرَايـِرْ / سَكّ ـَّ رْتِ عَلَيَّ الصّوُتْ البقيّة...... عبدالسّتّار زرّوقي 2012/6/30

ثـَوْرِتْنَا مِلْكُُ لِلشَّعْبْ / ماهي لفئة ماهي لحزب ذُقْنَا المُرْ..حْمِلْنَا التَّعْبْ / شُفْنَا فِيهَا الوقْتْ الصَّعْبْ بثورتنا نسجنا غطانا / فكّيناه من اللّي عرّانا هي علاجنا وهي دوانا / 2012/6/29

سُبْحَانُو رَبِّي وَصِّـلْ وْسَلِّـــــمْ === وَرَّانَـــا مِنْ آيَاتـُو حَتَّى نـِتْـعَلِّـــمْ فِي بْلَادِي البَكُّوشْ نْطَقْ تـْـكَلَّمْ=== طْلَعْ فِي إِعْلَامْنَا يْفَسِّرْ وِيفَهِّمْ طُـــولْ الدَّهَرْ عْوِينَاتـَهْ تُـخْـــــزُرْ === لَا يـِفْدِرْ يِهْزِمَكْ َولَا يـُنـْصُـــــرْ صَــــبَحْ فِينَـــا يْتْطَاوِلْ يِتْكَبَّــــــرْ === لِلشّْبُوكْ شَارِي وِْ لِلْبَلَا مِتْحَزِّمْ عبدالستار زرّوقي   29_6_2012

تـْلـَمُّوا بِيكْ يَاحَلّـُومَة  /  قـْطَاطِسْ وِكْلَابْ الحُومَة شَمُّوا فِي طْـبِيخِكْ الرِّيحَة / لاَ تـْخـَلّـِي حُوتْ وْلَا زْهُومَة لا َتـْلـُومِيهُمْ عـْلَى هَالـلـَّمّـَة / لا َيَعْرْفُوا جَعْرَة لَا حْشُومَة فِيهُمْ اللِّي يـِنْبِشْ وِاللِّي يـْبَرْبِشْ / وِاللِّي يَحْفِرْ بِالقـَادُومَة وِاللِّي عْصَاهْ دِيمَة فِي العَجْلَة / وِاللِّي يْشَعِّلْ فِي المَرْدُومَة وِاللِّي يْمَعْوِشْ وِاللِّي يِنْبَحْ / وِاللِّي يِنْعِقْ كِيفْ البُومَة هَذِي عِصَابَة بْتَارِيخْ / يَامَا سِفْكُوا مِنْ دْمُومَة مَاعْجِبْهُمْشْ خَطْ قـْلَمْ / يْحِنُّوا لِكْتِيبَةْ البْلُومَة   كِي تـْقـُولِلْهُمْ "شِرْ " وْ "كِسْ" / طـُولْ يـْنَقْزُوا عَ الكْرُومَة   بَابَاهُمْ خَلَاّهُمْ وَهْرَبْ / تـَوَّة مْرُبِّيهُمْ "سْلُومَة"   لـَمْهُمْ مِنْ فـْيَافـِي وْشُعَبْ / بْكَاتْ الـلّـِي كَانِتْ مَصْدُومَة   تـَمْثِيلِيَّة مْعَ شَغَبْ  / نْهَايِتْهُمْ بَاتِتْ مَعْلـُومَة   يـَرْجْعُوا يْدُورُوا عْلَى النّْصُبْ / بِينْ البَصْلَة وْبِينْ الثّـُومَة    201...

الأَيّـَامْ وِالمَكـْـتـُوب  لـِثْـنـِينْ تـْـنـَاسُونِي / غِـيرْ بِالسُّهْدْ وِالجَفـَا  تـْفـَكّـَرُونِي سَـيَّّـلـُوا دَمْعَاتِي بَكّـُونِي /  مَنَادِيلْ الشّـُوكْ مَاسْحَة لَعْيُونِي تـْنـَاسُونِي فَصْلْ الزَّهَا وِالفـَرْحَة / وَقْتْ المَحْفـِلْ وِالرَّاكِبَة عَ الجِحْـفـَة زَادُوا مِنْ شُرُودِي وِالسَّرْحَة / هَايِمْ فِي الصَّحَارِي خـَـلـُّونِي خِلـْـتْهُمْ بـَلـْسِمْ لْغَارْقَاتْ جْرَاحِي / وَقـْتْ سَوَادِ اللـِّيلْ يـْوَنْسُوا مَطْرَاحِي   خَابْ ظَنـِّي بِطـْـلـُوعْ بَازْغَاتْ صْبَاحِي / لـْـقـِيتـْـنِي يُوسُفْ فِي الغَـيَـاهِـبْ رْمُونِي ‏الشّاعر‏ عبدالسّتـّار زرّوقي 2012/6/27 

من يصطاد في الماء العكر.....يشرب مرقة الضّفادع....... عبدالستار زرّوقي 2012_6_26

اِسألي عليّ الزّمان *** ينقلّك كل أخباري لا يوم حبّك هان *** متخلّط في الدّمّ جاري عايش في القلب مصان *** ملاّك ماهو كاري سكّنته وشيّدت البنيان *** وعليت ليه أسواري لو نسمع إسمك يبان *** يكشفني يبوح بأسراري كي نشوف زهر الرّمّان *** تتحيّر جميع أفكاري نحوزه بين الأحضان *** ندفّيه بلهيب ناري نذوّ قه حناني ألوان *** من الفجر نصبح ساري لاتقطفه يدين جنّان *** لا ينهشه وحش ضاري ذا قرّب منّه إنسان *** نصيبه بطلق ناري حليلي العاشق الولهان*** لايقدر يخبّي لايداري مكشوف من كل الأركان *** يبات و يصبح عاري لو نحمل من حبّك أطنان *** لا ثقل يقطّع أوتاري نصدح بالصّوت الرّنّان *** نتغنّى عليك بأشعاري  نحوّل مواويلك ألحان*** يطربني بيها مزماري يرقص ويزهى المكان *** وتفوح ريحة أزهاري نحلف ويميني مصان*** في الصّيف ينبت نوّاري لاحبّك كيفي إنسان ***سوقي نجعك لدوّاري الشّاعر عبدالسّتّار زرّوقي 2012/6/25

طـُولْ عُمْرِي فِي صَيْدْ الرِّيمْ / فِي الفَلَاةْ نـُـنْصُبْ شْبَاكِي الشَّمْسْ تَحْرِقْ فِي غْيَابْ الغِيمْ / وِالضَّوَاِري تـْرَاقِبْ فِي حْرَاكِي عـْلَى جَـالِكْ يَا زِينْ التّـَبْسِيمْ / سَاوِيتْ حْيَاتِي مْعَ هْلَاكِي ....... الشّاعر عبدالسّتّار زرّوقي 2012/6/26  

حَصَّنـْتـِكُمْ مْنِ العِينْ / مَاشَاءَ الله تـْبَارَكَ الله زَهْرْكُمْ مْوَرِّدْ عَالخُدِّينْ / إسْمَ الله عْلِيكُمْ اسْمَ الله يُحْرُِسْكُمْ وِيبَارِكْ سـِنـِينْ  / لَا قـُـوَّة إِلْاّ بالله شَمْسْ النَّهَارْ تـِكْوِي فِي الحِينْ / وْشَمْسَكُمْ المِظَلَّة  وْفِي  لِيلِي إِنْتُمْ  قَمَرِينْ / تِضْـــوُوا عْلَى عْبَادْ  الله مَا عِنْدِي الهْرُوبْ لـْوِينْ / مَشْدُودْ  لِيكُمْ  إِي  وَالله عبدالستار زرّوقي 2012/6/22 الهاتف 216 26485378

الصّيف جانا / يافرحنا ياهنانا / قولوا معانا / يا مرحبا بالضّيف صيفنا أفراح / وليالي ملاح / نهنّي بالنّجاح / ونعمل كيف فصل الأعراس / فرحة التّرّاس / اللّمّة والنّاس / والجو نظيف وغنا الحصّادة / فرحة وسعادة / الخير بزيادة / يا محلا الرّيف  عبدالستار زرّوقي  2012/6/15

خَــلّـُونِــي سَاكِــتْ / مَــاتـُعْرْضُوشْ عْلَـــــــيَّ دُنْـيِـِـيـتِي ضَـــاقِـــتْ / بِالـدَّمْعْ ابْــكِي  يَا عْـنَـيَّـــــا صَاحِـــــي وْرَاقِــــدْ / كْـلَاَمَاتْهُمْ تْرِنّْ فِي وِذْنَيَّ لْهِيـِــــبِي وَاقِـــــــدْ / الأَيّـَامْ وِالمَكْتُوبْ عَمْلـُوا فِيَّ جـِــيتْ نِـتْـكَـلِّــــــــمْ  / بَعْدْمَا كَاسْ الصّمْتْ فَاضْ بِيَّ لـْقِيتْنِـــي نِتْـــــــأَلِّـمْ  / سَلِّمْتْ.. رَافِعْ لِلسَّمَا إِيدَيَّ كْلَامْهُمْ كَسَّرْ / سْفِينْتِي وْمِجْدَافِي لاَ نِقْدَرْ نُعْبُرْ / أَشْوَاكْهُمْ مَزْرُوعَة فِي كُلْ ثـْـنِيَّة    ........ عبدالسّتّار زرّوقي 12/5/2012

قلبي بعثتو ليك / مشى ما ولّى احترت فيه وفيك / يا شرع الله بعثتو ينادي / يقلّك يا بهجتي واسعادي انت مرادي / اتفكّري أيّامي واعمل طلّة 2012/6/10

يَامَرْكَبَة  سَايْرَة وِينْ وَاخْذَاهَا / النَّاسْ بِيَّ دَايْرَة وْعَقْلِي مْعَاهَا إِنْتِ خْذِيتِ اللِّي قَلْبِي هْوَاهَا / وْتْرَكْتِ سْفِينْتِي هَايْمَة فِي مَرْسَاهَا خْذِيتِيهَا وِالَقََلْبْ بِيهَا مِتْعَلِّّقْ / رَاقِي جْبَالْ السَّرَابْ يِتْسَلِّقْ  خَلِّيتِ عْيُونِي فِي الأُفُقْ تْحَلِّّقْ / إِيدِي مَمْدُودَة تْفُكْ حَبْلْ يْدِيهَا يَا مَرْكَبَة نَعْطِيكِ وْصِيَّة / سيري بمحبوبتي في رطب ثنيّة لاتتململي في وسط بريّة /  ياريتك يا سفينة ترسّي في مينا / نرتاح فيه من تعب ماضينا .ننسى الكرب واللّي صاير فينا / ونحس بالدّنيا ونقول محلاها لو نقدر نسيّرك على كفّ يديّ / ننزع رموش عيوني نغطّيها 2012/6/09  

لـَـشْكـُونْ تـِكـْتـِبْ يَاشَاعِرْ.......هـَاذِي الّنـَاسْ الكـُلْ رْقُودْ    عـِدْ مِـالأَوِّلْ  لِلْعـَاشِرْ.......بـِينـِكْ وْبـِـينْهـُمْ سْدُودْ  فِي بَالِكْ مْعَاهُمْ تـِتـْسَامِرْ...تـِمْدَحْ فِي خْصَايـِلْ الجْدُودْ  سَهّـَلـْتْ عـْلـِيهُمْ الوَاعـِرْ........دَوْرُوا عـْـلـِيكْ لـَخْدُودْ  لاَ تـَلـْقـَى فِـيهُمْ السّـَاهـِرْ.......لا َتـْـحَـيّـَرْ سُكّــَانْ اللّـْحُودْ لاَ يْـهِمَّـكْ مِنْهُمْ النَّاكٍرْ .........يَامَا قَـــــابْلِكْ بِــجْحُودْ لاَ عُمْرُو  لْشٍعْرِكْ نَاشٍرْ ........ لاَ يَبْعَثْ " جـــَامْ " لاَ رْدُودْ يــُمْكُنْ لِلْفَهْمْ قَاصٍــــــرْ..........  أَوْ يُمْكُنْ  غِيرْ موْجُودْ لاَ تْعَوِّلْ عْلَى حْصَانْ خَاسِرْ......يَفْضْحِكْ بِينْ لَحْشُودْ فِي العَلْفَة  مُمْتَازْ مَاهِرْ...........وْلَا يِبْذِلْ أَدْنَـى مَجْهُودْ تَلْقَاهْ فِي الظَرْفْ القَاهِرْ ........مْعَ النَّاسْ عْلِيكْ شْهُودْ مِـتْـجَـنْـبِـكْ  دِيمَة نَـافِـرْ.............كَايِـنَّـكْ دَبَّـاغْ جْـلُودْ  ...

عبدالستار زروقي اللّي حبّيته ياقلبي كان افتراضي  كان مجرّد وهم...  كان اسم وصورة  كان كابوس وحلم  أهو راح تعبك عالفاضي  اللّي حبّيته ياقلبي كان افتراضي.... الله يعوّض عليك فلّي راح  انت اللّي عملتو بايديك وربّيتلو جناح  ونسيت معاه الماضي   كل ده وهو موش راضي  اللّي حبّيته ياقلبي كان افتراضي  ..............  عبدالستار زروقي (الشاعر الغنائي) 6_6_2012

لاَ عَادْ تْلُومُونِي .....لَا عاَدْ نْحِبْ عْتاَبْ  خَلِّيُتوا الِلّي ظَلْمُونِي ... سَكَّرْتوُا عَلَيَّ الباَبْ مَاعَادْ نْطِيقْ مْرَارَة ....سَامُورِي لْهِبْ شْرَارَه هَاذِي الدِّنْيَا الَغدَّارَة ......قِلْبِتْ عْلَيَّ الَأحْبَابْ عبدالسّتّار زرّوقي 06_6_2012 الهاتف +21626485378

*يا الله ياربّي ...ظلمت نفسي فاغفر لي ذنبي فليس لي إلاّك ...ولا معبود سواك يا الله يا ربي يا الله يا سندي ...دعوتك ربي خذ بيدي * يا ذنوبي مهما تزيـدي .... عندي ربّي يستر عيبي  يا الله يا ربي *زيدي زيدي ياذنوبي ...زيدي وحشة يا دروبي مهما عظمْتِ ياخطوبي... لي ربّي ينيرُ دربي  يا الله يا ربي *هذا حملي عليّ ثقيل ...ونفسي للهوى تميل ارفع يديّ بالدّعاء أطيل.....ربّي فرّج عنّي كربي يا الله يا ربي *يا الله أنت رجائي ...في الجهر كما الخفاء ارفع يديّ بالدّعاء أطيل.....ربّي فرّج عنّي كربي يا الله يا ربي *من لي غيرك أراجي ...أو  أطلب منه علاجي ربّي جعلتك منهاجي....أنجدني وأقبل صوبي يا الله يا ربي  أنجدني ربّي بغوثـك ...وافتح لي أبواب عفوك*  هذه الرّوح تقبل نحوك ........وكتابك دوما بقربي يا الله يا ربي ربّي إليك فزعت .. ولأبوابك قد قرعت  لجلال وجهك خشعت .... فاجعل جنّتك من نصيبي يا الله يا ربي الشّاعر \ عبدالسّتّار زرّوقي القيروان 21626485378+

لَوْ كُلْ الُبُحورْ تْصِيْر دْمُوعْ / تْكُونْ فِي عْيُونِي قَطْرَة مِنْ دَمْعِي لَوْ يْكُونْ هَمْسِي أَنِينَهْ مَسْمُوعْ / تِمْتِلِي الأَنْهَارْ مِنْ فَيْضْ نَبْعِي لَوْ أَعْرِفْ لِخْيَالِكْ رْجُوعْ / كُنْتْ أَدْفْن فِي قَلْبِي وَجْعِي يَلِّي بِرْجُوعِكْ تْنَوِّرْ الرْبُوعْ / وِتِطَفِّي نَارِي وْيِسْكِنْ لَوْعِي آهْ..يَا مْفَارِقْ نَاسِكْ وِالنُّجُوعْ / مِنْ يُومْ غْيَابِكْ مَاضَوَّى شَمْعِي تِتْركْنِي وْسَهْمِكْ بِينْ الضُّلُوعْ / وَانَا الْلِّي خْذِيتِكْ حِمَايَا وْدِرْعِي عبدالسّتّار زرّوقي القيروان 21626485378+ 06_5_2012

1 قدّاش تكويت بنارك الوقّادة وقدّاش خالفت فيك شرع الله وعباده حبّك غيّر فيّ نفسي  كلّ  عادة كلّ يوم كان يدخل لقلبي بزيادة 2 قدّاش شربت من كاس مرّك وقدّاش خلّيتني محتار في أمرك مشيت برجلي على حرّ جمرك خلت نفسي أمشي على سجّادة 3 عوض الخطوة وراك جريت  أميال وتبّعت الطّريق الصّعب المحال  أعرف ياما في طريقي فنا رجال لقيت نفسي سايرة ليك من غير رادة 4 تمنّيت لو يرجعلي صغري وتمنّيت لو حبّك طل عليّ من بكري لكن غصبني و انزرع لي في كبري ماعدت أفرّق بينو وبين العبادة 5 حبّك كان عليّ القاضي سلّط فوق رقبتي سيفه الماضي ياما كنت  ليه ألاعب وأراضي و يقلّي ياميّت لاتنسى الشّهادة 6 ياهل ترى نسير ونكمّل ندعي ربّي وعليه نعمّل ولاّ نتركه نمشي ونهمّل وننسى معاه كل ماهو سعادة 7 حرت وحار دليلي وعاد النهار يشبه ليلي هلكني تفكيري يا ويلي ماعرف راسي نوم وسادة 8 نعدّي اليوم وانا نخمّم

نار الفراق شاعلة وقّادة / تحرق مالأبعاد ماهي كي العادة نار الفراق مولّعة بزيادة / فرشتلي الشّوك وصارت لي وسادة 2012/6/03

سهرت ليالي مع أشعاري...عليك ننشد ونغنّي داية مولاة السّفساري...هي لحني وفنّي قروية كالرّيم الجالي...شعرها ريش نعام قمرة ضوّاية في ليالي...خارجة من الحمّام زين وقد وحسن لطافة...والمضحك بسّام هي في العنوان نظافة...صحّة الإستحمام عيونك ياغنجة صيّادة...شفرها سيف مسلول الله يستر منها عبادة...تسلب العقول ...... عبدالستار

‏ يَا دِنْيَا مَانِي وْخَيِّكْ === سَايْسِينِي مَا ادِّزِّيشْ لاَ عَنْدِي كْتِفْ لاَ وْرَيِّكْ === يَادُوبْ نْحِبْ نْعِيشْ 2012/6/02   عبدالستار زروقي (الشاعر الغنائي)‏